កម្មវិធី​ទូរស័ព្ទ​ថ្មីសន្លាង​បង្កើត​ដោយ​កូន​ខ្មែរ​អាច​បំលែង​សំឡេង​ទៅ​ជា​អត្ថបទ​សរសេរ​ភ្លាមៗ

3298
ប្រព័ន្ធ​ស្វ័យប្រវត្តិកម្ម​បំលែង​សំឡេង​និយាយ​ភាសា​ខ្មែរ​ទៅ​ជា​អត្ថបទ​សរសេរ (Khmer Automatic Speech Recognition – Khmer ASR)
ប្រព័ន្ធ​ស្វ័យប្រវត្តិកម្ម​បំលែង​សំឡេង​និយាយ​ភាសា​ខ្មែរ​ទៅ​ជា​អត្ថបទ​សរសេរ (Khmer Automatic Speech Recognition – Khmer ASR)

កម្មវិធី​ទូរស័ព្ទ​ថ្មីសន្លាង​មួយ​បង្កើត​ឡើង​ដោយ​អ្នក​ស្រាវជ្រាវ​វ័យ​ក្មេង​របស់​កម្ពុជា ដែល​កម្មវិធី​នេះ​មាន​សមត្ថភាព​បំលែង​សំឡេង​និយាយ​ទៅ​ជា​អត្ថបទ​សរសេរ​ភ្លាមៗ ត្រូវ​បាន​ដាក់​ឱ្យ​ទាញ​យក​ជា​ផ្លូវការ​ទាំង​សម្រាប់​ប្រព័ន្ធ Android និង iOS។

ចូលរួម Telegram របស់ Techkhmer.net ដើម្បី​ទទួល​បាន​គន្លឹះ និង​ដំណឹង​ថ្មីៗ!

Loading...

កម្មវិធី​ទូរស័ព្ទ​នេះ​មាន​ឈ្មោះ​ថា “ប្រព័ន្ធ​ស្វ័យប្រវត្តិកម្ម​បំលែង​សំឡេង​និយាយ​ភាសា​ខ្មែរ​ទៅ​ជា​អត្ថបទ​សរសេរ (Khmer Automatic Speech Recognition – Khmer ASR)” ដែល​ប្រើប្រាស់​បច្ចេកវិទ្យា​បញ្ញា​សិប្បនិមិត្ត (Artificial Intelligence) ក្នុង​ការ​បំលែង​សំឡេង​និយាយ និង​ឯកសារ​សំឡេង​ជា​ភាសា​ខ្មែរ​ឱ្យ​ទៅ​ជា​អត្ថបទ​សរសេរ​ដោយ​ស្វ័យប្រវត្តិ​នៅ​លើ​ទូរស័ព្ទ​ស្មាតហ្វូន។

ទំព័រ​ហ្វេសប៊ុក (Facebook) របស់​វិទ្យាស្ថាន​ជាតិ​ប្រៃសណីយ៍ ទូរគមនាគមន៍ បច្ចេកវិទ្យា​គមនាគមន៍ និង​ព័ត៌មាន (NIPTICT) ចុះ​ផ្សាយ​នៅ​ថ្ងៃ​ទី​២៨ ខែ​ឧសភា ឆ្នាំ​២០២១ ឱ្យ​ដឹង​ថា កម្មវិធី​ទូរស័ព្ទ Khmer ASR នេះ​គឺ​ជា​សមិទ្ធផល​នៃ​កិច្ចការ​ស្រាវជ្រាវ និង​អភិវឌ្ឍ​លើ​បច្ចេកវិទ្យា​ភាសា​នៃ​បណ្ឌិត្យសភា​បច្ចេកវិទ្យា​ឌីជីថល​កម្ពុជា (អតីត​វិទ្យាស្ថាន​ជាតិ NIPTICT) នៃ​ក្រសួង​ប្រៃសណីយ៍ និង​ទូរគមនាគមន៍។

វិធីសាស្ត្រ​ដែល​គេ​យក​មក​ប្រើប្រាស់​ក្នុង​ការ​បង្កើត​កម្មវិធី​ទូរស័ព្ទ​នេះ​មាន​ពីរ គឺ Statistical Learning និង Deep Learning ដែល​ជា​វិធីសាស្ត្រ​ថ្មី​សម្រាប់​បង្កើត​ប្រព័ន្ធ​ស្វ័យប្រវត្តិកម្ម​បំលែង​សំឡេង​និយាយ​ទៅ​ជា​អត្ថបទ​សរសេរ​សម្រាប់​ភាសា​ដែល​មាន​លក្ខណៈ​ស្មុគស្មាញ និង​មាន​ទិន្នន័យ​តិច​ក្នុង​ទម្រង់​ឌីជីថល។ នេះ​បើ​តាម​ការ​ចុះ​ផ្សាយ​នៅ​លើ​វេបសាយ​របស់​បណ្ឌិត្យសភា​បច្ចេកវិទ្យា​ឌីជីថល​កម្ពុជា។

