បារខែមបន្ទាយមានជ័យ ២០១៨ (BarCamp Banteay Meanchey 2018) នឹងចាប់ផ្ដើមនៅថ្ងៃទី២៥ ខែឧសភា ឆ្នាំ២០១៨ ចាប់ពីម៉ោង ១រសៀល–៥ល្ងាច និងនៅថ្ងៃទី២៦ ខែឧសភា ឆ្នាំ២០១៨ ចាប់ផ្ដើមពីម៉ោង ៨ព្រឹក–៥ល្ងាច។
ព្រឹត្តិការណ៍បារខែមបន្ទាយមានជ័យ នេះ នឹងត្រូវរៀបចំក្នុងបរិវេណសាកលវិទ្យាល័យមានជ័យ ក្នុងខេត្តបន្ទាយមានជ័យ។ លោកអ្នកអាចចូលរួមកម្មវិធីនេះដោយសេរី ដោយគ្រាន់តែចុះឈ្មោះតាមរយៈតំណភ្ជាប់ខាងក្រោម ដើម្បីអាចទទួលបានអាវយឺតដ៏ស្រស់ស្អាតពីកម្មវិធី។
វាគ្មិនល្បីៗជាច្រើនរូបមកពីតាមបណ្ដាស្ថាប័នផ្សេងៗគ្នា នឹងលើកយកប្រធានបទសំខាន់ៗជាច្រើនមកបង្ហាញ និងចែករំលែកចំណេះដឹងជូនអ្នកចូលរួមទាំងអស់ក្នុងរយៈពេលពីរថ្ងៃនេះ។
តើប្រធានបទបារខែមបន្ទាយមានជ័យ មានអ្វីខ្លះ និងត្រូវស្វែងរកដោយរបៀបណា?
គិតត្រឹមល្ងាចថ្ងៃទី២៣ ខែឧសភា និងផ្អែកលើតារាងប្រធានបទរបស់ព្រឹត្តិការណ៍បារខែមបន្ទាយមានជ័យ ដែលផ្សព្វផ្សាយនៅលើទំព័រហ្វេសប៊ុក (Facebook) BarCamp Banteay Meancheyបង្ហាញឲ្យដឹងពីប្រធានបទដូចខាងក្រោម៖
- អត្ថប្រយោជន៍នៃការសិក្សាជំនាញក្នុងសាកលវិទ្យាល័យតាមអនឡាញ (Online Degree for University Students)
- វេទិកាពិភាក្សា “តើជំនាញអ្វីខ្លះដែលយុវជនត្រូវការសម្រាប់ឱកាសការងារ?”
- ស្វែងរកភាពច្នៃប្រឌិត និងភាពជាអ្នកដឹកនាំដែលមាននៅក្នុងខ្លួនអ្នក
- ទីផ្សារឌីជីថល (Digital Marketing)
- របៀបសម្ភាសន៍ការងារប្រកបដោយប្រសិទ្ធភាព
- U.S. Exchange Programs for Students and Scholars
- សិល្បៈនៃការអានសៀវភៅ (អានសៀវភៅឲ្យឆាប់យល់)
- បទពិសោធន៍កំណត់អតិថិជនគោលដៅក្នុងអាជីវកម្មអាហារ និងភេសជ្ជៈ
- ស្វែងយល់ពីសេដ្ឋកិច្ចឌីជីថល
- ការអភិវឌ្ឍតំបន់ទេសចរណ៍ធម្មជាតិ
- តើធ្វើដូចម្តេចដើម្បីធ្វើឲ្យការទំនាក់ទំនងមានប្រសិទ្ធភាព?
- អ្វីជាភាពជោគជ័យ?
- សិល្បៈនៃការសរសេរសៀវភៅ
- ជីវិត និងសេរីភាពដែលយើងជាអ្នកកំណត់
- បង្កើតម៉ាកសញ្ញាល្អឲ្យខ្លួនឯង (How to make Personal Branding?)
- វេទិកាពិភាក្សា “តើគួរចាប់ផ្តើមអាជីវកម្មនៅពេលណា?”
- តើបច្ចេកវិទ្យាជួយនិស្សិតរៀនយ៉ាងដូចម្តេច?
- ការរៀនសូត្រយូរអង្វែង ឬរបៀបប្រើទិន្នន័យអនឡាញសម្រាប់ទទួលបានអាហារូបករណ៍ (មានការបកប្រែជាភាសាខ្មែរ)
- តើហេតុអ្វីបានជាយើងត្រូវដើរផ្សងព្រេងម្នាក់ឯង?
- ជំនាញស្រាវជ្រាវអាចជួយធ្វើឲ្យប្រសើរឡើងក្នុងការអភិវឌ្ឍផ្ទាល់ខ្លួន និងភាពរីកចម្រើន នៃអាជីពការងារ
- ការរៀបចំ slide បទបង្ហាញឲ្យមានប្រសិទ្ធភាព
- ការត្រៀមខ្លួនសម្រាប់អាជីវកម្មដំបូង
- គន្លឹះដើម្បីទទួលបានអាហារូបករណ៍ និងការងារតាមរយៈ “សួរមួយ“
- ការចាប់អាជីពជាអ្នកថតរូប
- ហេតុអ្វីបានគួររៀន និងចូលរួមវិស័យកសិកម្ម?
