ទិន្នន័យជាង ១ពាន់លាននាក់របស់គេហទំព័រលក់ទំនិញចិន Taobao ត្រូវបានទាញយក
អ្នកអភិវឌ្ឍន៍សូហ្វវែរចិនម្នាក់បានបង្កើតកម្មវិធីប្រភេទ web crawling លួចទាញយកទិន្នន័យអ្នកប្រើប្រាស់ពីគេហទំព័រលក់ទំនិញដ៏មានប្រជាប្រិយរបស់ចិន Taobao ជាង ១១០០លាននាក់ក្នុងរយៈពេលតែ ៨ខែប៉ុណ្ណោះ។
សារព័ត៌មានអាមេរិក The Wall Street Journal ចុះផ្សាយនៅថ្ងៃទី១៥ ខែមិថុនា (ម៉ោងនៅអាមេរិក) ដោយដកស្រង់ពីសាលក្រមរបស់តុលាការស្រុកមួយក្នុងខេត្តហឺណាន (Henan) ភាគកណ្ដាលប្រទេសចិន បង្ហាញថា អ្នកអភិវឌ្ឍន៍សូហ្វវែរនោះចាប់ផ្ដើមប្រមូលទិន្នន័យអ្នកប្រើប្រាស់គេហទំព័រ Taobao ដែលជាផ្នែកមួយរបស់ក្រុមហ៊ុន Alibaba ចាប់ពីខែវិច្ឆិកា...
ប្រុងប្រយ័ត្ន! ទំព័រក្លែងជាកម្មវិធី Messenger បន្លំលួចគណនីហ្វេសប៊ុក
នៅពេលថ្មីៗនេះ ក្រុមការងារថិចខ្មែរ (TECH KHMER) សង្កេតឃើញមានផេកមួយចំនួនទើបតែបង្កើតឡើងថ្មីៗនៅចុងខែមេសា នេះ ហើយមាន Boost Page ផង បានបន្លំឈ្មោះស្រដៀងនឹងឈ្មោះកម្មវិធី Messenger របស់ហ្វេសប៊ុក ដោយជំរុញឱ្យអ្នកប្រើប្រាស់ចុចអាប់ដេត (update) កម្មវិធី Messenger។
ទំព័រហ្វេសប៊ុកទាំងនោះមានឈ្មោះដូចជា "Messenger ubdate" និងមានទំព័រជាភាសាខ្មែរមួយទៀតសរសេរថា "ធ្វើបច្ចុប្បន្នភាព" ដោយមានដាក់ឡូហ្គូ (logo) នៃកម្មវិធីផ្ញើសាររបស់ហ្វេសប៊ុក...
របៀបដាក់ពាក្យបណ្ដឹងពីការលួចគណនីហ្វេសប៊ុកឬឆបោកតាមអនឡាញទៅ ACCP
នាយកដ្ឋានប្រឆាំងបទល្មើសបច្ចេកវិទ្យា (ACCP) ប្រកាសទទួលពាក្យបណ្ដឹងតាមប្រព័ន្ធអនឡាញ ដើម្បីជួយសម្រួលដល់ជនរងគ្រោះ និងទប់ស្កាត់ការរាតត្បាតនៃជំងឺកូវីដ-១៩ ផង។
កាលពីថ្ងៃទី១៧ ខែមេសា ឆ្នាំ២០២១ នាយកដ្ឋានប្រឆាំងបទល្មើសបច្ចេកវិទ្យា ផ្សព្វផ្សាយនៅលើទំព័រហ្វេសប៊ុកថា ដើម្បីសម្រួលក្នុងការដាក់ពាក្យបណ្ដឹង និងអនុវត្តតាមសារាចរណែនាំស្ដីពីវិធានការបង្ការ និងទប់ស្កាត់ការរាតត្បាតនៃជំងឺកូវីដ-១៩ នាយកដ្ឋានប្រឆាំងបទល្មើសបច្ចេកវិទ្យាបានបង្កើតវីដេអូណែនាំខ្លីមួយមានរយៈពេលជាង ២នាទី ណែនាំពីរបៀបដាក់ពាក្យបណ្ដឹងដល់ពលរដ្ឋដែលរងគ្រោះពីការបោកបញ្ឆោតតាមរយៈអនឡាញ ឬទូរស័ព្ទ មានដូចជា៖
