Microsoft បង្កើត​កម្មវិធី​កម្ចាត់​មេរោគ​ថ្មី​សម្រាប់​កុំព្យូទ័រ MAC

កម្មវិធី​កម្ចាត់​មេរោគ​នេះ​អាច​ដំណើរការ​លើ​កុំព្យូទ័រ MAC ដែល​មាន​ប្រព័ន្ធ​ប្រតិបត្តិការ macOS Mojave, macOS High Sierra, ឬ macOS Sierra តែ​ប៉ុណ្ណោះ​នៅ​ពេល​បច្ចុប្បន្ន​នេះ។

2149
ក្រុមហ៊ុន Microsoft បង្កើត​កម្មវិធី​កម្ចាត់​មេរោគ​ថ្មី​សម្រាប់​អ្នក​ប្រើប្រាស់​កុំព្យូទ័រ MAC ឈ្មោះ Microsoft Defender Advanced Threat Protection (ATP)។
ក្រុមហ៊ុន Microsoft បង្កើត​កម្មវិធី​កម្ចាត់​មេរោគ​ថ្មី​សម្រាប់​អ្នក​ប្រើប្រាស់​កុំព្យូទ័រ MAC ឈ្មោះ Microsoft Defender Advanced Threat Protection (ATP)។

ក្រុមហ៊ុន Microsoft បង្កើត​កម្មវិធី​កម្ចាត់​មេរោគ​ថ្មី​សម្រាប់​អ្នក​ប្រើប្រាស់​កុំព្យូទ័រ MAC ដែល​ប្រើ​ប្រព័ន្ធ​ប្រតិបត្តិការ macOS នៅ​ពេល​ថ្មីៗ​នេះ ដូច​នឹង​កម្មវិធី​កម្ចាត់​មេរោគ​ដែល​ដំណើរការ​នៅ​លើ​ប្រព័ន្ធ​ប្រតិបត្តិការ Windows 10 ដែរ។

ចូលរួម Telegram របស់ Techkhmer.net ដើម្បី​ទទួល​បាន​គន្លឹះ និង​ដំណឹង​ថ្មីៗ!

Loading...

កម្មវិធី​កម្ចាត់​មេរោគ​ដែល​ក្រុមហ៊ុន Microsoft ដាក់​ឲ្យ​ប្រើ​នៅ​លើ Windows 10 ដោយ​មិន​គិត​ថ្លៃ​ឈ្មោះ Windows Defender Advanced Threat Protection (ATP) ត្រូវ​បាន​ក្រុមហ៊ុន​នេះ​ប្ដូរ​ឈ្មោះ​ទៅ​ជា Microsoft Defender Advanced Threat Protection (ATP) សម្រាប់​អ្នក​ប្រើប្រាស់​កុំព្យូទ័រ MAC។ ក្រុមហ៊ុន​នេះ​បាន​បង្កើត Defender ATP client ជាពិសេស​មួយ​សម្រាប់ MAC ហើយ​វា​អាច​ការពារ​មេរោគ​ជាមួយ​សមត្ថភាព​ស្វែងរក​មេរោគ​ឆាប់​រហ័ស និង​ពេញលេញ។

កម្មវិធី​កម្ចាត់​មេរោគ​នេះ​អាច​ដំណើរការ​លើ​កុំព្យូទ័រ MAC ដែល​មាន​ប្រព័ន្ធ​ប្រតិបត្តិការ macOS Mojave, macOS High Sierra, ឬ macOS Sierra តែ​ប៉ុណ្ណោះ​នៅ​ពេល​បច្ចុប្បន្ន​នេះ។

Microsoft Defender Advanced Threat Protection (ATP)
Microsoft Defender Advanced Threat Protection (ATP)

ទោះ​យ៉ាង​ណា​ក៏ដោយ ប្រសិន​បើ​លោក​អ្នក​ចង់​សាកល្បង​ប្រើប្រាស់​កម្មវិធី​កម្ចាត់​មេរោគ​នេះ​នៅ​លើ​កុំព្យូទ័រ MAC របស់​លោក​អ្នក នោះ​តម្រូវ​ឲ្យ​លោក​អ្នក​ចុះ​ឈ្មោះ​ដើម្បី​ទទួល​បាន​កម្មវិធី​នេះ​ជា​មុន​សិន​តាម​តំណ​ភ្ជាប់​នេះ «ចុះ​ឈ្មោះ​ប្រើ​កម្មវិធី Microsoft Defender ATP» ពីព្រោះ​ការ​ប្រើប្រាស់​មាន​ចំនួន​កំណត់ និង​កំពុង​ស្ថិត​នៅ​ក្នុង​ការ​សាកល្បង​នៅ​ឡើយ ហើយ​ក៏​មិន​ទាន់​ប្រាកដ​ថា​ក្រុមហ៊ុន​នឹង​ដាក់​ឲ្យ​ប្រើប្រាស់​កម្មវិធី​កម្ចាត់​មេរោគ​ជា​ទូទៅ​នៅ​ពេល​ណា​ដែរ។

សូម​ចែក​រំលែក​ដំណឹង​នេះ​ទៅ​កាន់​មិត្តភ័ក្ដិ​របស់​អ្នក​ឲ្យ​បាន​ដឹង​ផង។ សូម​អរគុណ..!

កំណត់​ចំណាំ៖ ហាម​យក​អត្ថបទ​ពី​គេហទំព័រ www.www.techkhmer.netទៅ​ចុះ​ផ្សាយ​ដោយ​គ្មាន​ការ​អនុញ្ញាត៕

Comments

 ឫទ្ធិស័ក្តិ
លោក ឫទ្ធិ ស័ក្ដិ គឺ​ជា​អ្នក​សរសេរ​អត្ថបទ​ផ្នែក​បច្ចេកវិទ្យា និង​គន្លឹះ​ថ្មីៗ​ក្នុង​ការ​ប្រើប្រាស់​ប្រចាំ​ថ្ងៃ​នៅ​ក្នុង​បច្ចេកវិទ្យា។ ស័ក្ដិ ចូលរួម​ចែក​រំលែក​ដំណឹង​ល្អៗ​អំពី​បច្ចេកវិទ្យា​ចាប់​តាំង​ពី​វេបសាយ​មួយ​នេះ​ត្រូវ​បាន​បង្កើត​ឡើង។ គាត់​ចង់​ឱ្យ​ប្រជាជន​ខ្មែរ​កាន់​តែ​ច្រើន​យល់​ដឹង​អំពី​បច្ចេកវិទ្យា​ឱ្យ​ទូលំទូលាយ ពីព្រោះ​បច្ចេកវិទ្យា​អាច​ជួយ​ឱ្យ​ជីវភាព​រស់នៅ​របស់​យើង​កាន់​តែ​ទំនើប​ស្រប​ទៅ​នឹង​ការ​វិវឌ្ឍ​នៃ​សម័យ​កាល។