ស្ត្រី​ខ្មែរ​បី​នាក់​ឈ្នះ​ពាន​រង្វាន់​ស្ត្រី​ឆ្នើម​ក្នុង​វិស័យ​បច្ចេកវិទ្យា

ស្ត្រី​ឆ្នើម​បី​នាក់​ដែល​ទទួល​បាន​ពាន​រង្វាន់​នេះ គឺ​ស្ថិត​ក្នុង​បេក្ខនារី ៣០​នាក់ ដែល​ត្រូវ​បាន​វាយ​តម្លៃ​ទៅ​លើ​ភាព​ជោគជ័យ​របស់​ពួក​គាត់​ក្នុង​វិស័យ​បច្ចេកវិទ្យា​គមនាគមន៍ និង​ព័ត៌មានវិទ្យា បទពិសោធន៍ ជំនាញ និង​សេវាកម្ម​ដែល​ពួក​គេ​បាន​ចូលរួម​ចំណែក​ក្នុង​ការ​អភិវឌ្ឍ​សង្គម។

2756
(ពី​ឆ្វេង) កញ្ញា ចន្ទ ពេញល័ក្ខ អ្នកស្រី ហ្វាត ស៊ីអែម និង​កញ្ញា ឡុង លក្ខិណា។
(ពី​ឆ្វេង) កញ្ញា ចន្ទ ពេញល័ក្ខ អ្នកស្រី ហ្វាត ស៊ីអែម និង​កញ្ញា ឡុង លក្ខិណា។

ស្ត្រី​ខ្មែរ​បី​នាក់​ទទួល​បាន​ជ័យលាភី «ស្ត្រី​ឆ្នើម​ក្នុង​វិស័យ​បច្ចេកវិទ្យា​ឆ្នាំ​២០១៨»។ ពាន​រង្វាន់​ស្ត្រី​ឆ្នើម​ក្នុង​វិស័យ​បច្ចេកវិទ្យា​នេះ គឺ​ជា​ពាន​រង្វាន់​ដែល​បង្កើត​ឡើង​ដើម្បី​បញ្ជ្រាប​ចំណេះដឹង​ផ្នែក​បច្ចេកវិទ្យា​ដល់​ស្ត្រី ការ​តាំង​ចិត្ត និង​ទាក់ទាញ​ចំណាប់​អារម្មណ៍​ស្ត្រី​ក្នុង​ផ្នែក​បច្ចេកវិទ្យា​ឲ្យ​កាន់​តែ​ច្រើន​នៅ​កម្ពុជា។

ចូលរួម Telegram របស់ Techkhmer.net ដើម្បី​ទទួល​បាន​គន្លឹះ និង​ដំណឹង​ថ្មីៗ!

Loading...

ស្ត្រី​ខ្មែរ​ទាំង​បី​រូប​ដែល​ទទួល​បាន​ពាន​រង្វាន់​ស្ត្រី​ឆ្នើម​ក្នុង​វិស័យ​បច្ចេកវិទ្យា​នោះ​រួម​មាន៖

  • កញ្ញា ចន្ទ ពេញល័ក្ខ ទទួល​បាន​ពាន​រង្វាន់​ស្ត្រី​ដែល​បាន​ចូលរួម​ជំរុញ​ការ​ប្រើប្រាស់​បច្ចេកវិទ្យា​សម្រាប់​ការ​អភិវឌ្ឍ​សង្គម ឬ​សហគមន៍
  • អ្នកស្រី ហ្វាត ស៊ីអែម (ប្រធាន​ផ្នែក​រៀបចំ​គម្រោង​ទិន្នន័យ​ក្នុង​ក្រុមហ៊ុន​ទូរគមនាគមន៍) ទទួល​បាន​ពាន​រង្វាន់​វិស្វករ​ស្ត្រី​ជោគជ័យ​ក្នុង​ជំនាញ​បច្ចេកវិទ្យា
  • កញ្ញា ឡុង លក្ខិណា (ស្ថាបនិក​ក្រុមហ៊ុន​ដឹក​ជញ្ជូន ជូន​អ្នក) ទទួល​បាន​ពាន​រង្វាន់​សហគ្រិន​ស្ត្រី​ឆ្នើម​ក្នុង​វិស័យ​បច្ចេកវិទ្យា

ស្ត្រី​ឆ្នើម​បី​នាក់​ដែល​ទទួល​បាន​ពាន​រង្វាន់​នេះ គឺ​ស្ថិត​ក្នុង​បេក្ខនារី ៣០​នាក់ ដែល​ត្រូវ​បាន​វាយ​តម្លៃ​ទៅ​លើ​ភាព​ជោគជ័យ​របស់​ពួក​គាត់​ក្នុង​វិស័យ​បច្ចេកវិទ្យា​គមនាគមន៍ និង​ព័ត៌មានវិទ្យា បទពិសោធន៍ ជំនាញ និង​សេវាកម្ម​ដែល​ពួក​គេ​បាន​ចូលរួម​ចំណែក​ក្នុង​ការ​អភិវឌ្ឍ​សង្គម។