ការលួចយកគណនីបណ្ដាញសង្គមដើម្បីយកទៅបោកប្រាស់ការបោកបញ្ឆោតតាមរយៈការវេរលុយនិងបទល្មើសបច្ចេកវិទ្យាផ្សេងៗទៀត។
វិធីដាក់ពាក្យបណ្ដឹង៖
បំពេញពាក្យបណ្ដឹងដែលអ្នកអាចទាញយកពីតំណភ្ជាប់នេះ https://bit.ly/ACCPKHភ្ជាប់មកជាមួយនូវអត្តសញ្ញាណប័ណ្ណ ឬសំបុត្រកំណើត ឬលិខិតឆ្លងដែន និងសូមថតរូបផ្ទាល់ជាមួយឯកសារនេះភ្ជាប់មកជាមួយនូវរូបភាព Screenshot ទាក់ទងនឹងការបោកបញ្ឆោត។
បន្ទាប់ពីអ្នកបានប្រមូលឯកសារទាំងបីរួចហើយ...
បែកធ្លាយទិន្នន័យប្រមាណ ៥៣៣លានគណនីហ្វេសប៊ុករួមមានកម្ពុជាដែរ
ទិន្នន័យរបស់អ្នកប្រើប្រាស់ហ្វេសប៊ុក (Facebook) ប្រមាណ ៥៣៣លានគណនីបែកធ្លាយនៅលើវេទិកាអ៊ីនធឺណិត ប៉ុន្តែអ្នកនាំពាក្យរបស់ក្រុមហ៊ុនហ្វេសប៊ុកអះអាងថាជាទិន្នន័យចាស់ច្រើនឆ្នាំមកហើយ។
សារព័ត៌មាន RT របស់រុស្ស៊ី ចុះផ្សាយនៅថ្ងៃទី៤ ខែមេសា ឆ្នាំ២០២១ នេះឱ្យដឹងថា ទិន្នន័យរបស់អ្នកប្រើប្រាស់ហ្វេសប៊ុកដែលបែកធ្លាយនោះរួមមានឈ្មោះពេញ លេខទូរស័ព្ទ Facebook ID អ៊ីមែល និងប្រវត្តិរូបសង្ខេប ហើយប៉ះពាល់ដល់អ្នកប្រើប្រាស់នៅក្នុងប្រទេសចំនួន ១០៦ប្រទេស។ ប្រទេសដែលប៉ះពាល់ច្រើនជាងគេគឺ សហរដ្ឋអាមេរិក ដែលមានជាង ៣២លានគណនី។ ចំណែកឯប្រទេសអង់គ្លេស...
Chrome បញ្ចេញកំណែថ្មីជំនាន់ ៨៩ ឱ្យអ្នកប្រើប្រាស់អាប់ដេត (update)
ក្រុមហ៊ុន Google ជូនដំណឹងអំពីការធ្វើបច្ចុប្បន្នភាពកម្មវិធីរុករកទៅកាន់ជំនាន់ថ្មី ៨៩ បន្ទាប់ពីបញ្ចេញកំណែជួសជុលសន្តិសុខម្ដងរួចមកហើយដើម្បីជួសជុលចំណុចខ្សោយធ្ងន់ធ្ងរ និងបិទចន្លោះប្រហោងភាពងាយរងគ្រោះនៃកម្មវិធីនៅដើមខែមីនា ឆ្នាំ២០២១ នេះ។
សេចក្ដីជូនដំណឹងរបស់ក្រុមហ៊ុន Google នៅលើ Blog របស់ខ្លួនឱ្យដឹងថា ក្រុមហ៊ុនបានបញ្ចេញកំណែចុងក្រោយនៃកម្មវិធីរុករក Chrome ទៅកាន់កំណែជំនាន់ 89.0.4389.82 នៅថ្ងៃទី៥ មីនា បន្ទាប់ពីបញ្ចេញកំណែជួសជុលចំណុចខ្សោយចំនួន ៤៧ កាលពីថ្ងៃទី២ មីនា សម្រាប់ជួសជុល និងបិទចន្លោះប្រហោងដែលមាននៅលើកម្មវិធីរុករកនេះសម្រាប់ប្រព័ន្ធប្រតិបត្តិការ...
