បារខែមអាស៊ានត្រឡប់មកវិញម្ដងទៀតហើយ! ឆ្នាំ២០១៩ នេះ បារខែមអាស៊ាន (BarCamp ASEAN 2019) នឹងប្រារព្ធនៅថ្ងៃទី១២-១៣ ខែតុលា នៅក្នុងបរិវេណវិទ្យាស្ថានបច្ចេកវិទ្យាកម្ពុជា (សាលាតិចណូ) ចាប់ពីម៉ោង ៧:០០នាទីព្រឹកដល់ម៉ោង ៥:០០នាទីរសៀល។
សម្រាប់អ្នកដែលចាប់អារម្មណ៍ចង់ចូលរួមកម្មវិធីនេះ សូមចុះឈ្មោះតាមរយៈតំណភ្ជាប់នេះ «ចុះឈ្មោះចូលរួម» ដោយឥតគិតថ្លៃ ជាពិសេសទៅទៀតនោះ លោកអ្នកអាចនឹងមានឱកាសទទួលបានអាវយឺតដ៏ស្រស់ស្អាតមួយថែមទៀតផង។
ឆ្នាំនេះជាលើកទីបួនហើយ ដែលបារខែមអាស៊ានត្រូវបានប្រារព្ធឡើងនៅកម្ពុជា។ ប្រធានបទដែលកម្មវិធីផ្ដោតសំខាន់នោះគឺ «Together Towards A Digital Future» ដែលនឹងពិភាក្សាអំពីការអភិវឌ្ឍបច្ចេកវិទ្យានៅកម្ពុជា ដោយសម្លឹងមើលទៅអនាគតនៃវិស័យឌីជីថលរួមមាន សេដ្ឋកិច្ចឌីជីថល (Digital Economy) ពលរដ្ឋឌីជីថល (Digital Citizenship) និងឧស្សាហកម្ម ៤.០ (Industry 4.0)។
កាលពីឆ្នាំ២០១៨ កន្លងទៅ បារខែមអាស៊ានដែលប្រារព្ធនៅកម្ពុជា បានជាប់ជាបារខែមដែលធំជាងគេនៅលើពិភពលោក ដោយមានអ្នកចូលរួមប្រមាណ ១០០០០នាក់ (១ម៉ឺននាក់) ១០០០ក្រុមហ៊ុន (១ពាន់ក្រុមហ៊ុន) និងមានវាគ្មិន ១០០នាក់ជាមួយនឹង ១០០ប្រធានបទ ដែលបានបំបែកកំណត់ត្រាបារខែមយ៉ាំងហ្គោន (Barcamp Yangon) នៅឆ្នាំ២០១៣។ នេះបើតាមការចុះផ្សាយរបស់បារខែមអាស៊ាននៅកម្ពុជា។
ទោះយ៉ាងណាក៏ដោយ កម្មវិធីពីរថ្ងៃនៃបារខែមអាស៊ាន ២០១៩ នេះ ត្រូវបានគេរំពឹងថានឹងមានអ្នកចូលរួមជាង ១ម៉ឺននាក់ មានវាគ្មិនជាង ១០០នាក់ ក្រុមហ៊ុនចូលរួមតាំងពិព័រណ៍ជាង ៥០ស្ថាប័ន ក្រុមហ៊ុន startup និង ASEAN tech ជាង ១០០ស្ថាប័ន ព្រមទាំងមានដៃគូនៃកម្មវិធី និងអ្នកស្ម័គ្រចិត្តជាង ១០០នាក់ផ្សេងទៀត។
តើបារខែមអាស៊ាន (BarCamp ASEAN) ជាអ្វី?
បារខែមអាស៊ាន ២០១៩ គឺជាការជួបជុំរវាងបុគ្គលិកក្រុមហ៊ុន ម្ចាស់អាជីវកម្ម អ្នកជំនាញ និងអ្នកមានទេពកោសល្យ ដើម្បីចែករំលែកចំណេះដឹង និងបទពិសោធន៍ដល់សិស្សនិស្សិត អាជីវកម្មធុនតូច និងមធ្យម បុគ្គលិកសហគ្រាស ក្រុមហ៊ុននានា និងមហាជនទូទៅអំពីបច្ចុប្បន្នភាពនៃបច្ចេកវិទ្យា សេដ្ឋកិច្ច ធនធានមនុស្ស ហិរញ្ញវត្ថុ ទីផ្សារ ការច្នៃប្រឌិត និងឌីជីថលក្នុងប្រទេសកម្ពុជា ក៏ដូចជាក្នុងតំបន់។ល។
ក្រៅពីនេះ ព្រឹត្តិការណ៍បារខែមអាស៊ានក៏នឹងមានការតាំងពិព័រណ៍បង្ហាញផលិតផល និងសេវាកម្ម និងស្នាដៃសិស្សនិស្សិតកម្ពុជា ក្នុងវិស័យបច្ចេកវិទ្យាគមនាគមន៍ និងព័ត៌មានផងដែរ។
ព្រឹត្តិការណ៍បារខែមអាស៊ាន ឆ្នាំ២០១៩ គាំទ្រដោយក្រសួងអប់រំ យុវជន និងកីឡា ក្រសួងប្រៃសណីយ៍ និងទូរគមនាគមន៍ និងវិទ្យាស្ថានបច្ចេកវិទ្យាកម្ពុជា ព្រមទាំងបណ្ដាក្រុមហ៊ុនជាច្រើនទៀតផងដែរ។
ចុះឈ្មោះចូលរួមកម្មវិធី៖
ព័ត៌មានបន្ថែម៖
- លេខទូរស័ព្ទ៖ ០១០ ៣០ ៧៥ ៧៥
- អ៊ីមែល៖
- វែបសាយ៖ https://barcamp.asia
សូមចែករំលែកដំណឹងនេះទៅកាន់មិត្តភ័ក្ដិរបស់អ្នកឲ្យបានដឹងផង។ សូមអរគុណ..!
កំណត់ចំណាំ៖ ហាមយកអត្ថបទពីគេហទំព័រ www.www.techkhmer.netទៅចុះផ្សាយដោយគ្មានការអនុញ្ញាត៕
 នឹងប្រារព្ធនៅថ្ងៃទី១២-១៣ ខែតុលា នៅក្នុងបរិវេណវិទ្យាស្ថានបច្ចេកវិទ្យាកម្ពុជា (សាលាតិចណូ) ចាប់ពីម៉ោង ៧:០០នាទីព្រឹកដល់ម៉ោង ៥:០០នាទីរសៀល។){kind=link}