វចនានុក្រមខ្មែរ–ខ្មែរអេឡិចត្រូនិកដំបូងដែលត្រូវបានចម្លងខ្លឹមសារទាំងស្រុងចេញពីវចនានុក្រមដើមរបស់សម្ដេចសង្ឃពោធិញាណ ជួន ណាត បោះពុម្ពលើកទី៥ ដោយវិទ្យាស្ថានពុទ្ធសាសនបណ្ឌិតនៅឆ្នាំ១៩៦៧។
វចនានុក្រមនេះដំណើរការទាំងនៅលើទូរស័ព្ទប្រើប្រព័ន្ធប្រតិបត្តិការអែនឌ្រោយ (Android) ទូរស័ព្ទប្រើប្រព័ន្ធប្រតិបត្តិការអាយ.អូ.អេស (iOS) និងនៅលើកុំព្យូទ័រដោយឥតគិតថ្លៃ។
អំពីវចនានុក្រម
វចនានុក្រមអេឡិចត្រូនិកនេះមានពាក្យសរុបទាំងអស់ចំនួន ១៨៩៤៧ពាក្យ និងដំណើរការស្វែងរកពាក្យមានល្បឿនលឿនរហូតដល់ ២ម៉ឺនពាក្យក្នុងមួយវិនាទី។ លើសពីនេះ វចនានុក្រមនេះមានលក្ខណៈពិសេសអាចឲ្យអ្នកប្រើប្រាស់រក្សាទុកពាក្យដែលចូលចិត្ត ឬត្រូវការញឹកញាប់នៅកន្លែងមួយដែលងាយស្រួលរក និងរក្សាពាក្យអ្នកធ្លាប់ស្វែងរកទៀតផង។
វចនានុក្រមអេឡិចត្រូនិកនេះត្រូវបានបង្កើតឡើងដោយអ្នកជំនាញខាងព័ត៌មានវិទ្យាមួយក្រុមនៅក្នុងសាកលវិទ្យាល័យភូមិន្ទភ្នំពេញ ក្រោមការផ្ដួចផ្ដើមរៀបចំដោយរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បណ្ឌិត អូន ព័ន្ធមុន្នីរ័ត្ន និងចូលរួមគាំទ្រដោយអគ្គិសនីកម្ពុជា។
គោលបំណងចម្បងនៃគំនិតផ្ដួចផ្ដើមរៀបចំវចនានុក្រមខ្មែររបស់សម្ដេចសង្ឃ ជួន ណាត ក្នុងទម្រង់អេឡិចត្រូនិកតាមខ្លឹមសារទាំងស្រុងនេះ គឺដើម្បីជំរុញការប្រើប្រាស់កម្មវិធីនេះឲ្យក្លាយជាវេទិកាដែលអាចជួយអភិរក្ស “រតនវត្ថុវប្បធម៌ជាតិ” ផង និងជួយពង្រីកការប្រើប្រាស់ភាសាខ្មែរឲ្យកាន់តែល្អប្រសើរ កាន់តែត្រឹមត្រូវ និងកាន់តែងាយស្រួល។
របៀបប្រើប្រាស់កម្មវិធីវចនានុក្រមខ្មែរសម្ដេចសង្ឃ ជួន ណាត
ទាញយកវចនានុក្រមខ្មែរសម្ដេចសង្ឃរាជ ជួន ណាត
- ទាញយកសម្រាប់ដំឡើងលើកុំព្យូទ័រ (ទាញយក/Download) ឬតាមរយៈ តំណភ្ជាប់មួយនេះ
- ទាញយកសម្រាប់ដំឡើងលើទូរស័ព្ទស្មាតហ្វូន (Smart Phone) ប្រើប្រព័ន្ធប្រតិបត្តិការអែនឌ្រោយ (Android) (ទាញយក/Download)
- ទាញយកសម្រាប់ដំឡើងលើទូរស័ព្ទស្មាតហ្វូន (Smart Phone) ប្រើប្រព័ន្ធប្រតិបត្តិការអាយ.អូ.អេស (iOS) (ទាញយក/Download)
 ដំណើរការទាំងលើទូរស័ព្ទ Android ទូរស័ព្ទ iPhone និងនៅលើកុំព្យូទ័រដោយឥតគិតថ្លៃ។){kind=link}