កម្មវិធី​ប្រគល់​ពាន​រង្វាន់​ស្ត្រី​ឆ្នើម​ក្នុង​វិស័យ​បច្ចេកវិទ្យា ថ្ងៃ​ទី​៧ ខែ​មីនា ឆ្នាំ​២០១៨។
កម្មវិធី​ប្រគល់​ពាន​រង្វាន់​ស្ត្រី​ឆ្នើម​ក្នុង​វិស័យ​បច្ចេកវិទ្យា ថ្ងៃ​ទី​៧ ខែ​មីនា ឆ្នាំ​២០១៨។

ប្រធាន​នាយកដ្ឋាន​គោល​នយោបាយ​បច្ចេកវិទ្យា​គមនាគមន៍ និង​ព័ត៌មានវិទ្យា អ្នកស្រី តាន់ សូដានី បាន​ថ្លែង​ប្រាប់ VOA ក្នុង​សប្ដាហ៍​នេះ​ថា ការ​វាយ​តម្លៃ​គឺ​ផ្នែក​លើ​ឥទ្ធិពល​នៃ​ការងារ​របស់​ពួក​គាត់ ការ​តាំង​ចិត្ត​របស់​ពួក​គាត់​កន្លង​ទៅ និង​ការ​តាំង​ចិត្ត​បន្ត​ទៅ​ថ្ងៃ​អនាគត។

ឆ្នាំ​២០១៨ នេះ​ជា​លើក​ដំបូង​ហើយ​នៅ​កម្ពុជា ដែល​មាន​ការ​រៀបចំ​ប្រកួត​ពាន​រង្វាន់​ស្ត្រី​ក្នុង​វិស័យ​បច្ចេកវិទ្យា ដើម្បី​លើក​កម្ពស់​ការ​ចូលរួម​របស់​ស្ត្រី​ក្នុង​ការ​បញ្ជ្រាប​ចំណេះដឹង​ផ្នែក​បច្ចេកវិទ្យា​ដល់​ស្ត្រី ក៏​ដូចជា​ទាក់ទាញ​ចំណាប់​អារម្មណ៍​របស់​ស្ត្រី​សហគ្រិន​ក្នុង​ផ្នែក​បច្ចេកវិទ្យា​ផង​ដែរ។

សូម​ចែក​រំលែក​អត្ថបទ​នេះ​ទៅ​កាន់​មិត្តភ័ក្ដិ​របស់​លោក​អ្នក​ឲ្យ​បាន​ដឹង​ផង។ សូម​អរគុណ!

កម្មវិធី​ប្រគល់​ពាន​រង្វាន់​ស្ត្រី​ឆ្នើម​ក្នុង​វិស័យ​បច្ចេកវិទ្យា ថ្ងៃ​ទី​៧ ខែ​មីនា ឆ្នាំ​២០១៨។
កម្មវិធី​ប្រគល់​ពាន​រង្វាន់​ស្ត្រី​ឆ្នើម​ក្នុង​វិស័យ​បច្ចេកវិទ្យា ថ្ងៃ​ទី​៧ ខែ​មីនា ឆ្នាំ​២០១៨។

កំណត់​ចំណាំ៖ ហាម​យក​អត្ថបទ​ពី​គេហទំព័រ www.www.techkhmer.net ទៅ​ចុះ​ផ្សាយ​ដោយ​គ្មាន​ការ​អនុញ្ញាត៕

Comments

លោក ឫទ្ធិ ស័ក្ដិ គឺ​ជា​អ្នក​សរសេរ​អត្ថបទ​ផ្នែក​បច្ចេកវិទ្យា និង​គន្លឹះ​ថ្មីៗ​ក្នុង​ការ​ប្រើប្រាស់​ប្រចាំ​ថ្ងៃ​នៅ​ក្នុង​បច្ចេកវិទ្យា។ ស័ក្ដិ ចូលរួម​ចែក​រំលែក​ដំណឹង​ល្អៗ​អំពី​បច្ចេកវិទ្យា​ចាប់​តាំង​ពី​វេបសាយ​មួយ​នេះ​ត្រូវ​បាន​បង្កើត​ឡើង។ គាត់​ចង់​ឱ្យ​ប្រជាជន​ខ្មែរ​កាន់​តែ​ច្រើន​យល់​ដឹង​អំពី​បច្ចេកវិទ្យា​ឱ្យ​ទូលំទូលាយ ពីព្រោះ​បច្ចេកវិទ្យា​អាច​ជួយ​ឱ្យ​ជីវភាព​រស់នៅ​របស់​យើង​កាន់​តែ​ទំនើប​ស្រប​ទៅ​នឹង​ការ​វិវឌ្ឍ​នៃ​សម័យ​កាល។