របៀប​បង្កើត/បែងចែក Wi-Fi ជា​ពីរ​ឱ្យ​ដាច់​ពី​គ្នា​ក្នុង Router តែ​មួយ (ZTE F606)

635
របៀប​បង្កើត/បែងចែក Wi-Fi ជា​ពីរ​ឱ្យ​ដាច់​ពី​គ្នា​ក្នុង Router តែ​មួយ (ZTE F606)

ក្រៅពី​មាន​មុខងារ​ទទួល និង​បញ្ជូន​ទិន្នន័យ​នៅ​លើ​បណ្ដាញ​អ៊ីនធឺណិត ឬ​កុំព្យូទ័រ​ហើយ Router ZTE F606 មាន​មុខងារ​មួយ​ទៀត​ដែល​អាច​ឱ្យ​អ្នក​បង្កើត​ឈ្មោះ Wi-Fi រហូត​ដល់​ទៅ​បី​ថែម​​ទៀត ហើយ​លើស​ពី​នេះ​ទៀត អ្នក​ក៏​អាច​បែងចែក​វា​ឱ្យ​ដាច់​ពី​គ្នា​បាន​ទៀត​ផង ដែល​គេ​ហៅថា Wi-Fi isolation។

ចូលរួម Telegram របស់ Techkhmer.net ដើម្បី​ទទួល​បាន​គន្លឹះ និង​ដំណឹង​ថ្មីៗ!

Loading...

ហេតុ​អ្វី​ចាំបាច់​បែងចែក

ហេតុផល​ចម្បង គឺ​ដើម្បី​ធានា​ថា Router របស់​អ្នក​មិន​ត្រូវ​បាន​អ្នក​ផ្សេង​ចូល​ប្រើ​ដោយ​គ្មាន​ការ​អនុញ្ញាត​ពី​អ្នក​ឡើយ ហើយ​អ្នក​ផ្សេង​ក៏​មិន​អាច​អាក់សេស​លើ​ឧបករណ៍ តាមដាន ឬ​ប្រើប្រាស់​ធនធាន​នៅ​លើ​បណ្ដាញ​ផ្ទាល់ខ្លួន​របស់​អ្នក​ឡើយ។ វា​មាន​ន័យ​ថា អ្នក​ត្រូវ​បង្កើត​ឈ្មោះ Wi-Fi មួយ​ឱ្យ​ដាច់​ចេញ​ពី​ឈ្មោះ Wi-Fi ដែល​អ្នក​កំពុង​ប្រើ ហើយ​ដាក់​វា​ឱ្យ​ដាច់​ដោយ​មិន​អាច​ទាក់ទង​មក Wi-Fi ដែល​អ្នក​កំពុង​ប្រើ​បាន។

ធ្វើ​ដូច្នេះ គឺ​ដើម្បី​ធានា​សុវត្ថិភាព​មួយ​កម្រិត​ទៀត​សម្រាប់​សមាជិក​គ្រួសារ ឬ​បុគ្គលិក​នៅ​ការិយាល័យ​របស់​អ្នក​ដែល​កំពុង​ប្រើប្រាស់​បណ្ដាញ​អ៊ីនធឺណិត។

របៀប​បែងចែក Wi-Fi isolation

ជំហាន​ទី​១៖ ភ្ជាប់​កុំព្យូទ័រ​របស់​អ្នក​ទៅ​កាន់ Wi-Fi និង​បើក​កម្មវិធី​រុករក (Browser ដូចជា Chrome ឬ Firefox) និង​វាយ​អាសយដ្ឋាន​អាយភី (IP Address) លេខ 192.168.1.1 និង​ចុច Enter Key ដូច​រូប​ខាងក្រោម។

ពេល​ខ្លះ កម្មវិធី​រុករក​នឹង​ចេញ​សារ​ព្រមាន​ដូច​រូប​ខាងក្រោម តែ​សូម​កុំ​បារម្ភ​អី អ្នក​គ្រាន់​តែ​ចុច​ប៊ូតុង Advanced… រួច​ចុច​លើ​ប៊ូតុង Accept the Risk and Continue ដូច​រូប​ខាងក្រោម​នេះ។

ជំហាន​ទី​២៖ សូម​បំពេញ Username និង Password របស់ Router និង​ចុច​ប៊ូតុង Login ដើម្បី​ចូល​ទៅ​កាន់​កន្លែង​កំណត់​ដូច​រូប​ខាងក្រោម។

ជំហាន​ទី​៣៖ ផ្ទាំង​ថ្មី​មួយ​នឹង​បង្ហាញ​មក​ឱ្យ​អ្នក​ឃើញ ដែល​បញ្ជាក់​ថា​អ្នក​បាន​ចូល​ក្នុង Router បាន​ដោយ​ជោគជ័យ។ សូម​ចុច​លើ​ពាក្យ Network នៅ​ផ្នែក​ខាង​ឆ្វេង​ដៃ​របស់​អ្នក​ដូច​រូប​ខាងក្រោម។

