សាកលវិទ្យាល័យអាមេរិកាំងភ្នំពេញ (American University of Phnom Penh, AUPP) ប្រកាសផ្ដល់អាហារូបករណ៍ ១០០% ចំនួន ៤០កន្លែងសម្រាប់សិស្សឆ្នើមដែលពុំមានលទ្ធភាពបង់ថ្លៃសិក្សាក្នុងឆ្នាំសិក្សា២០២០-២០២១។
អាហារូបករណ៍ទាំង ៤០កន្លែងនេះគឺសម្រាប់មហាវិទ្យាល័យវិទ្យាសាស្ត្រ វិស្វកម្ម និងបច្ចេកវិទ្យាឌីជីថល ដែលក្នុងនោះថ្នាក់បរិញ្ញាបត្រផ្នែកគ្រប់គ្រងបច្ចេកវិទ្យាព័ត៌មានវិទ្យាចំនួន ១៥កន្លែង ថ្នាក់បរិញ្ញាបត្រផ្នែកវិស្វកម្មសំណង់ស៊ីវិលចំនួន ១៥កន្លែង និងថ្នាក់បរិញ្ញាបត្រស្ថាបត្យកម្មចំនួន ១០កន្លែង។ នេះបើតាមការចុះផ្សាយនៅលើវេបសាយសារព័ត៌មានថ្មីៗនៅថ្ងៃទី២០ កក្កដា។
ក្រៅពីអាហារូបករណ៍ខាងលើ សាកលវិទ្យាល័យអាមេរិកាំងភ្នំពេញ ក៏មានផ្ដល់អាហារូបករណ៍ ៥០% ជាច្រើនកន្លែងទៀតដល់សិស្សានុសិស្សដែលទទួលបាននិទ្ទេស A ឬ B ពេលប្រឡងមធ្យមសិក្សាទុតិយភូមិខាងមុខ ឬប្រឡងជាប់អាហារូបករណ៍រៀបចំដោយសាកលវិទ្យាល័យផ្ទាល់។
កាលបរិច្ឆេទទទួលពាក្យ
- ចាប់ពីថ្ងៃជូនដំណឹងនេះ
ព័ត៌មានបន្ថែម
- ទូរស័ព្ទលេខ៖ ០២៣ ៩៩០ ០២៣ / ០១២ ២៦៦ ៦៣១ / ០៩៣ ៩៩០ ០២៣
- វេបសាយ៖ www.aupp.edu.kh
- អាសយដ្ឋាន៖ ផ្ទះលេខ ២៧៨H ផ្លូវ២០១R ភូមិក្រោលគោ សង្កាត់គីឡូម៉ែត្រ៦ ខណ្ឌឫស្សីកែវ រាជធានីភ្នំពេញ៕