Firefox មានចំណុចខ្សោយធ្ងន់ធ្ងរនៅខែកុម្ភៈ ២០២១
នៅក្នុងខែកុម្ភៈ នេះ ក្រុមហ៊ុន Mozilla ចេញផ្សាយនូវចំណុចខ្សោយធ្ងន់ធ្ងរមួយដែលទាមទារឱ្យអ្នកប្រើប្រាស់កម្មវិធីរុករក Firefox និង Firefox ESR ត្រូវធ្វើបច្ចុប្បន្នភាពកម្មវិធីរបស់ខ្លួនជាបន្ទាន់។
ចំណុចខ្សោយធ្ងន់ធ្ងរនេះ ត្រូវបានរកឃើញ និងរាយការណ៍ដោយក្រុមអ្នកស្រាវជ្រាវសន្តិសុខបច្ចេកវិទ្យាមកពី Trend Micro Zero Day Initiative ពីរនាក់ គឺលោក Abraruddin Khan និងលោក Omair កាលពីពេលថ្មីៗនេះ...
ចំណុចខ្សោយ Google Chrome ធ្ងន់ធ្ងរត្រូវការអាប់ដេតបន្ទាន់នៅខែវិច្ឆិកា
Google បញ្ចេញកំណែអាប់ដេតថ្មី (update) សម្រាប់កម្មវិធីរុករក Google Chrome ដើម្បីជួសជុលចំណុចខ្សោយ ឬភាពងាយរងគ្រោះដែលមានកម្រិតធ្ងន់ធ្ងរខ្លាំងនៅថ្ងៃទី១១ ខែវិច្ឆិកា ឆ្នាំ២០២០។
សេចក្ដីជូនដំណឹងរបស់ក្រុមហ៊ុន Google នៅលើ Blog របស់ខ្លួនឱ្យដឹងថា ក្រុមហ៊ុនបានបញ្ចេញកំណែចុងក្រោយនៃកម្មវិធីរុករក Chrome ទៅកាន់កំណែជំនាន់ 86.0.4240.198 សម្រាប់ជួសជុល និងបិទចន្លោះប្រហោងដែលមាននៅលើកម្មវិធីរុករកនេះសម្រាប់ប្រព័ន្ធប្រតិបត្តិការ Windows, Mac និង Linux។
ចំណុចខ្សោយដែលមាននៅលើកម្មវិធី...
