ទទួល​យក​បទពិសោធន៍​ថ្មី​ពី​អ្នក​ជំនាញ​បច្ចេកវិទ្យា​នៅ​ថ្ងៃ​ទី​២៩​កញ្ញា

ប្រធានបទ​ដែល​នឹង​ត្រូវ​លើក​យក​មក​បង្ហាញ​នៅ​ក្នុង​កម្មវិធី​នោះ​រួម​មាន ការប្រើប្រាស់ Data Science Technique ដើម្បី​ព្យាករ​តម្លៃ​ផ្ទះ​សម្បែង ការ​ធ្វើ​ការ​ជាមួយ Big Data នៅ​ក្នុង Hadoop Ecosystem និង​ស្វែងយល់ Blockchain ពី​ជ្រុង​ផ្សេងៗ។

2167
កម្មវិធី​ចែក​រំលេក​បទពិសោធន៍ Intelligent Data in Modern Times។
កម្មវិធី​ចែក​រំលេក​បទពិសោធន៍ Intelligent Data in Modern Times។

មជ្ឈមណ្ឌល កូរ៉េ សហ្វវែរ អេច អ ឌី (Korea Software HRD Center) នឹង​រៀបចំ​កម្មវិធី​ចែក​រំលែក​បទពិសោធន៍​ទាក់ទង​អំពី​បច្ចេកវិទ្យា​ថ្មីៗ​ដែល​មាន​ឈ្មោះ​ថា Intelligent Data in Modern Times សម្រាប់​ធ្វើ​ការ​ជាមួយ​ទិន្នន័យ​ឲ្យ​មាន​ប្រសិទ្ធភាព នៅ​ថ្ងៃ​សៅរ៍ ទី​២៩ ខែ​កញ្ញា ឆ្នាំ​២០១៨ ចាប់​ពី​ម៉ោង ១:៣០​នាទី​រសៀល​រហូត​ដល់​ម៉ោង ៦:០០​នាទី​ល្ងាច។

ចូលរួម Telegram របស់ Techkhmer.net ដើម្បី​ទទួល​បាន​គន្លឹះ និង​ដំណឹង​ថ្មីៗ!

Loading...

កម្មវិធី​ចែក​រំលែក​បទពិសោធន៍​ដែល​មាន​វាគ្មិន​ជំនាញ​បី​រូប​ចូលរួម​ដើម្បី​បង្ហាញ​ពី​វិធីសាស្ត្រ និង​បច្ចេកវិទ្យា​ថ្មី​ដែល​ឲ្យ​អ្នក​អាច​គ្រប់គ្រង ប្រើប្រាស់ និង​កែច្នៃ​ទិន្នន័យ​នៅ​ក្នុង​ស្ថាប័ន​របស់​អ្នក​ដោយ​មាន​ប្រសិទ្ធភាព​នោះ នឹង​ប្រារព្ធ​នៅ​មជ្ឈមណ្ឌល​សហប្រតិបត្តិការ​កម្ពុជាកូរ៉េ (CKCC) ស្ថិត​ក្នុង​បរិវេណ​នៃ​សាកលវិទ្យាល័យ​ភូមិន្ទ​ភ្នំពេញ (RUPP)

