ក្រុមហ៊ុនហ្វេសប៊ុក (Facebook) ប្រកាសថា ខ្លួនបានលុបរូបភាពអាសអាភាសរបស់អនីតិជនចំនួនជិត ៩លានរូបភាពដោយប្រើប្រាស់បច្ចេកវិទ្យាបញ្ញាសិប្បនិម្មិត (Artificial Intelligent, AI) នៅក្នុងត្រីមាសទី៣ ឆ្នាំ២០១៨។
សេចក្ដីប្រកាសព័ត៌មានរបស់ក្រុមហ៊ុនហ្វេសប៊ុក នៅថ្ងៃទី២៤ ខែតុលា ឆ្នាំ២០១៨ ឲ្យដឹងថា បន្ទាប់ពីដាក់បញ្ចូលបច្ចេកវិទ្យាបញ្ញាសិប្បនិម្មិត (AI) ក្នុងការជួយកំណត់សម្គាល់រូបភាពហាមឃាត់នៅលើបណ្ដាញទំនាក់ទំនងសង្គមកាលពីឆ្នាំ២០១៧ មក ក្រុមហ៊ុនបានលុបរូបភាពដែលមានលក្ខណៈអាសអាភាសនៃកុមារបានចំនួន ៨,៧លានរូបភាពទូទាំងពិភពលោកចាប់ពីខែកក្កដា ដល់ខែកញ្ញា ឆ្នាំ២០១៨ នេះ។
ក្រុមហ៊ុននេះឲ្យដឹងទៀតថា រូបភាពអាសអាភាសរបស់កុមារប្រហែល ៩៩% ត្រូវបានក្រុមហ៊ុនលុបចោលមុននឹងត្រូវអ្នកប្រើប្រាស់រាយការណ៍ទៅកាន់ក្រុមហ៊ុន។
អានអត្ថបទផ្សេងទៀត៖
- ទំនួលខុសត្រូវ និងការគិតពីសុវត្ថិភាពក្នុងការប្រើប្រាស់អ៊ីនធឺណិត
- ៣ចំណុច អ្នកគួរធ្វើភ្លាម បើសង្ស័យថាមានគេលួច hack គណនីហ្វេសប៊ុករបស់អ្នក
- កុំឲ្យច្រឡំ! ក្រសួងមហាផ្ទៃ ប្រាប់ទំព័រហ្វេសប៊ុកផ្លូវការចំនួន១០ ដែលមានការបញ្ជាក់ទំព័រសញ្ញាធីកពណ៌ខៀវ
បច្ចេកវិទ្យាបញ្ញាសិប្បនិម្មិត (AI) មានសមត្ថភាពកំណត់នូវរូបភាពដែលអ្នកប្រើប្រាស់បានបង្ហោះ (upload) និងអាចកំណត់នូវសកម្មភាពមិនប្រក្រតី ឬមិនសមរម្យជាមួយកុមារ ហើយចាប់ផ្ដើមពិនិត្យមើល និងចាត់វិធានការ ប្រសិនបើសកម្មភាពនោះពិតជាមានបញ្ហារំលោភបំពានលើកុមារមែន។ នេះបើតាមការឲ្យដឹងពីអ្នកស្រី Antigone Davis ជាប្រធានផ្នែកសុវត្ថិភាពសាកលរបស់ក្រុមហ៊ុនហ្វេសប៊ុក។
លើសពីនេះទៀត ក្រុមហ៊ុនហ្វេសប៊ុកបញ្ជាក់ទៀតថា ក្រុមហ៊ុនក៏លុបគណនីហ្វេសប៊ុកណាដែលបង្ហោះ ឬផ្សព្វផ្សាយមាតិកាដែលមានរូបភាពប្រភេទនេះផងដែរ។ ដូច្នេះ សូមលោកអ្នកជៀសវាងបង្ហោះរូបភាពណាដែលមិនសមរម្យទាក់ទងនឹងកុមារ ប្រសិនបើមិនចង់បាត់បង់គណនីហ្វេសប៊ុក។
អ្នកដែលអាចចុះឈ្មោះប្រើប្រាស់បណ្ដាញទំនាក់ទំនងសង្គមហ្វេសប៊ុកបាន លុះត្រាតែមានអាយុចាប់ពី ១៣ឆ្នាំឡើងទៅ។
សូមចុច Like និង See First ដើម្បីទទួលបានដំណឹង និងគន្លឹះថ្មីៗអំពីបច្ចេកវិទ្យាមុនគេ
សូមចែករំលែកដំណឹងនេះទៅកាន់មិត្តភ័ក្ដិរបស់លោកអ្នកឲ្យបានដឹងផង។ សូមអរគុណ..!
កំណត់ចំណាំ៖ ហាមយកអត្ថបទពីគេហទំព័រ www.www.techkhmer.net ទៅចុះផ្សាយដោយគ្មានការអនុញ្ញាត៕