ក្មេង​ស្រី​ខ្មែរ​១​ក្រុម​នឹង​ទៅ​ប្រកួត Technovation វគ្គ​ផ្ដាច់​ព្រ័ត្រ​នៅ​អាមេរិក​ក្នុង​ខែ​សីហា

LiterTree ជា​ក្រុម​ក្មេង​ស្រី​កម្ពុជា មាន​សមាជិក ៥​នាក់ បាន​ផ្ដួចផ្ដើម​បង្កើត​នូវ​កម្មវិធី​ទូរសព្ទ​ឈ្មោះ "ណែងណង (Naeng-Norng)" ។

1579
ក្រុម​ក្មេង​ស្រី​កម្ពុជា ឈ្មោះ LiterTree នៃ​កម្មវិធី​សហគ្រិនភាព និង​បច្ចេកវិទ្យា Technovation។
ក្រុម​ក្មេង​ស្រី​កម្ពុជា ឈ្មោះ LiterTree នៃ​កម្មវិធី​សហគ្រិនភាព និង​បច្ចេកវិទ្យា Technovation។

ក្មេង​ស្រី​កម្ពុជា​មួយ​ក្រុម​ដែល​មាន​ឈ្មោះ​ក្រុម​ថា LiterTree នឹង​ទៅ​ចូលរួម​ប្រកួត​ប្រជែង​វគ្គ​ផ្ដាច់​ព្រ័ត្រ​ជាមួយ​ក្រុម​ក្មេង​ស្រី​ផ្សេង​ទៀត​មក​ពី​ជុំវិញ​ពិភពលោក នៅ​ក្នុង​កម្មវិធី​សហគ្រិនភាព និង​បច្ចេកវិទ្យា (Technovation) នៅ​សហរដ្ឋ​អាមេរិក នៅ​ក្នុង​ខែ​សីហា ខាង​មុខ​នេះ។

ចូលរួម Telegram របស់ Techkhmer.net ដើម្បី​ទទួល​បាន​គន្លឹះ និង​ដំណឹង​ថ្មីៗ!

Loading...

LiterTree ជា​ក្រុម​ក្មេង​ស្រី​កម្ពុជា មាន​សមាជិក ៥​នាក់ បាន​ផ្ដួចផ្ដើម​បង្កើត​នូវ​កម្មវិធី​ទូរសព្ទ​ឈ្មោះ “ណែងណង (Naeng-Norng)” និង​បាន​ជាប់​បន្ត​ទៅ​ប្រកួត​នៅ​សហរដ្ឋ​អាមេរិក បន្ទាប់​ពី​ប្រកួត​ប្រជែង​ជាមួយ​ក្រុម​ក្មេង​ស្រី​ផ្សេង​ទៀត​នៅ​ប្រទេស​កម្ពុជា កាល​ពី​ពេល​កន្លង​ទៅ។ កម្មវិធី​ទូរសព្ទ​នេះ ត្រូវ​បាន​បង្កើត​ឡើង​ក្នុង​គោល​បំណង​សម្រាប់​អភិរក្ស​កំណាព្យ​ខ្មែរ​ដោយ​អាច​ឱ្យ​អ្នក​អាន និង​អ្នក​និពន្ធ​ភ្ជាប់​ទំនាក់ទំនង​គ្នា​បាន។

ពួក​គេ​នឹង​ធ្វើ​ដំណើរ​ទៅ​កាន់​ទីក្រុង​សាន់ហ្វ្រាន់ស៊ីស្កូ សហរដ្ឋ​អាមេរិក ដើម្បី​ត្រៀម​ខ្លួន​ប្រកួត​ប្រជែង​ជាមួយ​ក្រុម​ផ្សេងៗ​ទៀត​មក​ពី​ជុំវិញ​ពិភពលោក​នៅ​ក្នុង​កម្មវិធី​សហគ្រិនភាព និង​បច្ចេកវិទ្យា Technovation វគ្គ​ផ្ដាច់​ព្រ័ត្រ​នៅ​ក្នុង​ខែ​សីហា ខាង​មុខ​នេះ។

Technovation គឺ​ជា​កម្មវិធី​អប់រំ​សហគ្រិនភាព​ក្នុង​វិស័យ​បច្ចេកវិទ្យា​សម្រាប់​ការ​ប្រកួត​ប្រជែង​អន្តរជាតិ ដែល​មាន​គោល​បំណង​បង្កើន​ចំនួន​ស្ត្រី​ក្នុង​វិស័យ​បច្ចេកវិទ្យា និង​សហគ្រិនភាព​ឱ្យ​កាន់​តែ​ច្រើន​បន្ថែម​ទៀត។ កម្មវិធី​នេះ​ជំរុញ​ឱ្យ​ក្មេង​ស្រី​អាយុ​ចន្លោះ​ពី ១០ ដល់ ១៨​ឆ្នាំ​នៅ​ទូទាំង​ពិភពលោក ស្វែងរក​ដំណោះស្រាយ​សម្រាប់​សហគមន៍​តាម​រយៈ​បច្ចេកវិទ្យា និង​ការ​រៀបចំ​ផែនការ​អាជីវកម្ម៕

Comments

 ឫទ្ធិស័ក្តិ
លោក ឫទ្ធិ ស័ក្ដិ គឺ​ជា​អ្នក​សរសេរ​អត្ថបទ​ផ្នែក​បច្ចេកវិទ្យា និង​គន្លឹះ​ថ្មីៗ​ក្នុង​ការ​ប្រើប្រាស់​ប្រចាំ​ថ្ងៃ​នៅ​ក្នុង​បច្ចេកវិទ្យា។ ស័ក្ដិ ចូលរួម​ចែក​រំលែក​ដំណឹង​ល្អៗ​អំពី​បច្ចេកវិទ្យា​ចាប់​តាំង​ពី​វេបសាយ​មួយ​នេះ​ត្រូវ​បាន​បង្កើត​ឡើង។ គាត់​ចង់​ឱ្យ​ប្រជាជន​ខ្មែរ​កាន់​តែ​ច្រើន​យល់​ដឹង​អំពី​បច្ចេកវិទ្យា​ឱ្យ​ទូលំទូលាយ ពីព្រោះ​បច្ចេកវិទ្យា​អាច​ជួយ​ឱ្យ​ជីវភាព​រស់នៅ​របស់​យើង​កាន់​តែ​ទំនើប​ស្រប​ទៅ​នឹង​ការ​វិវឌ្ឍ​នៃ​សម័យ​កាល។