CADT ផ្ដល់​អាហារូបករណ៍​ទេពកោសល្យ​ឌីជីថល​តេជោ​ចំនួន ១០០​កន្លែង

1220
CADT ផ្ដល់​អាហារូបករណ៍​ទេពកោសល្យ​ឌីជីថល​តេជោ​ចំនួន ១០០​កន្លែង

វិទ្យាស្ថាន​បច្ចេកវិទ្យា​ឌីជីថល​នៃ​បណ្ឌិត្យសភា​បច្ចេកវិទ្យា​ឌីជីថល​កម្ពុជា (Cambodia Academy of Digital Technology, CADT) ប្រកាស​ផ្ដល់​អាហារូបករណ៍​ថ្នាក់​បរិញ្ញាបត្រ​ចំនួន ១០០​កន្លែង​សម្រាប់​ឆ្នាំ​សិក្សា​២០២១-២០២២។

ចូលរួម Telegram របស់ Techkhmer.net ដើម្បី​ទទួល​បាន​គន្លឹះ និង​ដំណឹង​ថ្មីៗ!

Loading...

អាហារូបករណ៍​នេះ​មាន​ឈ្មោះ​ថា «អាហារូបករណ៍​ទេពកោសល្យ​ឌីជីថល​តេជោ» ដែល​មាន​មុខ​ជំនាញ​ចំនួន​បី​ដូច​ខាងក្រោម៖

  • ទូរគមនាគមន៍ និង​បណ្ដាញ (Telecoms & Networking) ចំនួន ៣៥​កន្លែង
  • វិទ្យាសាស្ត្រ​កុំព្យូទ័រ (Computer Science) ចំនួន ៣០​កន្លែង
  • ពាណិជ្ជកម្ម​អេឡិចត្រូនិក (e-Commerce) ចំនួន ៣៥​កន្លែង។

សិស្ស​និស្សិត​ដែល​អាច​ទទួល​បាន​អាហារូបករណ៍​នេះ ត្រូវ​តែ៖

  • ឆ្លងកាត់​ការ​ប្រឡង​ប្រជែង​រៀបចំ​ដោយ​ក្រសួង​ប្រៃសណីយ៍ និង​ទូរគមនាគមន៍។
  • ជា​សិស្ស​ជាប់​សញ្ញាបត្រ​មធ្យមសិក្សា​ទុតិយភូមិ​ដែល​មាន​និទ្ទេស​រួម A, B ឬ C (ចំពោះ​សិស្ស​ដែល​ទទួល​បាន​និទ្ទេស​រួម C ត្រូវ​មាន​និទ្ទេស A លើ​មុខវិជ្ជា​វិទ្យាសាស្ត្រ​រួម​មាន គណិតវិទ្យា និង​រូបវិទ្យា)។
  • សិស្ស​មាន​ជីវភាព​ក្រីក្រ មកពី​ជនបទ​ដាច់ស្រយាល ជន​មាន​ពិការភាព និង​សិស្ស​នារី ត្រូវ​បាន​លើក​ទឹកចិត្ត​ផង​ដែរ។

វិទ្យាស្ថាន​បញ្ជាក់​នៅ​លើ​វែបសាយ​របស់​ខ្លួន​ថា ការ​ប្រឡង​ប្រជែង​យក​អាហារូបករណ៍​នេះ គឺ​ធ្វើ​តាម​ប្រព័ន្ធ​កុំព្យូទ័រ​ដែល​មាន​វិញ្ញាសា​ដូច​ខាងក្រោម៖

  • គណិតវិទ្យា-តក្កវិទ្យា (រយៈពេល ២​ម៉ោង)
  • ភាសា​អង់គ្លេស (រយៈពេល ១​ម៉ោង)។

កាលបរិច្ឆេទ និង​ការ​ចុះឈ្មោះ​ប្រឡង៖

  • ការ​ចុះឈ្មោះ​ប្រឡង​តាម​ប្រព័ន្ធ​អនឡាញ www.cadt.edu.kh/techo ចាប់ពី​ថ្ងៃ​ជូនដំណឹង​នេះ​រហូត​ដល់​ថ្ងៃ​ទី​១៨ ខែ​កុម្ភៈ ឆ្នាំ​២០២២។
  • បេក្ខជន​បេក្ខនារី​ត្រូវ​ទៅ​ទទួល​សលាកបត្រ​សុំ​សិទ្ធិ​ប្រឡង​ចាប់ពី​ថ្ងៃ​ទី​១៧ ខែ​មករា ឆ្នាំ​២០២២ តទៅ ដោយ​ភ្ជាប់​ជាមួយ​កាត​ចាក់​វ៉ាក់សាំង​ការពារ​ជំងឺ​កូវីដ និង​រូបថត 4×6 ចំនួន ២​សន្លឹក សម្រាប់​បំពេញ​លក្ខខណ្ឌ​ផ្សេងៗ​នៅ​អគារ​បណ្ឌិត្យ​សភា​បច្ចេកវិទ្យា​ឌីជីថល​កម្ពុជា ដើម្បី​ទទួល​ព័ត៌មាន និង​កាលបរិច្ឆេទ​ប្រឡង។
  • ការ​ប្រឡង​នឹង​ធ្វើ​នៅ​អគារ​បណ្ឌិត្យសភា​បច្ចេកវិទ្យា​ឌីជីថល​កម្ពុជា តាម​ប្រព័ន្ធ​កុំព្យូទ័រ​ចាប់ពី​ថ្ងៃ​ទី​១៨ ខែ​មករា រហូត​ដល់​ថ្ងៃ​ទី​១៨ ខែ​កុម្ភៈ ឆ្នាំ​២០២២។

ព័ត៌មាន​បន្ថែម សូម​ទំនាក់ទំនង​តាមរយៈ៖

Comments

 ឫទ្ធិស័ក្តិ
លោក ឫទ្ធិ ស័ក្ដិ គឺ​ជា​អ្នក​សរសេរ​អត្ថបទ​ផ្នែក​បច្ចេកវិទ្យា និង​គន្លឹះ​ថ្មីៗ​ក្នុង​ការ​ប្រើប្រាស់​ប្រចាំ​ថ្ងៃ​នៅ​ក្នុង​បច្ចេកវិទ្យា។ ស័ក្ដិ ចូលរួម​ចែក​រំលែក​ដំណឹង​ល្អៗ​អំពី​បច្ចេកវិទ្យា​ចាប់​តាំង​ពី​វេបសាយ​មួយ​នេះ​ត្រូវ​បាន​បង្កើត​ឡើង។ គាត់​ចង់​ឱ្យ​ប្រជាជន​ខ្មែរ​កាន់​តែ​ច្រើន​យល់​ដឹង​អំពី​បច្ចេកវិទ្យា​ឱ្យ​ទូលំទូលាយ ពីព្រោះ​បច្ចេកវិទ្យា​អាច​ជួយ​ឱ្យ​ជីវភាព​រស់នៅ​របស់​យើង​កាន់​តែ​ទំនើប​ស្រប​ទៅ​នឹង​ការ​វិវឌ្ឍ​នៃ​សម័យ​កាល។