ប្រធានបទ​ដែល​នឹង​ត្រូវ​លើក​យក​មក​បង្ហាញ​នៅ​ក្នុង​កម្មវិធី​នោះ​រួម​មាន៖

  1. ប្រើប្រាស់ Data Science Technique ដើម្បី​ព្យាករ​តម្លៃ​ផ្ទះ​សម្បែង (Using Data Science Technique to Predict House Price)Data Science Technique ជា​វិធីសាស្ត្រ​ដ៏​មាន​ប្រសិទ្ធភាព​ក្នុង​ការ​ស្វែងរក​ចំណេះដឹង ឬ​របក​គំហើញ​ថ្មី​នៅ​ក្នុង​ទិន្នន័យ​ដែល​យើង​មិន​អាច​រក​ឃើញ​ដោយ​ការ​ប្រើប្រាស់​បច្ចេកវិទ្យា ឬ​ឧបករណ៍​សាមញ្ញ​បាន។
  2. ធ្វើ​ការ​ជាមួយ Big Data នៅ​ក្នុង Hadoop Ecosystem (Processing Big Data in Hadoop Ecosystem)។ ពេល​ទិន្នន័យ​កើន​ឡើង​ច្រើន​ជា​ប្រចាំ អ្នក​ប្រាកដ​ជា​ពិបាក​ធ្វើ​ការ​ជាមួយ​វា។ ក្នុង​ប្រធានបទ​នេះ អ្នក​នឹង​ឃើញ​ពី​ការ​រក្សា​ទុក គ្រប់គ្រង និង​បំប្លែង​ទិន្នន័យ​នៅ​ក្នុង Hadoop Ecosystem
  3. ស្វែងយល់ Blockchain ពី​ជ្រុង​ផ្សេងៗ (The Big Picture of Blockchain)Blockchain គឺ​ជា​បច្ចេកវិទ្យា​ដែល​ពេញ​និយម និង​កំពុង​ទទួល​បាន​ការ​ចាប់​អារម្មណ៍​នៅ​លើ​ពិភពលោក ក៏ដូចជា​នៅ​ប្រទេស​កម្ពុជា ដែរ។ ប្រធានបទ​នេះ នឹង​បង្ហាញ​អ្នក​ពី​ដំណើរការ​របស់ Blockchain និង​ការ​ប្រើប្រាស់​វា​នៅ​ក្នុង​ការងារ​ជាក់ស្ដែង ក្រៅ​ពី Cryptocurrency ដែល​អ្នក​ធ្លាប់​ដឹង។

លោក​អ្នក​អាច​ចូលរួម​កម្មវិធី​នេះ​ដោយ​សេរី ក៏ប៉ុន្តែ​ត្រូវ​ចុះ​ឈ្មោះ​ជា​មុន​សិន​តាម តំណ​ភ្ជាប់​នេះ ព្រោះ​កន្លែង​មាន​កំណត់។

អាន​អត្ថបទ​ផ្សេង​ទៀត៖

ព័ត៌មាន​លម្អិត៖

  • ទូរស័ព្ទ​លេខ៖ ០៩៣ ៣៧ ៩៨ ០៣ / ០៧៦ ២ ៩៩៩៩ ១២
  • វែបសាយ៖ www.kshrd.com.kh

មជ្ឈមណ្ឌល​កូរ៉េ សហ្វវែរ អេច អ ឌី គឺ​ជា​ស្ថាប័ន​បណ្ដុះបណ្ដាល​អ្នក​ជំនាញ​ផ្នែក​ព័ត៌មានវិទ្យា ដោយ​មាន​កិច្ច​សហប្រតិបត្តិការ​ជាមួយ​នឹង​ទីភ្នាក់ងារ​សហប្រតិបត្តិការ​អន្តរជាតិ​កូរ៉េ (KOICA) និង​ក្រុមហ៊ុន Webcash នៅ​ខែ​មេសា ឆ្នាំ​២០១៣។

សូម​ជួយ​ចែក​រំលែក​ដំណឹង​នេះ​ទៅ​កាន់​មិត្តភ័ក្ដិ​របស់​លោក​អ្នក​ផង។ សូម​អរគុណ..!

កំណត់​ចំណាំ៖ ហាម​យក​អត្ថបទ​ពី​គេហទំព័រ www.www.techkhmer.net ទៅ​ចុះ​ផ្សាយ​ដោយ​គ្មាន​ការ​អនុញ្ញាត៕

Comments

 ឫទ្ធិស័ក្តិ
លោក ឫទ្ធិ ស័ក្ដិ គឺ​ជា​អ្នក​សរសេរ​អត្ថបទ​ផ្នែក​បច្ចេកវិទ្យា និង​គន្លឹះ​ថ្មីៗ​ក្នុង​ការ​ប្រើប្រាស់​ប្រចាំ​ថ្ងៃ​នៅ​ក្នុង​បច្ចេកវិទ្យា។ ស័ក្ដិ ចូលរួម​ចែក​រំលែក​ដំណឹង​ល្អៗ​អំពី​បច្ចេកវិទ្យា​ចាប់​តាំង​ពី​វេបសាយ​មួយ​នេះ​ត្រូវ​បាន​បង្កើត​ឡើង។ គាត់​ចង់​ឱ្យ​ប្រជាជន​ខ្មែរ​កាន់​តែ​ច្រើន​យល់​ដឹង​អំពី​បច្ចេកវិទ្យា​ឱ្យ​ទូលំទូលាយ ពីព្រោះ​បច្ចេកវិទ្យា​អាច​ជួយ​ឱ្យ​ជីវភាព​រស់នៅ​របស់​យើង​កាន់​តែ​ទំនើប​ស្រប​ទៅ​នឹង​ការ​វិវឌ្ឍ​នៃ​សម័យ​កាល។