ថ្មីៗនេះ ក្រុមហេគឃ័រ (Hackers) បានប្រើបច្ចេកទេសដែលគេហៅថា ស្ទូចត្រី (Phishing) ដើម្បីលួចយកទិន្នន័យពីអ្នកប្រើប្រាស់ទូរស័ព្ទ iPhone ដោយផ្ញើសារ (text message) ទៅកាន់ទូរស័ព្ទដៃរបស់អ្នក។
ក្នុងសារដែលក្រុមហេគឃ័រផ្ញើឲ្យនោះ គឺក្នុងបំណងឲ្យអ្នកបំពេញព័ត៌មានអំពី Apple ID របស់អ្នកក្រោមហេតុផលថា Apple ID របស់អ្នកជិតផុតថ្ងៃកំណត់ប្រើប្រាស់ហើយ (មើលរូបខាងក្រោម)។
ពួកហេគឃ័រ (Hackers) បានបន្លំផ្ញើសារថា ក្រុមហ៊ុន Apple Inc ទាមទារឲ្យអ្នកបញ្ជាក់ព័ត៌មានអំពី Apple ID តាមរយៈតំណភ្ជាប់នៅក្នុងសារទូរស័ព្ទ ដើម្បីការពារ ឬអាចប្រើប្រាស់ Apple ID បន្តទៀតបាន។
តំណភ្ជាប់នោះមានច្រើន ប៉ុន្តែមិនមែនជាតំណភ្ជាប់ទៅកាន់ក្រុមហ៊ុន Apple នោះទេ។ តំណភ្ជាប់ផ្លូវការទៅកាន់ Apple ID មានតែមួយគត់ គឺ https://appleid.apple.com/ (ដូចរូបខាងក្រោមដែលមានសញ្ញាសម្គាល់ពណ៌បៃតងនៅខាងលើឆ្វេងដៃជាប់ url ដាក់ថា Apple inc. [US])។
ដើម្បីសុវត្ថិភាព សូមកុំចុចលើតំណភ្ជាប់ (Link) នៅក្នុងសារ ( text SMS) ឬកុំបំពេញព័ត៌មាននៅលើវែបសាយ (website) ដែលមិនមែនជារបស់ក្រុមហ៊ុន Apple ពីព្រោះថាក្រុមហ៊ុន Apple កម្រនឹងផ្ញើសារទៅកាន់ទូរស័ព្ទដៃណាស់ គឺក្រុមហ៊ុនផ្ញើតាមតែអាសយដ្ឋានអ៊ីមែល (email) ដែលអ្នកបានចុះឈ្មោះជាមួយក្រុមហ៊ុនតែប៉ុណ្ណោះ។ បើមិនដូច្នេះទេ ទិន្នន័យសំខាន់ៗរបស់អ្នកអាចនឹងបាត់បង់ជាក់ជាមិនខាន៕
ខាងក្រោមជាវែបសាយផ្លូវការរបស់ក្រុមហ៊ុន Apple Inc