ទិន្នន័យកម្មវិធីកក់តុ eatigo ជិត ៣លានគណនីត្រូវបានលួចដាក់លក់លើអ៊ីនធឺណិត
កម្មវិធី eatigo ជាកម្មវិធីបម្រើសេវាកម្មកក់តុសម្រាប់ភោជនីយដ្ឋាន។ គណនីប្រមាណ ២,៨លានគណនីរបស់កម្មវិធីនេះត្រូវបានគេប៉ាន់ស្មានថាបែកធ្លាយ។
ទិន្នន័យអ្នកប្រើប្រាស់ RedMart ប្រមាណជាង ១លានគណនីត្រូវបានលួចដាក់លក់លើអ៊ីនធឺណិត
RedMart គឺជាវេបសាយលក់ទំនិញអនឡាញដ៏ល្បីនៅប្រទេសសិង្ហបុរី និងជាផ្នែកមួយរបស់ក្រុមហ៊ុនពាណិជ្ជកម្មអនឡាញ Lazada ដែលលក់ទំនិញទៅកាន់តំបន់អាស៊ីអាគ្នេយ៍។
ឥណ្ឌាហាមឃាត់កម្មវិធីទូរស័ព្ទចិន ៤៧ បន្ថែមបន្ទាប់ពី Tik Tok, WeChat
រដ្ឋាភិបាលឥណ្ឌា ហាមឃាត់កម្មវិធីស្មាតហ្វូន (smartphone apps) របស់ប្រទេសចិនបន្ថែមទៀតចំនួន ៤៧ Apps នៅថ្ងៃសុក្រ សប្ដាហ៍មុន ដែលកម្មវិធីទាំងនោះជាកម្មវិធី clones (ចម្លង) ឬជាកម្មវិធីដែលជាប់ពាក់ព័ន្ធនឹងកម្មវិធីទូរស័ព្ទដែលត្រូវបានហាមឃាត់កាលពីខែមុន។
ការហាមឃាត់កម្មវិធីស្មាតហ្វូនចំនួន ៤៧ កម្មវិធីបន្ថែមទៀតនេះ បន្ទាប់ពីរដ្ឋាភិបាលឥណ្ឌា បានហាមឃាត់កម្មវិធីដ៏ពេញនិយមរបស់ចិន គឺ Tik Tok, WeChat និងកម្មវិធីចំនួន ៥៧ ផ្សេងទៀតកាលពីខែមិថុនា...
របៀបប្ដូរឈ្មោះនិងពាក្យសម្ងាត់ WiFi និង Mikrotik Router
នៅក្នុងសម័យកាលដែលគេនិយមទៅលើការប្រើប្រាស់អ៊ីនធឺណិត (Internet) Mikrotik Router គឺជាឧបករណ៍ដែលពេញនិយមមួយក្នុងចំណោមឧបករណ៍ដែលគេប្រើប្រាស់សម្រាប់ការចែករំលែក WiFi ទៅកាន់ User ឬអ្នកប្រើប្រាស់អ៊ីនធឺណិត។ អ្នកប្រហែលជាមានឧបករណ៍នេះនៅក្នុងផ្ទះ ឬធ្លាប់ឃើញវានៅក្នុងហាងកាហ្វេ ឬកន្លែងនានាដែលគេប្រើសម្រាប់ចែករំលែកអ៊ីនធឺណិត។
អ្វីដែលអ្នកនឹងដឹង
ប្រភេទខ្លះៗនៃឧបករណ៍ Mikrotik Router
របៀបប្ដូរកូដសម្ងាត់ចូល Mikrotik Router
របៀបប្ដូរឈ្មោះដើម្បីចូល Mikrotik Router
របៀបប្ដូរកូដសម្ងាត់ WiFi
រូបរាងប្រភេទខ្លះៗរបស់ Mikrotik Router
ប្រសិនបើ Mikrotik Router ដែលអ្នកកំពុងប្រើប្រាស់ត្រូវបានគេលួចចូលទៅគ្រប់គ្រងបាន...
គណនីអ្នកប្រើ Zoom រាប់ម៉ឺនត្រូវបានដាក់លក់លើ Dark Web
គណនីអ្នកប្រើប្រាស់កម្មវិធី Zoom ប្រមាណ ៥៣ម៉ឺនគណនី (៥៣០ ០០០) រួមមានទាំងពាក្យសម្ងាត់ (password) និងអ៊ីមែល (email address) ត្រូវបានគេដាក់លក់នៅលើវេបសាយ Dark Web នៅពេលថ្មីៗនេះ។
ក្រុមហ៊ុនសន្តិសុខអ៊ីនធឺណិត (cybersecurity) ឈ្មោះ Cyble បានទិញទិន្នន័យនៃគណនីអ្នកប្រើប្រាស់កម្មវិធី Zoom នេះពី Dark Web ដើម្បីជូនដំណឹងអំពីការលេចធ្លាយទិន្នន័យទៅដល់អតិថិជន។...