ជំហាន​ទី​៤៖ សូម​ចុច​លើ​ពាក្យ WLAN ដូច​រូប​ខាងក្រោម។ ផ្ទាំង​ថ្មី​លេច​ចេញ​មក សូម​ចុច​លើ​ពាក្យ Basic ដូច​រូប ហើយ​ចុច​ធីក​ត្រង់​ពាក្យ Enable Isolation និង​បន្ទាប់​មក​ចុច​លើ​ប៊ូតុង Submit ដូច​រូប​ខាងក្រោម។

ជំហាន​ទី​៥៖ សូម​ចុច​លើ​ពាក្យ SSID Settings ដូច​រូប​ខាងក្រោម រួច​ចុច​ធីក​ត្រង់​ពាក្យ Enable SSID Isolation បំពេញ​ឈ្មោះ SSID ដែល​អ្នក​ចង់​ដាក់ និង​ចុច​ប៊ូតុង Submit ដូច​រូប​ខាងក្រោម។

ជំហាន​ទី​៦៖

  • ត្រង់​ប្រអប់ Choose SSID សូម​ជ្រើស​យក SSID2 ដើម្បី​បង្កើត​ឈ្មោះ Wi-Fi មួយ​ទៀត​សម្រាប់​ភ្ញៀវ​របស់​អ្នក។
  • បន្ទាប់​មក​ចុច​ធីក​លើ​ប្រអប់ Enable SSID និង​ធីក​លើ​ប្រអប់ Enable SSID Isolation
  • ហើយ​បំពេញ​ឈ្មោះ Wi-Fi ដែល​អ្នក​ចង់​បង្កើត និង​ចុងក្រោយ​ចុច​ប៊ូតុង Submit ដូច​រូប​ខាងក្រោម។

ជំហាន​ទី​៧៖ ចុច​លើ​ពាក្យ Security នៅ​ផ្នែក​ខាង​ឆ្វេង​ដៃ ដើម្បី​ដាក់​ពាក្យ​សម្ងាត់​ឱ្យ​ឈ្មោះ Wi-Fi ដែល​អ្នក​ទើប​តែ​បង្កើត។

បន្ទាប់​មក៖

  • ជ្រើស​យក SSID2 ត្រង់ Choose SSID
  • រួច​ជ្រើស​យក WPA/WPA2-PSK ត្រង់​ប្រអប់ Authentication Type
  • ហើយ​បំពេញ​ពាក្យ​សម្ងាត់​ត្រង់​ប្រអប់ WPA Passphrase
  • បន្ទាប់​មក​ជ្រើស​យក AES ត្រង់​ប្រអប់ WPA Encryption Algorithm
  • និង​ចុងក្រោយ​ចុច​លើ​ប៊ូតុង Submit ដូច​ក្នុង​រូប​ខាងក្រោម។

ដើម្បី​ឱ្យ​ការ​កំណត់​របស់​អ្នក​មាន​ប្រសិទ្ធភាព សូម Restart Router របស់​អ្នក​ជា​ការ​ស្រេច។ ធ្វើ​ដូច​ខាង​លើ​នេះ គឺ​អ្នក​បាន​បង្កើត​ឈ្មោះ Wi-Fi មួយ​សម្រាប់​តែ​ភ្ញៀវ ឬ​មិត្តភ័ក្ដិ​របស់​អ្នក​ដែល​មក​លេង​ផ្ទះ ឬ​ការិយាល័យ​របស់​អ្នក​ម្ដងម្កាល​តែ​ប៉ុណ្ណោះ៕

Comments

ជុំ រ៉ាស៊ី
លោក ជុំ រ៉ាស៊ី គឺ​ជា​អ្នក​សរសេរ​អត្ថបទ​ផ្នែក​បច្ចេកវិទ្យា។ គាត់​ចូលចិត្ត​បច្ចេកវិទ្យា ដូច្នេះ​គាត់​សិក្សា​ពី​វា និង​ចែក​រំលែក​គ្រប់​យ៉ាង​ពី​វា​ទៅ​កាន់​មនុស្ស​ទូទៅ។ គាត់​សង្ឃឹម​ថា​ការ​ចែក​រំលែក​នេះ​នឹង​ក្លាយ​ជា​ដើមទុន​ចំណេះដឹង​សម្រាប់​សិស្ស​ដែល​ចង់​ចាប់​យក​ជំនាញ​បច្ចេកវិទ្យា និង​ជា​ជំនួយ​ក្នុង​ការ​សិក្សា​ស្រាវជ្រាវ​បន្ថែម​របស់​និស្សិត​ផ្នែក​បច្ចេកវិទ្យា ព្រម​ទាំង​ជា​ចំណេះដឹង​ទូទៅ​ដល់​មនុស្ស​សាមញ្ញ​ផង​ដែរ។ ម្នាក់​បន្តិច នោះ​នឹង​បាន​ច្រើន!