របៀប​ប្ដូរ​ឈ្មោះ​និង​ពាក្យ​សម្ងាត់ WiFi និង Mikrotik Router

4377
របៀប​ប្ដូរ​ឈ្មោះ និង​ពាក្យ​សម្ងាត់ Router និង WiFi។
របៀប​ប្ដូរ​ឈ្មោះ និង​ពាក្យ​សម្ងាត់ Router និង WiFi។

នៅ​ក្នុង​សម័យកាល​ដែល​គេ​និយម​ទៅលើ​ការប្រើប្រាស់​អ៊ីនធឺណិត (Internet) Mikrotik Router គឺជា​ឧបករណ៍​ដែល​ពេញ​និយម​មួយ​ក្នុង​ចំណោម​ឧបករណ៍​ដែល​គេ​ប្រើប្រាស់​សម្រាប់​ការ​ចែករំលែក WiFi ទៅកាន់ User ឬ​អ្នក​ប្រើប្រាស់​អ៊ីនធឺណិត។ អ្នក​ប្រហែល​ជា​មាន​ឧបករណ៍​នេះ​នៅ​ក្នុង​ផ្ទះ ឬ​ធ្លាប់​ឃើញ​វា​នៅ​ក្នុង​ហាង​កាហ្វេ ឬ​កន្លែង​នានា​ដែល​គេ​ប្រើ​សម្រាប់​ចែករំលែក​អ៊ីនធឺណិត។

ចូលរួម Telegram របស់ Techkhmer.net ដើម្បី​ទទួល​បាន​គន្លឹះ និង​ដំណឹង​ថ្មីៗ!

Loading...

អ្វី​ដែល​អ្នក​នឹង​ដឹង

  • ប្រភេទ​ខ្លះៗ​នៃ​ឧបករណ៍ Mikrotik Router
  • របៀប​ប្ដូរ​កូដ​សម្ងាត់​ចូល Mikrotik Router
  • របៀប​ប្ដូរ​ឈ្មោះ​ដើម្បី​ចូល Mikrotik Router
  • របៀប​ប្ដូរ​កូដ​សម្ងាត់ WiFi

​រូបរាង​ប្រភេទ​ខ្លះៗ​របស់ Mikrotik Router

ប្រសិនបើ Mikrotik Router ដែល​អ្នក​កំពុង​ប្រើប្រាស់​ត្រូវ​បាន​គេ​លួច​ចូល​ទៅ​គ្រប់គ្រង​បាន នោះ​អាច​ធ្វើ​ឱ្យ​មាន​បញ្ហា​ដល់​អ្នក ឬ​អ្នក​ប្រើ​នៅ​កន្លែង​ធ្វើការ និង​អាច​មាន​បញ្ហា​ដល់​ស្ថាប័ន​តែម្តង ដូចជា Internet ដើរ​យឺត រអាក់រអួល មាន​ការ​ឆ្លង​មេរោគ​ចូល​ក្នុង​ឧបករណ៍​ប្រើប្រាស់ ឯកសារ​ត្រូវ​បាន​បាត់បង់​ពី​ឧបករណ៍​ប្រើប្រាស់ Internet ដែល​បាន​ភ្ជាប់​ជាមួយ Mikrotik Router និង​មាន​បញ្ហា​ផ្សេងៗ​ជាច្រើន​ទៀត។

ដូច្នេះ ដើម្បី​ជួយ​ឱ្យ​ឧបករណ៍​ប្រើប្រាស់ Mikrotik Router របស់​អ្នក​មាន​សុវត្ថិភាព​បន្ថែម​ទៀត អ្នក​គួរ​ចូល​ទៅ​ផ្លាស់ប្ដូរ​លេខ​កូដ​សម្ងាត់​ដែល​ចូល​ទៅ Mikrotik Router និង​ផ្លាស់ប្ដូរ​លេខ​កូដ​សម្ងាត់ WiFi ឱ្យ​បាន​ញឹកញាប់​តាម​ដែល​អាច​ធ្វើ​ទៅ​បាន។

យើង​ខ្ញុំ​សូម​បង្ហាញ​ពី​របៀប​ក្នុង​ការ​ផ្លាស់ប្ដូរ​លេខ​កូដ​សម្ងាត់​ដែល​ចូល​ទៅ Mikrotik Router និង​ផ្លាស់ប្ដូរ​លេខ​កូដ​សម្ងាត់​របស់ WiFi ដូច​ខាងក្រោម​នេះ៖

របៀប​ផ្លាស់ប្ដូរ​លេខ​កូដ​សម្ងាត់​ដែល​ចូល​ទៅ Mikrotik Router

អ្នក​អាច​ប្រើប្រាស់​កម្មវិធី​ឈ្មោះ Winbox សម្រាប់​ចូល​ទៅ​កាន់​ឧបករណ៍ Mikrotik Router ប្រសិនបើ​អ្នក​មិន​មាន អ្នក​អាច​ចូល​ទៅ​ទាញ​យក​ពី Internet តាមរយៈ Link [https://mikrotik.com/download]

