ព្រឹត្តិការណ៍បារខែមស្វាយរៀង ២០១៩ (BarCamp Prey Veng) នឹងប្រារព្ធធ្វើឡើងនៅថ្ងៃទី២៩-៣០ ខែមិថុនា ឆ្នាំ២០១៩ ខាងមុខនេះហើយ។ ព្រឹត្តិការណ៍នេះនឹងត្រូវធ្វើនៅក្នុងបរិវេណនៃសាកលវិទ្យាល័យ ស្វាយរៀង ចាប់ពីម៉ោង ៧ព្រឹកដល់ម៉ោង ៥ល្ងាច។
ប្រធានបទសម្រាប់ព្រឹត្តិការណ៍បារខែមស្វាយរៀង នៅឆ្នាំនេះ គឺ “សិក្ខាសាលាបច្ចេកវិទ្យា នវានុវត្តន៍ សហគ្រិនភាព និងវេទិកាការងារ” ដែលមានវាគ្មិនប្រមាណ ២៥រូបមកពីបណ្ដាក្រុមហ៊ុននានានៅរាជធានីភ្នំពេញ ធ្វើបទបង្ហាញដាច់ដោយឡែកពីគ្នាជាង ៣០ប្រធានបទ។
ប្រិយមិត្តដែលមានចំណាប់អារម្មណ៍ចំពោះកម្មវិធីនេះ ជាពិសេសអ្នករស់នៅក្នុងខេត្តស្វាយរៀង ផ្ទាល់តែម្ដង អាចចូលរួមកម្មវិធីបារខែមនេះដោយសេរី និងមិនគិតថ្លៃឡើយ។ អ្នកអាចចុះឈ្មោះចូលរួមកម្មវិធីនេះតាមអនឡាញតាមតំណភ្ជាប់នៅខាងក្រោមនៃអត្ថបទនេះ។
តើព្រឹត្តិការណ៍បារខែម (BarCamp) ជាអ្វី?
ព្រឹត្តិការណ៍បារខែម ជាព្រឹត្តិការណ៍ចែករំលែកចំណេះដឹងជុំវិញបច្ចេកវិទ្យា និងការចាប់ផ្ដើមអាជីវកម្មដោយមានការចូលរួមពីវាគ្មិនជំនាញៗ និងមានបទពិសោធន៍ក្នុងវិស័យបច្ចេកវិទ្យា អាជីវកម្ម និងរចនាច្នៃប្រឌិតមកពីបណ្ដាក្រុមហ៊ុននានា នឹងធ្វើបទបង្ហាញ ព្រមទាំងផ្លាស់ប្ដូរចំណេះដឹង ជំនាញ និងបទពិសោធន៍ផ្សេងៗដល់អ្នកចូលរួម។
ក្រៅពីនេះ ព្រឹត្តិការណ៍ក៏នឹងនៅមានការតាំងបង្ហាញផលិតផល ឬសេវាកម្មបច្ចេកវិទ្យាថ្មីៗផងដែរ។
តើអ្នកចូលរួមកម្មវិធីនេះ នឹងទទួលបានអត្ថប្រយោជន៍អ្វីខ្លះ?
- ទទួលបានចំណេះដឹងថ្មីៗ គំនិតថ្មីៗ និងបានជួបអ្នកនិយមបច្ចេកវិទ្យា អ្នកទីផ្សារ អ្នកធ្វើអាជីវកម្ម អ្នកប្រើប្រាស់អ៊ីនធឺណិតធ្វើអាជីវកម្ម
- ទទួលបានអាវយឺតដ៏ស្រស់ស្អាត (អាវមានកំណត់) និងវត្ថុអនុស្សាវរីយ៍ជាច្រើនទៀតពីអ្នកឧបត្ថម្ភកម្មវិធីផ្សេងៗទៀត
- ភ្ជាប់ទំនាក់ទំនងជាមួយវាគ្មិន និងអ្នកចូលរួមដទៃទៀតសម្រាប់អាជីវកម្ម និងបណ្ដាញការងារទៅថ្ងៃខាងមុខ
- អ្នកអាចសិក្សារៀនសូត្រ និងយកបទពិសោធន៍ពីវាគ្មិនដែលបានចូលរួមកម្មវិធី
- អ្នកនឹងមានឱកាសជួបអ្នកមានបទពិសោធន៍ធ្វើជំនួញ និងអ្នកបច្ចេកវិទ្យា
- អ្នកនឹងមានឱកាសរៀនសូត្រពីអ្នកស្ម័គ្រចិត្ត និងអ្នករៀបចំព្រឹត្តិការណ៍បារខែមក្នុងការរៀបចំព្រឹត្តិការណ៍បច្ចេកវិទ្យាថ្មីៗ។
បារខែមមានការគាំទ្រពីក្រសួងអប់រំ យុវជន និងកីឡា និងឧបត្ថម្ភដោយក្រុមហ៊ុនផ្ដល់សេវាទូរស័ព្ទស្មាត (Smart Axiata) ក្រុមហ៊ុនផ្ដល់សេវាអ៊ីនធឺណិត EZECOM ព្រមទាំងរៀបចំដោយអ្នកស្ម័គ្រចិត្តមិនស្វែងរកប្រាក់ចំណេញមួយក្រុមដែលមានទស្សនវិស័យរួមគ្នា។
តំណភ្ជាប់ចុះឈ្មោះ៖ https://barcampsv19.eventbrite.com
ព័ត៌មានបន្ថែម៖
- លេខទូរស័ព្ទ៖ ០១០ ៣០៧ ៥៧៥
- អ៊ីមែល៖
- វែបសាយ៖ http://www.barcampcambodia.org
សូមចែករំលែកដំណឹងនេះទៅកាន់មិត្តភ័ក្ដិរបស់លោកអ្នកបានដឹងផង។ សូមអរគុណ!
កំណត់ចំណាំ៖ ហាមយកអត្ថបទពីគេហទំព័រ www.www.techkhmer.netទៅចុះផ្សាយដោយគ្មានការអនុញ្ញាត៕
 នឹងប្រារព្ធធ្វើឡើងនៅថ្ងៃទី២៩-៣០ ខែមិថុនា ឆ្នាំ២០១៩ ខាងមុខនេះហើយ។){kind=link}