វិធី​កំណត់/បិទ​មិន​ឱ្យ Telegram ទាញ​យក​រូបភាព​និង​វីដេអូ​ដោយ​ស្វ័យប្រវត្តិ (Android & iPhone)

1197
វិធី​កំណត់/បិទ​មិន​ឱ្យ Telegram ទាញ​យក​រូបភាព​និង​វីដេអូ​ដោយ​ស្វ័យប្រវត្តិ (Android & iPhone)

កម្មវិធី​ឈែត Telegram គឺ​ជា​កម្មវិធី​ឈែត​មួយ​កំពុង​ពេញនិយម​ក្នុង​ចំណោម​កម្មវិធី​ឈែត​ជាច្រើន​ទៀត​កម្ពុជា ដោយសារ​វា​ងាយស្រួល​ប្រើ អាច​ដាក់​សមាជិក​បាន​ច្រើន និង​អាច​ផ្ញើ​រូបភាព ព្រមទាំង​វីដេអូ​ក្នុង​ទំហំ​ធំៗ​ផង​ដែរ។

ចូលរួម Telegram របស់ Techkhmer.net ដើម្បី​ទទួល​បាន​គន្លឹះ និង​ដំណឹង​ថ្មីៗ!

Loading...

ជាទូទៅ កម្មវិធី​ឈែត​នេះ​គឺ​វា​ទាញ​យក​រូបភាព និង​វីដេអូ​ដោយ​ស្វ័យប្រវត្តិ​នៅ​ពេល​ភាគី​មួយ​ផ្ញើ​ទៅ​កាន់​ភាគី​មួយ​ទៀត ឬ​សមាជិក​ក្រុម​ផ្ញើ​ចូល​ក្នុង​ក្រុម​របស់​ពួក​គេ ប្រសិនបើ​យើង​មិន​បាន​កំណត់​លក្ខខណ្ឌ​ក្នុង​ទាញ​យក​ទេ​នោះ។

មូលហេតុ​នេះ​ហើយ​ដែល​ធ្វើ​ឱ្យ​ទូរស័ព្ទ​របស់​ពួកគេ​ឆាប់​អស់​ទំហំ​ផ្ទុក (storage) និង​ទាមទារ​ឱ្យ​ពួកគេ​លុប​ចោល​កម្មវិធី ឬ​ឯកសារ​មួយ​ចំនួន​ចេញ​ដើម្បី​អាច​ប្រើប្រាស់​ទូរស័ព្ទ​បន្ត​ទៀត។

=> ចុច​តំណ​ភ្ជាប់​នេះ​ដើម្បី​អាន​វិធី​លុប Telegram Cache បង្កើន​អង្គ​ចងចាំ និង​ធ្វើ​ឱ្យ​ទូរស័ព្ទ​ដើរ​លឿន​ជាង​មុន។

ក្រុម​ការងារ TECH KHMER សូម​បង្ហាញ​ពី​របៀប​កំណត់ ឬ​បិទ​មិន​ឱ្យ​កម្មវិធី Telegram ទាញ​យក​រូបភាព និង​វីដេអូ​ដោយ​ស្វ័យប្រវត្តិ​ដូច​ខាង​ក្រោម៖

វិធី​កំណត់​សម្រាប់​ទូរស័ព្ទ Android

ជំហាន​ទី​១៖ បើក​កម្មវិធី Telegram របស់​អ្នក

ជំហាន​ទី​២៖ ចុច​លើ​សញ្ញា​ឆ្នូត​បី​នៅ​ផ្នែក​ខាង​លើ​ឆ្វេង​ដៃ

ជំហាន​ទី​៣៖ ចុច​លើ​ពាក្យ Settings

ជំហាន​ទី​៤៖ ចុច​លើ​ឃ្លា Data and Storage

ជំហាន​ទី​៥៖ នៅ​ខាង​ក្រោម​ផ្នែក Automatic media download

  • សូម​ទាញ​ប៊ូតុង​ត្រង់ When using mobile data ទៅ​ឆ្វេង​ដៃ​ដូច​រូប
  • សូម​ទាញ​ប៊ូតុង​ត្រង់ When connected on Wi-Fi ទៅ​ឆ្វេង​ដៃ​ដូច​រូប
  • សូម​ទាញ​ប៊ូតុង​ត្រង់ When roaming ទៅ​ឆ្វេង​ដៃ​ដូច​រូប

វិធី​កំណត់​សម្រាប់​ទូរស័ព្ទ iPhone

ជំហាន​ទី​១៖ បើក​កម្មវិធី Telegram របស់​អ្នក

ជំហាន​ទី​២៖ ចុច​លើ​ពាក្យ Settings នៅ​ផ្នែក​ខាងក្រោម​ស្ដាំដៃ

ជំហាន​ទី​៣៖ ចុច​លើ​ឃ្លា Data and Storage

ជំហាន​ទី​៤៖ នៅ​ខាង​ក្រោម​ផ្នែក Automatic media download

  • ចុច​លើ Using Cellular រួច​ទាញ​ប៊ូតុង Auto-download media មក​ឆ្វេង
  • ចុច​លើ Using Wi-Fi រួច​ទាញ​ប៊ូតុង Auto-download media មក​ឆ្វេង

បន្ទាប់ពី​អ្នក​កំណត់​ដូច​ខាងលើ​រួច​ហើយ នោះ​នៅ​ពេល​នរណា​ម្នាក់​ផ្ញើ​រូបភាព ឬ​វីដេអូ​មក​អ្នក កម្មវិធី Telegram តម្រូវ​ឱ្យ​អ្នក​ចុច​ទាញ​យក (download) ដើម្បី​អាច​មើល​រូបភាព ឬ​វីដេអូ​នោះ​បាន៕

Comments