ភព​ព្រះអង្គារ​មាន​បឹង​ទឹកកក​ដ៏​ធំ​មួយ​ទើប​រក​ឃើញ​នៅ​ពេល​ថ្មីៗ​នេះ

បឹង​ទឹកកក​នេះ​ ត្រូវ​​គេ​ប៉ាន់ស្មាន​ថា មាន​ផ្ទុក​ទឹកកក​ប្រមាណ ២២០០​គីឡូម៉ែត្រ​គូប។

2657
បឹង​ទឹកកក Korolev នៅ​លើ​ភព​ព្រះអង្គារ។ Photo/ESA
បឹង​ទឹកកក Korolev នៅ​លើ​ភព​ព្រះអង្គារ។ Photo/ESA

បឹង​ទឹកកក​ដ៏​ធំ​មួយ ត្រូវ​បាន​អ្នក​វិទ្យាសាស្ត្រ​រក​ឃើញ​នៅ​លើ​ភព​ព្រះអង្គារ​ប៉ូល​ខាង​ជើង​នៅ​ពេល​ថ្មីៗ​នេះ។ នេះ​បើ​តាម​ការ​ចុះ​ផ្សាយ​របស់​សារព័ត៌មាន BBC

ចូលរួម Telegram របស់ Techkhmer.net ដើម្បី​ទទួល​បាន​គន្លឹះ និង​ដំណឹង​ថ្មីៗ!

Loading...

បឹង​ទឹកកក​នេះ​ត្រូវ​បាន​គេ​ដាក់​ឈ្មោះ​ឲ្យ​ថា Korolev និង​ជា​បឹង​ដែល​កើត​ចេញ​ពី​បំផ្ទុះ​ភ្នំ​ភ្លើង ឬ​អាចម៍​ផ្កាយ​ដែល​ធ្លាក់ ហើយ​វា​ស្ថិត​នៅ​ប៉ូល​ខាង​ជើង​នៃ​ភព​ព្រះអង្គារ។

សារព័ត៌មាន​ដដែល​ចុះ​ផ្សាយ​នៅ​ថ្ងៃ​ទី​២១ ខែ​ធ្នូ ឆ្នាំ​២០១៨ ឲ្យ​ដឹង​ទៀត​ថា បឹង​ទឹកកក​នេះ​មាន​អង្កត់​ផ្ចិត ៨២​គីឡូម៉ែត្រ និង​គ្រប​ដណ្ដប់​ដោយ​ទឹកកក​កម្រាស់ ១,៨​គីឡូម៉ែត្រ ហើយ​គេ​ប៉ាន់ស្មាន​ថា បឹង​នេះ​មាន​ផ្ទុក​ទឹកកក​ប្រមាណ ២២០០​គីឡូម៉ែត្រ​គូប។

ភ្នាក់ងារ​អវកាស​អឺរ៉ុប (European Space Agency, ESA) បាន​ផ្ដិត​យក​រូបភាព​នេះ​ដោយ​ប្រើ​កាមេរ៉ា Mars Express High Resolution Stereo Camera ដែល​ហោះ​លើ​គន្លង​ភព​ព្រះអង្គារ​កាល​ពី​ដើម​ឆ្នាំ។

បេសកកម្ម​របស់ Mars Express គឺ​ជា​ការ​បង្ហោះ​លើក​ដំបូង​របស់​ភ្នាក់ងារ​អឺរ៉ុប (ESA) ទៅ​កាន់​ភព​មួយ​ផ្សេង​ទៀត។ វា​ត្រូវ​បាន​គេ​ចាប់ផ្ដើម​នៅ​ថ្ងៃ​ទី​២ ខែ​មិថុនា ឆ្នាំ​២០០៣ ហើយ​បាន​ចូល​ក្នុង​គន្លង​ភព​ព្រះអង្គារ​ចំ​ថ្ងៃ Christmas ក្នុង​ឆ្នាំ​ដដែល​នោះ។

សូម​ចែក​រំលែក​ដំណឹង​នេះ​ទៅ​កាន់​មិត្តភ័ក្ដិ​របស់​អ្នក​ឲ្យ​បាន​ដឹង​ផង។ សូម​អរគុណ..!

បឹង​ទឹកកក Korolev នៅ​លើ​ភព​ព្រះអង្គារ។ Photo/ESA
បឹង​ទឹកកក Korolev នៅ​លើ​ភព​ព្រះអង្គារ។ Photo/ESA

កំណត់​ចំណាំ៖ ហាម​យក​អត្ថបទ​ពី​គេហទំព័រ www.www.techkhmer.net ទៅ​ចុះ​ផ្សាយ​ដោយ​គ្មាន​ការ​អនុញ្ញាត៕

Comments

លោក ឫទ្ធិ ស័ក្ដិ គឺ​ជា​អ្នក​សរសេរ​អត្ថបទ​ផ្នែក​បច្ចេកវិទ្យា និង​គន្លឹះ​ថ្មីៗ​ក្នុង​ការ​ប្រើប្រាស់​ប្រចាំ​ថ្ងៃ​នៅ​ក្នុង​បច្ចេកវិទ្យា។ ស័ក្ដិ ចូលរួម​ចែក​រំលែក​ដំណឹង​ល្អៗ​អំពី​បច្ចេកវិទ្យា​ចាប់​តាំង​ពី​វេបសាយ​មួយ​នេះ​ត្រូវ​បាន​បង្កើត​ឡើង។ គាត់​ចង់​ឱ្យ​ប្រជាជន​ខ្មែរ​កាន់​តែ​ច្រើន​យល់​ដឹង​អំពី​បច្ចេកវិទ្យា​ឱ្យ​ទូលំទូលាយ ពីព្រោះ​បច្ចេកវិទ្យា​អាច​ជួយ​ឱ្យ​ជីវភាព​រស់នៅ​របស់​យើង​កាន់​តែ​ទំនើប​ស្រប​ទៅ​នឹង​ការ​វិវឌ្ឍ​នៃ​សម័យ​កាល។