ទូរសព្ទ​ស្មាតហ្វូន​វៀតណាម​ទៅ​ដល់​ទីផ្សារ​មីយ៉ាន់ម៉ា​លើក​ដំបូង

ទូរសព្ទ Bphone 3 ឈ្នះ​ពានរង្វាន់​ទូរសព្ទ​ល្អ​បំផុត​របស់​វៀតណាម នៅ​ក្នុង​កម្មវិធី​ពានរង្វាន់​បច្ចេកវិទ្យា​របស់​វៀតណាម ឆ្នាំ​២០១៩ (VnExpress Tech Awards) កាល​ពី​ដើម​ឆ្នាំ​នេះ។

2638
ទូរសព្ទ Bphone 3 ផលិត​នៅ​ប្រទេស​វៀតណាម។
ទូរសព្ទ Bphone 3 ផលិត​នៅ​ប្រទេស​វៀតណាម។

ទូរសព្ទ​ស្មាតហ្វូន (Smartphone) របស់​ប្រទេស​វៀតណាម បង្ហាញ​ខ្លួន​លើក​ដំបូង​នៅ​ប្រទេស​មីយ៉ាន់ម៉ា (Myanmar)។ នេះ​បើ​តាម​ការ​ចុះ​ផ្សាយ​របស់​សារព័ត៌មាន Vietnam Plus។

ចូលរួម Telegram របស់ Techkhmer.net ដើម្បី​ទទួល​បាន​គន្លឹះ និង​ដំណឹង​ថ្មីៗ!

Loading...

ក្រុមហ៊ុន BKAV Corporation បាន​ប្រារព្ធ​ពិធី​សម្ពោធ​កាល​ពី​ថ្ងៃ​ទី​៤ ខែ​កក្កដា ឆ្នាំ​២០១៩ ដើម្បី​ដាក់​បង្ហាញ​ទូរសព្ទ​ឆ្លាតវៃ​របស់​ខ្លួន​ដែល​ផលិត​នៅ​ប្រទេស​វៀតណាម ឈ្មោះ Bphone 3 ទៅ​កាន់​ទីផ្សារ​ប្រទេស​មីយ៉ាន់ម៉ា។

Bphone 3 គឺ​ជា​ទូរសព្ទ​ជំនាន់​ទី​៣។ វា​ត្រូវ​បាន​ដាក់​លក់​កាល​ពី​ខែ​តុលា ឆ្នាំ​២០១៨ ដែល​មាន​ទំហំ​អេក្រង់ ៦​អ៊ីន (inch) ប្រភេទ ១៨:៩ HD ប្រើប្រាស់​ប្រព័ន្ធ​ប្រតិបត្តិការ Android ៨.១ និង CPU ជំនាន់ Snapdragon Qualcomm 636 មួយ​បន្ទះ ដែល​ធ្វើ​ឱ្យ​ល្បឿន​របស់​វា​លឿន​ជាង​ទូរសព្ទ Bphone 2។

បើ​តាម​សារព័ត៌មាន​ដដែល​ឱ្យ​ដឹង​ថា ទូរសព្ទ Bphone 3 ឈ្នះ​ពានរង្វាន់​ទូរសព្ទ​ល្អ​បំផុត​របស់​វៀតណាម នៅ​ក្នុង​កម្មវិធី​ពានរង្វាន់​បច្ចេកវិទ្យា​របស់​វៀតណាម ឆ្នាំ​២០១៩ (VnExpress Tech Awards) កាល​ពី​ដើម​ឆ្នាំ​នេះ។

ទោះ​យ៉ាង​ណា មុន​នឹង​ឈាន​ជើង​ចូល​ទីផ្សារ​ប្រទេស​មីយ៉ាន់ម៉ា ក្រុមហ៊ុន​នេះ​បាន​ចំណាយ​ពេល ៦​ខែ​ក្នុង​ការ​សិក្សា​អំពី​ទីផ្សារ​ប្រទេស​មីយ៉ាន់ម៉ា បណ្ដុះបណ្ដាល​បុគ្គលិក និង​បង្កើត​កម្មវិធី​ដើម្បី​គាំទ្រ​ដល់​អតិថិជន​ក្នុង​តំបន់។

ក្រុមហ៊ុន​ក៏​បាន​បង្កើត​សាខា​មួយ​នៅ​ទីក្រុង​យ៉ាំងហ្គោន (Yangon) និង​មជ្ឈមណ្ឌល​សេវាកម្ម​ចំនួន​បី​ផង​ដែរ។

ហាង​ប្រហែល ១០០​កន្លែង​ទូទាំង​ប្រទេស​មីយ៉ាន់ម៉ា នឹង​មាន​ដាក់​លក់​ទូរសព្ទ Bphone 3 ក្នុង​តម្លៃ​ប្រហែល ៣៣១​ដុល្លារ​សហរដ្ឋ​អាមេរិក និង Bphone 3 Pro ក្នុង​តម្លៃ​ប្រហែល ៤៦១​ដុល្លារ​សហរដ្ឋ​អាមេរិក បន្ទាប់​ពី​ការ​សម្ពោធ​នេះ​រួច។

សូម​ចែក​រំលែក​ដំណឹង​នេះ​ទៅ​កាន់​មិត្តភ័ក្ដិ​របស់​អ្នក​ផង។ សូម​អរគុណ..!

កំណត់​ចំណាំ៖ ហាម​យក​អត្ថបទ​ពី​គេហទំព័រ www.www.techkhmer.netទៅ​ចុះ​ផ្សាយ​ដោយ​គ្មាន​ការ​អនុញ្ញាត៕

Comments

 ឫទ្ធិស័ក្តិ
លោក ឫទ្ធិ ស័ក្ដិ គឺ​ជា​អ្នក​សរសេរ​អត្ថបទ​ផ្នែក​បច្ចេកវិទ្យា និង​គន្លឹះ​ថ្មីៗ​ក្នុង​ការ​ប្រើប្រាស់​ប្រចាំ​ថ្ងៃ​នៅ​ក្នុង​បច្ចេកវិទ្យា។ ស័ក្ដិ ចូលរួម​ចែក​រំលែក​ដំណឹង​ល្អៗ​អំពី​បច្ចេកវិទ្យា​ចាប់​តាំង​ពី​វេបសាយ​មួយ​នេះ​ត្រូវ​បាន​បង្កើត​ឡើង។ គាត់​ចង់​ឱ្យ​ប្រជាជន​ខ្មែរ​កាន់​តែ​ច្រើន​យល់​ដឹង​អំពី​បច្ចេកវិទ្យា​ឱ្យ​ទូលំទូលាយ ពីព្រោះ​បច្ចេកវិទ្យា​អាច​ជួយ​ឱ្យ​ជីវភាព​រស់នៅ​របស់​យើង​កាន់​តែ​ទំនើប​ស្រប​ទៅ​នឹង​ការ​វិវឌ្ឍ​នៃ​សម័យ​កាល។