បុរសជនជាតិម៉ាឡេស៊ី ម្នាក់អាយុ ៣៥ឆ្នាំ ស្លាប់ដោយសារឆក់ខ្សែភ្លើងពេលដែលគាត់កំពុងសាកថ្មទូរស័ព្ទ កាលពីថ្ងៃអង្គារ ទី២៣ ខែមករា ឆ្នាំ២០១៨ នៅក្នុងរដ្ឋម៉ាឡាកា (Malacca) នៃប្រទេសម៉ាឡេស៊ី។
យោងតាមប៉ូលិស ឲ្យដឹងថា Rosli Othman ត្រូវបានគេជឿថាបានឆក់ខ្សែភ្លើង ខណៈគាត់កំពុងដោតឆ្នាំងសាកទូរស័ព្ទរបស់គាត់ទៅក្នុងហ្វ្រីភ្លើងនៅផ្ទះមិត្តភ័ក្ដិរបស់គាត់ នៅឯទីក្រុងយ៉ាស៊ីន (Jasin)។
ប៉ូលិសនៃទីក្រុងយ៉ាស៊ីន បានប្រាប់កាសែត Bernama ថា អ្នកស្លាប់ដែលជាពលករ ត្រូវបានមិត្តភ័ក្ដិរបស់គាត់ប្រទះឃើញនៅម៉ោងប្រមាណ ១១:៣០នាទីយប់ ក្នុងសភាពដេកស្ដូកស្ដឹងជាមួយនឹងទូរស័ព្ទរបស់គាត់ ឆ្នាំងសាកទូរស័ព្ទ និងហ្វ្រីភ្លើង។
ប៉ូលិសស៊ើបអង្កេតបានបង្ហាញថា ជនរងគ្រោះមិនបានរងរបួសពីអ្វីផ្សេងទៀតនោះទេ។ ប៉ូលិសបន្ថែមថា ករណីបុរសដែលស្លាប់នេះ ត្រូវបានដាក់ចូលក្នុងករណីដែលស្លាប់មិនធម្មតា (unnatural death)។
សាកសពត្រូវបានបញ្ជូនទៅកាន់មន្ទីរពេទ្យមួយនៅក្នុងទីក្រុងយ៉ាស៊ីន។
Source: Channel News Asia
កំណត់ចំណាំ៖ ហាមយកអត្ថបទពីគេហទំព័រ www.www.techkhmer.net ទៅចុះផ្សាយដោយគ្មានការអនុញ្ញាត៕
 នៃប្រទេសម៉ាឡេស៊ី។){kind=link}