កម្មវិធីរៀនវេយ្យាករណ៍ភាសាអង់គ្លេសផ្លូវការរបស់សាកលវិទ្យាល័យ Cambridge ដែលមានឈ្មោះថា English Grammar in Use ធ្វើឲ្យអ្នកសិក្សាវេយ្យាករណ៍ភាសាអង់គ្លេសកាន់តែងាយស្រួលក្នុងការសិក្សាដោយខ្លួនឯងបានគ្រប់ទីកន្លែង និងគ្រប់ពេលវេលា។
កម្មវិធីនេះ (English Grammar in Use App) អាចប្រើបានទាំងសម្រាប់ទូរស័ព្ទស្មាតហ្វូន (Smart Phone) និងថេបផ្លិត (Tablets) ដែលដំណើរការដោយប្រព័ន្ធប្រតិបត្តិការ Android និង iOS។
លក្ខណៈពិសេសរបស់កម្មវិធីរៀនវេយ្យាករណ៍ភាសាអង់គ្លេស (English Grammar in Use) នេះ គឺមានការពន្យល់ភ្ជាប់ជាមួយរូបភាព និងមានលំហាត់អនុវត្តភ្លាមៗផងដែរនៅគ្រប់មេរៀន។ អ្នកនឹងឃើញលទ្ធផលតេស្តភ្លាមៗក្រោយពីអនុវត្តលំហាត់។ លើសពីនេះ ឧទាហរណ៍នៅក្នុងកម្មវិធីសិក្សានេះ ក៏មានសំឡេងអានលើប្រយោគនីមួយៗ ដែលអាចឲ្យអ្នកបង្កើនសមត្ថភាពស្ដាប់ផងដែរ។
កម្មវិធីសិក្សាវេយ្យាករណ៍ភាសាអង់គ្លេស (English Grammar in Use App) អនុញ្ញាតឲ្យអ្នកប្រើដោយមិនគិតថ្លៃចំនួន ៦មេរៀនដំបូង។
ចំពោះតម្លៃកម្មវិធីសិក្សាទាំងមូលនេះ គឺប្រហែលជាជិត ១៤ដុល្លារតែប៉ុណ្ណោះសម្រាប់ទូរស័ព្ទ Android និងតម្លៃប្រហែលជិត ១៧ដុល្លារសម្រាប់ទូរស័ព្ទ iPhone ប៉ុន្តែអ្នកអាចមានជម្រើសទិញតែមេរៀនដែលអ្នកចង់សិក្សាសិនក៏បាន៕
ទាញយកកម្មវិធីសិក្សាវេយ្យាករណ៍ភាសាអង់គ្លេសសម្រាប់ទូរស័ព្ទ iPhone និងសម្រាប់ទូរស័ព្ទ Android
