Telegram ជាកម្មវិធីផ្ញើសារ (Messenger app) ដែលកំពុងពេញនិយមមួយក្នុងចំណោមកម្មវិធីល្បីៗជាច្រើនទៀត។ លក្ខណៈពិសេសជាច្រើនដែលកម្មវិធីនេះផ្ដល់ឲ្យអ្នកប្រើប្រាស់រួមមាន អាចកែ ឬលុបសារដែលបានផ្ញើទៅកាន់ដៃគូម្ខាងទៀត អាចជជែកជាលក្ខណៈសម្ងាត់ (secret chats) អាចបញ្ជូនឯកសារ (files) ដែលមានទំហំរហូតដល់ ១,៥GB ជាពិសេសនោះ គឺក្នុងក្រុមជជែកមួយ (Group Chat) អាចទទួលសមាជិកបានយ៉ាងច្រើន និងមុខងារជាច្រើនទៀត។
ក្រៅពីមុខងារខ្លះៗដែល Tech Khmer បានរៀបរាប់ខាងលើ មុខងារមួយដែលលោកអ្នកនឹកស្មានមិនដល់នោះ គឺក្នុងកម្មវិធី Telegram មួយដែលអ្នកដំឡើងនៅក្នុងទូរស័ព្ទឆ្លាតវៃ Android អាចដាក់គណនីបានរហូតដល់ទៅ ៣គណនី (Multiple Account) ដោយគ្រាន់តែអ្នកមានលេខទូរស័ព្ទបីផ្សេងគ្នាតែប៉ុណ្ណោះ។
នេះជាចំណុចល្អមួយដែលលោកអ្នកអាចបែងចែករវាងគណនីផ្ទាល់ខ្លួន និងគណនីសម្រាប់អាជីវកម្មនៅលើទូរស័ព្ទតែមួយ ហើយមិនចាំបាច់មានទូរស័ព្ទឆ្លាតវៃរហូតដល់ទៅពីរ ឬបីនោះទេ។
អានអត្ថបទផ្សេងទៀត៖
- របៀបបិទកុំឲ្យ Hacker ឃើញ IP Address ពេល call តាម Telegram
- របៀបប្រើប្រាស់ Telegram នៅលើកុំព្យូទ័រ
- របៀបបិទ Online Status នៅលើ Messenger និង Facebook
ដើម្បីបញ្ចូលគណនីថ្មីនៅក្នុងកម្មវិធី Telegram សូមអនុវត្តតាមវិធីខាងក្រោមនេះ៖
ជំហានទី១៖ ដំណើរការកម្មវិធី Telegram នៅលើទូរស័ព្ទ Android របស់អ្នក រួចចុចលើសញ្ញាឆ្នូតបីនៅខាងឆ្វេងដៃផ្នែកខាងលើ (មើលរូបភាពខាងក្រោម)។
ជំហានទី២៖ ចុចលើសញ្ញាក្បាលព្រួញចុះក្រោមដែលនៅជួរជាមួយឈ្មោះគណនីចាស់របស់អ្នក (មើលរូបភាពខាងក្រោម)។
ជំហានទី៣៖ ចុចលើពាក្យ Add Account (មើលរូបភាពខាងក្រោម)។
ជំហានទី៤៖ បំពេញលេខសម្គាល់ប្រទេស និងលេខទូរស័ព្ទមួយផ្សេងទៀតរបស់អ្នកក្នុងប្រអប់ រួចចុចសញ្ញាធីកនៅខាងលើផ្នែកស្ដាំដៃ (មើលរូបភាពខាងក្រោម)។
ជំហានទី៥៖ Telegram នឹងផ្ញើសារភ្ជាប់នឹងលេខកូដទៅកាន់លេខទូរស័ព្ទរបស់អ្នក។ សូមយកលេខកូដនោះមកបំពេញនៅក្នុងប្រអប់ Code នៃអេក្រង់ Phone Verification នៅក្នុងកម្មវិធី Telegram ដើម្បីបញ្ជាក់អំពីលេខទូរស័ព្ទរបស់អ្នក (មើលរូបភាពខាងក្រោម)។
ជំហានទី៦៖ ក្នុងដំណាក់កាលនេះ ប្រសិនបើអ្នកមិនធ្លាប់បង្កើតគណនី Telegram ជាមួយលេខទូរស័ព្ទថ្មីរបស់អ្នកទេ លោកអ្នកគ្រាន់តែបំពេញឈ្មោះជាការស្រេច។
សូមចុច Like និង See First ដើម្បីទទួលបានដំណឹង និងគន្លឹះថ្មីៗអំពីបច្ចេកវិទ្យាមុនគេ
សូមចែករំលែកដំណឹងនេះទៅកាន់មិត្តភ័ក្ដិរបស់លោកអ្នកផង។ សូមអរគុណ..!
កំណត់ចំណាំ៖ ហាមយកអត្ថបទពីគេហទំព័រ www.www.techkhmer.net ទៅចុះផ្សាយដោយគ្មានការអនុញ្ញាត៕