អ្នកជំនាញប្រាប់ពីវេបសាយនិងអ៊ីមែលបន្លំទាក់ទងនឹង Covid-19
ខណៈដែលមេរោគកូរ៉ូណាវីរុស
ឬហៅថាកូវីដ-១៩
(Covid-19)
កំពុងរាតត្បាតលើសកលលោក
ការស្រាវជ្រាវមួយបង្ហាញថា
ក្រុមទុច្ចរិតបានចុះឈ្មោះវេបសាយជាច្រើន
និងផ្ញើអ៊ីមែលបន្លំយ៉ាងច្រើនដើម្បីព្យាយាមរកលុយពីការរាតត្បាតនេះ។
របាយការណ៍ពីក្រុមហ៊ុនសន្តិសុខអ៊ីនធឺណិតឈ្មោះ
Recorded Future
ចេញផ្សាយនៅថ្ងៃទី១២
មីនា កត់សម្គាល់ឃើញថា
មានការកើនឡើងគួរឱ្យកត់សម្គាល់នៃការចុះឈ្មោះវេបសាយទាក់ទងនឹងវីរុសកូវីដ-១៩
ដែលគេជឿជាក់ថា
វេបសាយមួយចំនួនកំពុងតែត្រូវបានប្រើប្រាស់ដើម្បីលួចយកព័ត៌មានពីអ្នកទទួលអ៊ីមែល
ឬចម្លងមេរោគ (malware)
ទៅកាន់អ្នកទាំងនោះ។
នាយកផ្នែកលទ្ធផលប្រតិបត្តិការនៃក្រុមហ៊ុនសន្តិសុខអ៊ីនធឺណិត
Recorded Future អ្នកស្រី
Lindsay Kaye
ចាត់ទុកឈ្មោះវេបសាយ
(domain)
ខាងក្រោមនេះថាមានគ្រោះថ្នាក់បំផុត៖
coronavirusstatusspace
coronavirus-mapcom
blogcoronacl.canalcerodigital
coronaviruszone
coronavirus-realtimecom
coronavirusapp
bgvfr.coronavirusawarexyz
coronavirusawarexyz
ស្ថាបនិកផ្នែកឃ្លាំងទុកមេរោគ
(malware repository)
គ្រប់គ្រងដោយក្រុមហ៊ុន
Google
និងជាស្ថាបនិកវេបសាយសេវាកម្មតេស្ដប្រឆាំងនឹងវីរុស
ឈ្មោះ VirusTotal លោក
Bernardo Quintero
ត្រួតពិនិត្យឈ្មោះវេបសាយ
(domain)
ដែលរាយការណ៍ដោយក្រុមហ៊ុន
Recorded Future។
គាត់និយាយប្រាប់ទស្សនាវដ្ដី
Forbes ថា
វេបសាយខាងក្រោមក៏បង្ហាញពីសញ្ញានៃគ្រោះថ្នាក់ផងដែរ
ខណៈវេបសាយទាំងនោះត្រូវបានកម្មវិធីកម្ចាត់មេរោគរកឃើញ៖
corona-virushealthcare
survivecoronavirusorg
vaccine-coronaviruscom
coronaviruscc
bestcoronavirusprotecttk
coronavirusupdatetk
ហេតុដូចនេះ
សូមកុំចូលទៅកាន់វេបសាយដែលបានរៀបរាប់ខាងលើ
ដើម្បីជៀសវាងហានិភ័យផ្សេងៗ
ហើយប្រសិនបើអ្នកទទួលបានអ៊ីមែលមកពីអាសយដ្ឋានវេបសាយទាំងនោះ
ឬក៏មានដាក់តំណភ្ជាប់នៅក្នុងអ៊ីមែល
សូមប្រុងប្រយ័ត្ន កុំចុចលើវា