ជំហាន​ទី១៖ បើក​កម្មវិធី Winbox រួច​បំពេញ​ឈ្មោះ (Login) និង Password រួច​ចុច Connect ដើម្បី​ចូល​ទៅ Router។

ជំហាន​ទី២៖ បន្ទាប់មក យើង​នឹង​ឃើញ​ផ្ទាំង​ដូច​ខាងក្រោម សូម​ជ្រើសរើស​យក​ពាក្យ​ថា System រួច​ចុច​ពាក្យ Password។

ជំហាន​ទី៣៖ មក​ដល់​ចំណុច​នេះ អ្នក​ត្រូវ​បំពេញ៖

  • Old Password (លេខ​កូដ​ចាស់)
  • New Password (លេខ​កូដ​ថ្មី)
  • បំពេញ Confirm Password (លេខ​កូដ​ថ្មី​បញ្ជាក់​ម្តង​ទៀត)
  • ចុច​ពាក្យ Change ជា​ការ​ស្រេច។

របៀប​ផ្លាស់ប្ដូរ​ឈ្មោះ​ដែល​ចូល​ទៅ Mikrotik Router

ជំហាន​ទី១៖ បន្ទាប់មក​យើង​នឹង​ឃើញ​ផ្ទាំង​ដូច​ខាងក្រោម សូម​ជ្រើសរើស​យក​ពាក្យ System រួច​ចុច​ពាក្យ User។

ជំហាន​ទី២៖ សូម​វាយ​បញ្ចូល​ឈ្មោះ​ថ្មី​ចូល​ទៅ​ក្នុង​ប្រអប់ Name តាម​អ្វី​ដែល​អ្នក​ចង់​កំណត់។ សូម​មើល​ឧទាហរណ៍​ខាងក្រោម៖

ជំហាន​ទី៣៖ សូម​ចុច​ពាក្យ Apply រួច​ចុច​ពាក្យ OK។

អ្នក​អាច​សាកល្បង Login ចូល​ម្តង​ទៀត ដោយ​បំពេញ Password ថ្មី និងUsername (Login) ដែល​អ្នក​បាន​កំណត់​រួច។

របៀប​ផ្លាស់ប្ដូរ​លេខ​កូដ​សម្ងាត់ Wi-Fi

ជំហាន​ទី១៖ បន្ទាប់ពី​យើង Login ចូល Mikrotik Router និង​ឃើញ​ផ្ទាំង​ដូច​ខាងក្រោម សូម​ជ្រើសរើស​យក​ពាក្យ Wireless។

ជំហាន​ទី២៖ បន្ទាប់មក វា​នឹង​បង្ហាញ​ផ្ទាំង​ដូច​ខាងក្រោម សូម​ចុច Double Click លើ​ពាក្យ wlan1។

ជំហាន​ទី៣៖ ត្រង់ SSID គឺជា​កន្លែង​សម្រាប់​បញ្ចូល​ឈ្មោះ WiFi វាយ​បញ្ចូល​ថ្មី​ដែល​អ្នក​ចង់​កំណត់ រួច​ចុច​ពាក្យ Apply រួច​ចុច OK។

ជំហាន​ទី៤៖ បន្ទាប់ពី​បាន​កំណត់​ឈ្មោះ WiFi រួច​ហើយ គឺ​ត្រូវ​ជ្រើសរើស Security Profiles ដើម្បី​ផ្លាស់ប្ដូរ​លេខ​កូដ​សម្ងាត់ សូម​ចុច Double Click ត្រង់​ពាក្យ default។

ជំហាន​ទី៥៖ សូម​ជ្រើសរើស​ពាក្យ៖

  1. dynamic Keys
  2. WPA2 PSK (ដើម្បី​ឱ្យ​មាន​សុវត្ថិភាព)
  3. aes ccm, tkip, aes ccm, tkip (ដើម្បី​ឱ្យ Support Wireless card ទាំង​ស៊េរី​ចាស់ និង​ថ្មី)

បន្ទាប់មក សូម​បំពេញ​លេខ​កូដ​សម្ងាត់​ដែល​អ្នក​ចង់​កំណត់ (លេខ​កូដ​សម្ងាត់​ដែល​ល្អ​គួរ​មាន លេខ អក្សរ​ធំ អក្សរ​តូច និមិត្តសញ្ញា​រួម​បញ្ចូល​គ្នា)។ រួចរាល់​ហើយ​សូម​ចុច Apply រួច OK។

អ្នក​អាច​សាកល្បង​ភ្ជាប់​ឧបករណ៍​របស់​អ្នក​ទៅកាន់ WiFi ម្តង​ទៀត ដោយ​បំពេញ Password ថ្មី​ដែល​អ្នក​បាន​កំណត់​រួច។

សូម​អបអរ​សាទរ! អ្នក​បាន​ផ្លាស់ប្ដូរ​ឈ្មោះ ពាក្យ​សម្ងាត់​ឧបករណ៍ Router របស់​អ្នក​ដោយ​ជោគជ័យ៕

Comments