- ការចាប់ផ្តើមអាជីវកម្មក្នុងវិស័យ Design
- ការដោះស្រាយបញ្ហាប្រកបដោយប្រសិទ្ធភាព
- បច្ចេកវិទ្យាសម្រាប់អ្នកមិនមែនបច្ចេកវិទ្យា
- យុទ្ធសាស្ត្រទីផ្សារឌីជីថល Digital Marketing Strategic
- ឥទ្ធិពលនៃកម្មវិធី Google Local Guides លើអាជីវកម្ម និងសហគមន៍
- សារសំខាន់នៃការអភិវឌ្ឍខ្លួនក្នុងអំឡុងពេលរៀនសកលវិទ្យាល័យ
- ទម្លាប់ ៧យ៉ាងដ៏មានប្រសិទ្ធភាពសម្រាប់យុវវ័យ
- ប្រព័ន្ធបច្ចេកវិទ្យាសម្រាប់និស្សិតសាកលវិទ្យាល័យ
- ទំនាក់ទំនងរវាងកសិកម្ម និងបច្ចេកវិទ្យា
- ចំណេះដឹងមូលដ្ឋាននៃការរចនាក្រាហ្វិក
- តោះ! បម្លែងបញ្ហាទៅជាឱកាសអាជីវកម្មបច្ចេកវិទ្យា!
- ការគិតត្រិះរិះពិចារណា (Critical Thinking)
- ការរៀបចំផែនការផ្សព្វផ្សាយលើបណ្ដាញសង្គមហ្វេសប៊ុក
- ធ្វើយ៉ាងណាឲ្យជីវិតយើងមានន័យ? បច្ចេកវិទ្យា និងការស្រាវជ្រាវអាចជួយអ្នកបាន!
- របៀបប្រើ design thinking ដើម្បីតេស្ដគំនិតអាជីវកម្មដោយចំណាយតិច
- វិធីសាស្ត្រដើម្បីដាក់អាជីវកម្មរបស់អ្នកដោយឥតគិតថ្លៃនៅលើ Google
- ការចាប់ផ្តើមអាជីវកម្មក្នុងវិស័យសុខាភិបាល
- ក្លាយខ្លួនជាអ្នកថតរូបពូកែ
- បទពិសោធន៍ធ្វើជំនួញដោយប្រើដើមទុនតិច
- ការរួមចំណែករបស់សហគមន៍ក្នុងការអភិវឌ្ឍ
- ភាពជាអ្នកដឹកនាំ អាចជួយធ្វើឲ្យប្រសើរឡើងក្នុងការអភិវឌ្ឍផ្ទាល់ខ្លួន និងភាពរីកចម្រើននៃអាជីពការងារ
- រីករាយដំណើរកម្សាន្តជាមួយ Google Local guide
- ការដាក់សារឲ្យឆ្លើយដោយស្វ័យប្រវត្តិនៅលើហ្វេសប៊ុក /ChatBot
- បង្កើតម៉ូដអក្សរខ្មែរបែបថ្មីក្នុងវិស័យឌីជីថលផ្ទាល់ខ្លួន
លោកអ្នកអាចស្វែងរកប្រធានបទខាងលើនៅលើផ្ទាំងផ្សព្វផ្សាយដែលក្រុមការងារនៃព្រឹត្តិការណ៍បារខែមបន្ទាយមានជ័យ ២០១៨ បានបិទនៅក្នុងបរិវេណនៃសាកលវិទ្យាល័យ មានជ័យ។ ម្យ៉ាងទៀត លោកអ្នកក៏អាចមើលតារាងប្រធានបទតាមរយៈតំណភ្ជាប់នៅខាងក្រោមផងដែរ។
ព័ត៌មានបន្ថែម សូមទាក់ទងអ្នកសម្របសម្រួលកម្មវិធីបារខែមបន្ទាយមានជ័យ ២០១៨៖
- លោក ជី សុផាត
- ទូរស័ព្ទលេខ៖ ០១០ ៣០៧ ៥៧៥
- តំណភ្ជាប់ចុះឈ្មោះ៖ https://barcampbmc18.eventbrite.com
- តំណភ្ជាប់តារាងប្រធានបទ៖ http://bit.ly/2KKUFbM
- អ៊ីមែល៖
- Website BarCamp Cambodia
សូមចែករំលែកដំណឹងនេះទៅកាន់មិត្តភ័ក្ដិរបស់លោកអ្នកឲ្យដឹងផង។ សូមអរគុណ!
កំណត់ចំណាំ៖ ហាមយកអត្ថបទពីគេហទំព័រ www.www.techkhmer.net ទៅចុះផ្សាយដោយគ្មានការអនុញ្ញាត៕