ធ្លាប់បាត់ឯកសារពី USB ប៉ុន្តែទំហំប្រើប្រាស់ USB នៅតែមានទំហំដដែល។ នេះមានន័យថាឯកសាររបស់អ្នកត្រូវវីរុស (Virus) លាក់ (hidden file)។
ករណីនេះ ឯកសាររបស់អ្នកនៅតែមាននៅក្នុង USB ដដែល គ្រាន់តែអ្នកមើលមិនឃើញ ដោយសារទី១ អាចថាឯកសារទាំងនោះត្រូវបានកំណត់ជាប្រភេទ hidden និងទីពីរ ដោយសារមាន virus ឬ maleware នៅក្នុង USB បម្លែងឯកសារទាំងនោះទៅជាប្រភេទ hidden ដែរ។
ដំណោះស្រាយក្នុងករណីទី១ គឺត្រូវប្ដូរ property ឯកសារទៅ unhide
ជំហានទី១៖ ដោត USB ចូលកុំព្យូទ័រ
ជំហានទី២៖ បើក windows explorer
ជំហានទី៣៖ ចុចលើពាក្យ Tools រួចជ្រើសរើស Folder options រួចចុច View
ជំហានទី៤៖ រកមើលពាក្យ Hidden files and folders រួចជ្រើសរើសពាក្យ Show hidden files, folders, and drives
ជំហានចុងក្រោយ៖ ចុច Ok ជាការស្រេច។
ប្រសិនបើធ្វើតាមវិធីខាងលើនៅតែមិនឃើញឯកសារទៀត ត្រូវអនុវត្តវិធីខាងក្រោមម្ដង។
ដំណោះស្រាយក្នុងករណីទី២ ត្រូវប្រើឃ្លាបញ្ជា command
ជំហានទី១៖ ចុច Start menu រួចវាយពាក្យ cmd.exe ក្នុងប្រអប់ Search រួចចុចយក cmd.exe
ជំហានទី២៖ ឆែកមើល Drive USB របស់អ្នកឈ្មោះអី? ឧទាហរណ៍ថា USB របស់អ្នកគឺ Drive E:
ជំហានទី៣៖ នៅក្នុង command prompt ពណ៌ខ្មៅ វាយអក្សរ E: រួចចុច Enter key
ជំហានទី៤៖ ដំណាក់កាលនេះ គឺអ្នកកំពុងឈរនៅលើ Drive E: រួចវាយពាក្យដូចខាងក្រោមរួចចុច Enter Key
attrib -s -h -r /s /d
បន្ទាប់ពីចុច Enter លើ keyboard រួច ត្រឡប់ទៅមើលក្នុង Drive USB របស់អ្នកវិញ ថាតើឯកសារទាំងនោះបង្ហាញខ្លួនវិញហើយឬនៅ៕