វេបសាយ​ដដែល​ឱ្យ​ដឹង​ថា បច្ចេកវិទ្យា​នេះ​អាច​អនុញ្ញាត​ឱ្យ​សហគមន៍​អ្នក​ស្រាវជ្រាវ និង​អភិវឌ្ឍ​បច្ចេកវិទ្យា​នៅ​កម្ពុជា អាច​ប្រើប្រាស់ ឬ​បំពាក់​ជាមួយ​នឹង​ប្រព័ន្ធ ឬ​បច្ចេកវិទ្យា​ដទៃ​ទៀត ដើម្បី​ប្រើប្រាស់​លើ​ការងារ​សំខាន់ៗ​ដូច​ខាងក្រោម៖

  • ជួយ​សម្រួល និង​ពន្លឿន​ការ​អនុវត្ត​ការងារ​ប្រចាំ​ថ្ងៃ ជាអាទិ៍​ការងារ​កត់ត្រា​នៅ​ក្នុង​កិច្ចប្រជុំ និង​កម្មវិធី​ផ្សេងៗ​ដែល​ពុំ​មាន​សំឡេង​រំខាន​ខ្លាំង ដូចជា​ការ​បំលែង​សំឡេង​សន្ទរកថា​ទៅ​ជា​អត្ថបទ​សរសេរ ការ​បំលែង​សំឡេង​បង្រៀន​ទៅ​ជា​អត្ថបទ​សរសេរ​នៅ​ក្នុង​ការងារ​បណ្តុះបណ្តាល។ល។
  • បំពាក់​ជា​បច្ចេកវិទ្យា​ជំនួយ​ដល់​ជនពិការ​ក្នុង​ការ​បំពេញ​ការងារ និង​ការ​រស់នៅ​ប្រចាំ​ថ្ងៃ។
  • បង្កើត​ជា​បច្ចេកវិទ្យា​បញ្ជា​ដោយ​សំឡេង (Voice Command) ជា​ភាសា​ខ្មែរ​ទៅ​លើ​វត្ថុ និង​សម្ភារៈ​ប្រើប្រាស់​ផ្សេងៗ។

ទាញ​យក​កម្មវិធី៖

ព័ត៌មាន​បន្ថែម សូម​ចូល​ទៅកាន់​គេហទំព័រ​របស់​ប្រព័ន្ធ Khmer ASR – https://rnd.cadt.edu.kh/khmer-asr ឬ​ទំនាក់ទំនង​តាម​រយៈ​អ៊ីមែល

របៀប​ប្រើប្រាស់

Comments

 ឫទ្ធិស័ក្តិ
លោក ឫទ្ធិ ស័ក្ដិ គឺ​ជា​អ្នក​សរសេរ​អត្ថបទ​ផ្នែក​បច្ចេកវិទ្យា និង​គន្លឹះ​ថ្មីៗ​ក្នុង​ការ​ប្រើប្រាស់​ប្រចាំ​ថ្ងៃ​នៅ​ក្នុង​បច្ចេកវិទ្យា។ ស័ក្ដិ ចូលរួម​ចែក​រំលែក​ដំណឹង​ល្អៗ​អំពី​បច្ចេកវិទ្យា​ចាប់​តាំង​ពី​វេបសាយ​មួយ​នេះ​ត្រូវ​បាន​បង្កើត​ឡើង។ គាត់​ចង់​ឱ្យ​ប្រជាជន​ខ្មែរ​កាន់​តែ​ច្រើន​យល់​ដឹង​អំពី​បច្ចេកវិទ្យា​ឱ្យ​ទូលំទូលាយ ពីព្រោះ​បច្ចេកវិទ្យា​អាច​ជួយ​ឱ្យ​ជីវភាព​រស់នៅ​របស់​យើង​កាន់​តែ​ទំនើប​ស្រប​ទៅ​នឹង​ការ​វិវឌ្ឍ​នៃ​សម័យ​កាល។