OnePlus ចេញកំណែប្រព័ន្ធប្រតិបត្តិការចុងក្រោយជាផ្លូវការហើយ។ ប្រព័ន្ធប្រតិបត្តិការចុងក្រោយនេះគឺ Oxygen OS 5.0 សម្រាប់អ្នកប្រើប្រាស់ទូរស័ព្ទស្មាតហ្វូនស៊េរី OnePlus 3 និង OnePlus 3T ដើម្បីដំឡើងប្រព័ន្ធប្រតិបត្តិការទៅកាន់ Android 8.0 Oreo។
ការសម្រេចដាក់ឲ្យធ្វើបច្ចុប្បន្នភាពប្រព័ន្ធប្រតិបត្តិការលើទូរស័ព្ទ OnePlus 3 និង OnePlus 3T ជាផ្លូវការនេះ ក្រោយពីក្រុមហ៊ុនបានចេញកំណែសាកល្បង (Beta version) ឲ្យអ្នកប្រើប្រាស់ទូរស័ព្ទទាំងពីរម៉ូដែលនេះមួយរយៈពេល និងស្របពេលដែលក្រុមហ៊ុនបានដាក់លក់ទូរស័ព្ទជំនាន់ថ្មីមួយម៉ូដែលទៀត គឺ OnePlus 5T។
តើមានអ្វីថ្មីនៅក្នុងប្រព័ន្ធប្រតិបត្តិការ Android 8.0 Oreo របស់ OnePlus?
ខាងក្រោមជាមុខងារខ្លះៗនៃកំណែចុងក្រោយនេះ៖
System
- ដំឡើងប្រព័ន្ធប្រតិបត្តិការទៅកាន់ Android O (8.0)
- បន្ថែមមុខងារ Parallel Apps
- បន្ថែមមុខងារ Picture in Picture
- បន្ថែមមុខងារ Auto-fill
- បន្ថែមមុខងារ Smart text selection
- បន្ថែមមុខងារថ្មី គឺ Quick Settings design
- ធ្វើបច្ចុប្បន្នភាព security patch
Launcher
- បន្ថែមមុខងារ notification dots
- New app folder design
- អាច upload photos directly to Shot on OnePlus
ប្រព័ន្ធប្រតិបត្តិការ Oxygen OS របស់ក្រុមហ៊ុនចិន OnePlus គឺជាប្រព័ន្ធប្រតិបត្តិការដែលកែប្រែចេញពីប្រព័ន្ធប្រតិបត្តិការ Android របស់ក្រុមហ៊ុន Google។
កំណត់ចំណាំ៖ ហាមយកអត្ថបទពីគេហទំព័រ www.www.techkhmer.net ទៅចុះផ្សាយដោយគ្មានការអនុញ្ញាត៕