និងកុំបើកឯកសារដែលមាននៅក្នុងអ៊ីមែលឱ្យសោះ។
សូមអ្នកបិទអ៊ីមែល
និងលុបវាចេញពីប្រអប់សាររបស់អ្នក។
អ្នកស្រី
Kaye
ដែលជានាយកផ្នែកលទ្ធផលប្រតិបត្តិការនៃក្រុមហ៊ុនសន្តិសុខអ៊ីនធឺណិត
Recorded
Future បន្តថា
នៅមានឈ្មោះវេបសាយជាច្រើនទៀតដែលទាក់ទងនឹងមេរោគកូរ៉ូណាវីរុស
(coronavirus)
ត្រូវបានគេចុះឈ្មោះនៅពេលថ្មីៗនេះ
ហើយមិនទាន់មានសកម្មភាពឧក្រិដ្ឋណាមួយនៅឡើយទេ
ប៉ុន្តែអ្នកស្រីថាពួកគេអាចនឹងធ្វើសកម្មភាពនៅពេលប៉ុន្មានសប្ដាហ៍ខាងមុខនេះ៕
Hackers សន្យាមិនវាយប្រហារស្ថាប័នសុខាភិបាលអំឡុងកូវីដ-១៩រាតត្បាត
ក្រុមហេគឃឺ
(Hackers) ល្បីល្បាញពីរក្រុម
សន្យាថានឹងមិនធ្វើការវាយប្រហារលើអង្គភាពថែទាំសុខភាពទេក្នុងអំឡុងមេរោគកូវីដ-១៩
(Covid-19)
កំពុងរាតត្បាតស្ទើរពេញពិភពលោក។
ទស្សនាវដ្ដី Forbes ចុះផ្សាយនៅថ្ងៃទី១៩ ខែមីនា ឆ្នាំ២០២០ នេះថា ក្រុមឧក្រិដ្ឋជនអ៊ីនធឺណិត (cybercrime) ដ៏ល្បីល្បាញខាងមេរោគចាប់ជំរិត Ransomware ចំនួនពីរក្រុម ចេញសេចក្ដីប្រកាសថា ពួកគេនឹងមិនវាយប្រហារលើអង្គភាពថែទាំសុខភាព និងឱសថនោះទេក្នុងពេលដែលមេរោគកូរ៉ូណាកំពុងរាតត្បាត។ ទាក់ទងនឹងការសន្យានេះ ថាតើយើងអាចជឿលើពាក្យសន្យានោះដែរឬអត់ ហើយថាតើក្រុមឧក្រិដ្ឋជនអាចការពារអង្គភាពថែទាំសុខភាពពីការវាយប្រហារបានដែរឬទេ។
មេធាវីសហរដ្ឋអាមេរិក
លោក Scott Brady
បានព្រមានដល់ប្រជាជនឱ្យប្រុងប្រយ័ត្នចំពោះរលកនៃការបោកប្រាស់ថ្មីដែលមិនធ្លាប់មាន
តាមរយៈការចែកចាយវេបសាយផែនទីនៃការចម្លងមេរោគកូវីដ-១៩
ដោយមានបង្កប់មេរោគ
(malware) កន្លងទៅថ្មីៗនេះ។
ទស្សនាវដ្ដីដដែលសរសេរទៀតថា
អ្នកបង្កើតវេបសាយ
BleepingComputer លោក
Lawrence Abrams
បានសួរសំណួរសាមញ្ញទៅកាន់ក្រុមហេគឃឺដែលនៅពីក្រោយនៃការវាយប្រហារដោយមេរោគចាប់ជំរិត
Ransomware ថា
«តើអ្នកនឹងបន្តវាយប្រហារអង្គភាពថែទាំសុខភាព
និងឱសថនៅក្នុងអំឡុងនៃការរាតត្បាតមេរោគកូវីដ-១៩
ទៀតទេ?»
ចម្លើយរបស់ពួកគេ
អាចធ្វើឱ្យអ្នកអានជាច្រើនភ្ញាក់ផ្អើល។
ក្រុមដំបូងដែលឆ្លើយនឹងសំណួរនេះ
គឺ...
