នៅសល់តែ ១ថ្ងៃទៀតប៉ុណ្ណោះ ការបោះឆ្នោតជ្រើសរើសជយលាភីក្រុមកុមារីនៃកម្មវិធីប្រកួតថ្នាក់ពិភពលោកនៃ Technovation នឹងត្រូវបញ្ចប់ហើយនៅម៉ោង ១រំលងអធ្រាត្រឆ្លងចូលថ្ងៃទី១០ ខែសីហា ឆ្នាំ២០១៨ (ម៉ោងនៅកម្ពុជា) ត្រូវនឹងម៉ោង ១១ព្រឹកថ្ងៃទី៩ ខែសីហា ឆ្នាំ២០១៨ (ម៉ោងនៅសហរដ្ឋអាមេរិក)។
តោះ! នៅចាំអីទៀត នាំគ្នាបោះឆ្នោតគាំទ្រឲ្យក្រុមកុមារីកម្ពុជា យើងដែលមានឈ្មោះថា Legendary Helpers ទាំងអស់គ្នាឥឡូវនេះឲ្យទទួលបានជយលាភីលំដាប់ពិភពលោក ដោយចុចលើតំណភ្ជាប់ និងអនុវត្តតាមរូបភាពក្នុងចំណុចនៃរបៀបបោះឆ្នោតគាំទ្រនៅខាងក្រោម។
ក្រុមកុមារីនេះបានជាប់ឈ្មោះនៅក្នុងវគ្គប្រកួតប្រជាប្រិយភាព (People’s Choice Award) នៃ Technovation World នៅឆ្នាំ២០១៨ នេះ ដែលត្រូវប្រកួតប្រជែងជាមួយក្រុមកុមារីដែលមកពីប្រទេសផ្សេងទៀតជុំវិញពិភពលោក។
ទំព័រហ្វេសប៊ុក (Facebook) របស់ Technovation កម្ពុជា ឲ្យដឹងនៅរសៀលថ្ងៃទី៧ ខែសីហា ឆ្នាំ២០១៨ ថា ក្រុមកុមារីដែលមានឈ្មោះថា Legendary Helpers និងគ្រូបង្វឹករបស់ពួកគេ បានទៅដល់សហរដ្ឋអាមេរិក ហើយ ដើម្បីចូលរួមកម្មវិធីប្រកួតថ្នាក់ពិភពលោកនេះ (World Pitch)។
អានអត្ថបទផ្សេងទៀត៖
- ក្រុមកុមារី ៣ក្រុមទទួលជយលាភីថ្នាក់ជាតិនៃ Technovation កម្ពុជា ឆ្នាំ២០១៨
- ស្ត្រីខ្មែរ ៣នាក់ ឈ្នះពានរង្វាន់ស្ត្រីឆ្នើមក្នុងវិស័យបច្ចេកវិទ្យា
- CKCC ផ្ដល់អាហារូបករណ៍ជំនាញព័ត៌មានវិទ្យា ១២៥កន្លែង
ក្រុមកុមារីនេះ បានបង្កើតគំនិតច្នៃប្រឌិតមួយដោយបង្កើតកម្មវិធីទូរស័ព្ទ (App) ដែលមានឈ្មោះថា Health Journal ដែលអាចឲ្យមាតាបិតារបស់ពួកគេដឹងពីព័ត៌មានមួយចំនួនពីកូនៗរបស់ពួកគាត់យ៉ាងឆាប់រហ័ស ដូចជាអារម្មណ៍របស់ក្មេងៗ ការប្រើប្រាស់អាហារ និងទឹក ជាដើម។ លើសពីនេះទៀត App នេះនឹងរក្សាព័ត៌មានប្រចាំថ្ងៃរបស់ក្មេងៗជាទម្រង់កំណត់ហេតុទៀតផង។
របៀបបោះឆ្នោតគាំទ្រក្រុមកុមារីកម្ពុជា នៅក្នុងការប្រកួតរង្វាន់ People’s Choice Award ដូចខាងក្រោម៖
- ចុចលើតំណភ្ជាប់នេះ៖ https://technovationchallenge.org/world-pitch/peoples-choice-award/#vote
- អនុវត្តដូចរូបភាពខាងក្រោមនេះ
នៅឆ្នាំ២០១៨ នេះ កម្មវិធីរបស់ Technovation កម្ពុជា បានបង្រៀនកុមារីជាង ១៨០នាក់ នៅក្នុង ៤៤ក្រុម ឲ្យចេះអំពីជំនាញសហគ្រិន និងបច្ចេកវិទ្យា និងបានជួយឲ្យពួកគេដាក់ពាក្យទៅកាន់ Technovation ពិភពលោក។
Technovation គឺជាកម្មវិធីអប់រំសហគ្រិនភាពក្នុងវិស័យបច្ចេកវិទ្យា សម្រាប់ការប្រកួតប្រជែងអន្តរជាតិដែលមានគោលបំណងបង្កើនចំនួនស្ត្រីក្នុងវិស័យបច្ចេកវិទ្យា និងសហគ្រិនភាពឲ្យកាន់តែច្រើនបន្ថែមទៀត។
សូមចែករំលែកដំណឹងនេះទៅកាន់មិត្តភ័ក្ដិរបស់លោកអ្នកឲ្យបានដឹងអំពីព័ត៌មាននេះផង។ សូមអរគុណ!
កំណត់ចំណាំ៖ ហាមយកអត្ថបទពីគេហទំព័រ www.www.techkhmer.net ទៅចុះផ្សាយដោយគ្មានការអនុញ្ញាត៕
 ក្នុងកម្មវិធីប្រកួតលំដាប់ពិភពលោក (World Pitch)។){kind=link}