អ្នកប្រើប្រាស់ប្រព័ន្ធប្រតិបត្តិការអែនឌ្រោយ (Android) រួមមានទូរសព្ទឆ្លាតវៃ (Smartphone) និងថេបប្លិត (Tablets) ប្រមាណ ២៥លានគ្រឿងទូទាំងពិភពលោក ត្រូវបានគេរាយការណ៍ថា មេរោគថ្មីឈ្មោះ Agent Smith បានជ្រាបចូលទៅក្នុងឧបករណ៍របស់ពួកគេរួចទៅហើយនៅពេលថ្មីៗនេះ។
ក្រុមអ្នកស្រាវជ្រាវផ្នែកសន្តិសុខឌីជីថល Check Point ចុះផ្សាយនៅលើវេបសាយ (Website) របស់ខ្លួននៅថ្ងៃទី១០ ខែកក្កដា ឆ្នាំ២០១៩ ឱ្យដឹងថា ក្រុមខ្លួនបានរកឃើញមេរោគទូរសព្ទថ្មីមួយជាប្រភេទ Malware បានឆ្លងចូលយ៉ាងស្ងាត់ៗទៅក្នុងទូរសព្ទប្រមាណ ២៥លានគ្រឿងនៅពេលថ្មីៗនេះដោយអ្នកប្រើមិនបានដឹងខ្លួន។
បើតាមក្រុមអ្នកស្រាវជ្រាវដដែល ឱ្យដឹងទៀតថា មេរោគថ្មីនេះបន្លំខ្លួនដូចជាកម្មវិធីនៅលើ Google Store ហើយផ្នែកសំខាន់នៃមេរោគគឺទាញយកភាពងាយរងគ្រោះរបស់ប្រព័ន្ធប្រតិបត្តិការ Android និងបានជំនួសកម្មវិធីដែលបានដំឡើងដោយកម្មវិធីដែលមានមេរោគវិញទៅក្នុងទូរសព្ទដោយស្វ័យប្រវត្តិដោយអ្នកប្រើមិនបានដឹងខ្លួន។
ទោះយ៉ាងណា Google បានលុបកម្មវិធី (Apps) ដែលរងប៉ះពាល់ពីមេរោគថ្មីនេះចេញពី Play Store របស់ខ្លួនចំនួន ១៦ Apps រួចទៅហើយ។ ចំណែកអ្នកដែលប្រើប្រព័ន្ធប្រតិបត្តិការ Android សូមពិនិត្យមើលឈ្មោះកម្មវិធីខាងក្រោម ប្រសិនបើមាននៅលើទូរសព្ទរបស់អ្នក សូមលុបវាចេញភ្លាម។
ឈ្មោះកម្មវិធីដែលរងប៉ះពាល់ពីមេរោគ Agent Smith៖
- Kiss Game: Touch Her Heart
- Ludo Master – New Ludo Game 2019 For Free
- Blockman Go: Free Realms & Mini Games
- Crazy Juicer – Hot Hit Game & Juice Blast
- Sky Warriors: General Attack
- Bio Blast – Infinity Battle Shoot virus
- Shooting Jet
- Photo Projector
- Gun Hero – Gunman Game for Free
- Cooking Witch
- Color Phone Flash – Call Screen Theme
- Clash of Virus
- Angry Virus
- Rabbit Temple
- Star Range
- Girl Cloth Xray Scan Simulator
គោលដៅចម្បងរបស់មេរោគ Agent Smith គឺនៅប្រទេសឥណ្ឌា ប៉ុន្តែប្រទេសមួយចំនួនទៀតនៅអាស៊ីក៏រងផលប៉ះពាល់ដែរ ដូចជាប្រទេសប៉ាគីស្ថាន និងបង់ក្លាដែស ជាដើម។
បច្ចុប្បន្ន មេរោគ Agent Smith ត្រូវបានគេប្រើប្រាស់ដើម្បីរកប្រាក់ចំណូលតាមរយៈការផ្សាយពាណិជ្ជកម្មនៅលើកម្មវិធី។ ដោយសារតែវាមានលទ្ធភាពលាក់ខ្លួន និងក្លែងបន្លំជាកម្មវិធីពេញនិយមនៅលើទូរសព្ទនោះ ដូច្នេះវាក៏អាចនឹងត្រូវគេប្រើដើម្បីរំខាន និងធ្វើឱ្យខាតបង់ផងដែរ ដូចជាការលួចយកនូវព័ត៌មានគណនីធនាគាររបស់អ្នកជាដើម។
សូមចែករំលែកដំណឹងនេះទៅកាន់មិត្តភ័ក្ដិរបស់អ្នកផង។ សូមអរគុណ!
កំណត់ចំណាំ៖ ហាមយកអត្ថបទពីគេហទំព័រ www.www.techkhmer.netទៅចុះផ្សាយដោយគ្មានការអនុញ្ញាត៕
 រួមមានទូរសព្ទឆ្លាតវៃ (Smartphone) និងថេបប្លិត (Tablets) ប្រមាណ ២៥លានគ្រឿងទូទាំងពិភពលោក ត្រូវបានគេរាយការណ៍ថា មេរោគថ្មីឈ្មោះ Agent Smith បានជ្រាបចូលទៅក្នុងឧបករណ៍របស់ពួកគេរួចទៅហើយនៅពេលថ្មីៗនេះ។){kind=link}