សៀវភៅ “អំណានជាអំណាច“ ដែលមានទំព័រសរុបចំនួន ២៨៥ទំព័រ និពន្ធដោយលោក ឡាំ លីម ត្រូវបានដាក់ឱ្យទាញយកជាទម្រង់ PDF ដោយមិនគិតថ្លៃតាំងពីខែកញ្ញា ឆ្នាំ២០១៩ មកម៉្លេះ។
លោក លីម ដាក់ឱ្យទាញយកសៀវភៅនេះដោយឥតគិតថ្លៃ គឺក្នុងបំណងចង់ចែករំលែកចំណេះដឹងទាក់ទងនឹងការអាន និងទិដ្ឋភាពខ្លះៗអំពីការសរសេរ។
“កុំភ្លេចសៀវភៅ បើស្រឡាញ់ខ្លួនឯង ស្រឡាញ់គ្រួសារ ស្រឡាញ់សង្គមជាតិ” គឺជាប្រយោគដែលអ្នកនិពន្ធលើកយកមកបង្ហាញមុនគេនៅលើក្របសៀវភៅ “អំណានជាអំណាច”។ ក្នុងន័យនេះ អ្នកនិពន្ធចង់រំលេចខ្លឹមសារថា នៅពេលដែលសង្គមមួយមានអ្នកអាចច្រើន សង្គមមួយនោះនឹងខ្លាំង។
ចំណុចខាងក្រោមនេះ គឺជាចំណុចចំណេញពីការអានសៀវភៅមួយក្បាលនេះ៖
- ចេះជ្រើសរើសសៀវភៅអានដោយមិនចំណាយលុយខុសគោលដៅសម្រាប់កូនអ្នកក្រ
- ចេះអានដោយយកចិត្តទុកដាក់ អានយកចេះ មិនមែនអានយកចប់ អានយកគុណភាព មិនមែនអានយកបរិមាណសៀវភៅ
- ពេលស្គាល់សៀវភៅដែលត្រូវអាន ចេះអានយកចេះ មិនខាតពេលវេលា
- សម្រាប់អ្នកចង់រៀនសរសេរសំណេរសង្គម នឹងអាចយល់ពីចរន្តសំណេរខ្លះៗមុននឹងចាប់សរសេរសៀវភៅដោយខ្លួនឯង
- ស្គាល់ចរិតអ្នកនិពន្ធ ដឹងចំណេះដឹងស្មេរតាមរយៈស្នាដៃដែលខ្លួនបានអាន
- ចេះបន្សុទ្ធចំណេះដឹងពីសំណេរតាមរយៈការរៀនគិតពិចារណា
- ផលចំណេញចុងក្រោយ គឺសៀវភៅនេះអ្នកអានអាចទាញយកអានដោយមិនគិតថ្លៃ ចំណេញលុយជាក់ស្ដែង
បន្ទាប់ពីអានសៀវភៅនេះចប់ អ្នកប្រាកដជាចេះគិតគូរពិចារណា និងជ្រើសរើសប្រភេទសៀវភៅដើម្បីអាន និងវិធីអានដោយត្រឹមត្រូវមួយសម្រាប់ខ្លួនឯង។
ទាញយកសៀវភៅ៖ http://bit.ly/2mjahfC ៕
![Pinterest](https://pinterest.com/pin/create/button/?url=https://www.techkhmer.net/read-is-power-ebook/&media=https://www.techkhmer.net/wp-content/uploads/2020/03/read-is-power.jpg&description=សៀវភៅ "អំណានជាអំណាច" ដែលមានទំព័រសរុបចំនួន ២៨៥ទំព័រ និពន្ធដោយលោក ឡាំ លីម ត្រូវបានដាក់ឱ្យទាញយកជាទម្រង់ PDF ដោយមិនគិតថ្លៃតាំងពីខែកញ្ញា ឆ្នាំ២០១៩ មកម៉្លេះ។){kind=link}