Google ជូន​ដំណឹង​អ្នក​ប្រើប្រាស់ Update កម្មវិធី Chrome ភ្លាម

2936
Google Chrome កំណែ​ជំនាន់ 80.0.3987.149
Google Chrome កំណែ​ជំនាន់ 80.0.3987.149

Google បញ្ចេញ​កំណែ​អាប់ដេត​កម្មវិធី​រុករក Google Chrome កាល​ពី​ថ្ងៃ​ទី​១៨ ខែ​មីនា ឆ្នាំ​២០២០ ដើម្បី​ជួសជុល​លើ​ចំណុច​ខ្សោយ​ដែល​មាន​កម្រិត​ធ្ងន់ធ្ងរ​ខ្លាំង។

ចូលរួម Telegram របស់ Techkhmer.net ដើម្បី​ទទួល​បាន​គន្លឹះ និង​ដំណឹង​ថ្មីៗ!

Loading...

សេចក្ដី​ជូន​ដំណឹង​របស់​ក្រុមហ៊ុន Google នៅ​លើ Blog របស់​ខ្លួន​ឱ្យ​ដឹង​ថា ក្រុមហ៊ុន​បាន​បញ្ចេញ​កំណែ​ចុងក្រោយ​នៃ​កម្មវិធី​រុករក Chrome ទៅ​កាន់​កំណែ​ជំនាន់ 80.0.3987.149 សម្រាប់​ជួសជុល​បិទ​ចន្លោះ​ប្រហោង​ដែល​មាន​នៅ​លើ​កម្មវិធី​រុករក​នេះ​សម្រាប់​ប្រព័ន្ធ​ប្រតិបត្តិការ Windows, Mac និង Linux។

ចំណុច​ខ្សោយ​ដែល​មាន​នៅ​លើ​កម្មវិធី Chrome លើ​ជំនាន់​ទាប​ជាង​កំណែ​ខាង​លើ នឹង​អាច​អនុញ្ញាត​ឱ្យ​ក្រុម​វាយ​ប្រហារ​មាន​លទ្ធភាព​ដំណើរការ​កូដ​ពី​ចម្ងាយ (remote execute) និង​អាច​គ្រប់គ្រង​ម៉ាស៊ីន​រងគ្រោះ​នោះ​ទាំងស្រុង។

ដើម្បី​អាប់ដេត​កម្មវិធី Chrome សូម​អនុវត្ត​ដូច​ខាង​ក្រោម៖

ជំហាន​ទី​១៖ បើក​កម្មវិធី Chrome

ជំហាន​ទី​២៖ ចុច​លើ​សញ្ញា​ចុច​បី​បញ្ឈរ​នៅ​ខាង​ស្ដាំ​ដៃ​ផ្នែក​ខាង​លើ

ជំហាន​ទី​៣៖ ចុច​លើ​ពាក្យ Help និង​ជ្រើស​យក About Google Chrome

ជំហាន​ទី​៤៖ ធ្វើ​តាម​ការ​ណែនាំ​របស់​កម្មវិធី​ជា​ការ​ស្រេច។

កាល​ពី​ខែ​មីនា ឆ្នាំ​២០១៩ ក្រុមហ៊ុន Google ក៏​ធ្លាប់​បញ្ចេញ​កំណែ​ជួសជុល (patch) បន្ទាន់​មួយ​ដែរ​ឲ្យ​អ្នក​ប្រើប្រាស់​របស់​ខ្លួន​ប្រញាប់​ធ្វើ​បច្ចុប្បន្នភាព​កម្មវិធី Chrome ដើម្បី​ជៀស​ផុត​ពី​ការ​វាយ​ប្រហារ​ដោយ​ក្រុម​ហេគឃឺ (Hackers) ពី​ចម្ងាយ​តាម​រយៈ​ចំណុច​ខ្សោយ បន្ទាប់​ពី​ក្រុមហ៊ុន​ទទួល​បាន​របាយការណ៍​នៃ​ភាព​ងាយ​រងគ្រោះ​ដ៏​សំខាន់​មួយ​ពី​អ្នក​ស្រាវជ្រាវ​ផ្នែក​សន្តិសុខ​បច្ចេកវិទ្យា​ម្នាក់​របស់​ខ្លួន​នៅ​ចុង​ខែ​កុម្ភៈ ឆ្នាំ​២០១៩។

បើ​សិន​ជា​អ្នក​មិន​ទាន់​អាច​អាប់ដេត​ទៅ​កាន់​ជំនាន់​ថ្មី​ទេ សូម​លោក​អ្នក​ព្យាយាម​ធ្វើ​របៀប​នេះ​រៀង​រាល់​ថ្ងៃ​រហូត​អាច​ធ្វើ​បច្ចុប្បន្នភាព​កម្មវិធី​របស់​អ្នក​បាន៕

សូម​ជួយ​ចែក​រំលែក​ដំណឹង​នេះ​ទៅ​កាន់​មិត្តភ័ក្ដិ​របស់​អ្នក។ សូម​អរគុណ..!

កំណត់​ចំណាំ៖ ហាម​យក​អត្ថបទ​ពី​គេហទំព័រ www.www.techkhmer.netទៅ​ចុះ​ផ្សាយ​ដោយ​គ្មាន​ការ​អនុញ្ញាត។

Comments

លោក ឫទ្ធិ ស័ក្ដិ គឺ​ជា​អ្នក​សរសេរ​អត្ថបទ​ផ្នែក​បច្ចេកវិទ្យា និង​គន្លឹះ​ថ្មីៗ​ក្នុង​ការ​ប្រើប្រាស់​ប្រចាំ​ថ្ងៃ​នៅ​ក្នុង​បច្ចេកវិទ្យា។ ស័ក្ដិ ចូលរួម​ចែក​រំលែក​ដំណឹង​ល្អៗ​អំពី​បច្ចេកវិទ្យា​ចាប់​តាំង​ពី​វេបសាយ​មួយ​នេះ​ត្រូវ​បាន​បង្កើត​ឡើង។ គាត់​ចង់​ឱ្យ​ប្រជាជន​ខ្មែរ​កាន់​តែ​ច្រើន​យល់​ដឹង​អំពី​បច្ចេកវិទ្យា​ឱ្យ​ទូលំទូលាយ ពីព្រោះ​បច្ចេកវិទ្យា​អាច​ជួយ​ឱ្យ​ជីវភាព​រស់នៅ​របស់​យើង​កាន់​តែ​ទំនើប​ស្រប​ទៅ​នឹង​ការ​វិវឌ្ឍ​នៃ​សម័យ​កាល។