Apple គ្រោង​បង្កើត​មជ្ឈមណ្ឌល​ទិន្នន័យ​នៅ​វៀតណាម

ការ​ប្រកាស​អំពី​គម្រោង​នេះ ធ្វើ​ឡើង​នៅ​ពេល​ដែល​លោក Tim Cook ជួប​នាយក​រដ្ឋមន្ត្រី​វៀតណាម លោក Nguyen Xuan Phuc ដែល​មាន​វត្តមាន​នៅ​ទីក្រុង​ដាវ៉ូស (Davos) ប្រទេស​ស្វីស (Switzerland)។

2835
នាយក​ប្រតិបត្តិ​ក្រុមហ៊ុន Apple លោក Tim Cook (ឆ្វេង) ចាប់​ដៃ​ជាមួយ​នាយក​រដ្ឋមន្ត្រី​វៀតណាម លោក Nguyen Xuan Phuc កាល​ពី​ថ្ងៃ​ទី​២៣ ខែ​មករា ឆ្នាំ​២០១៩។ Photo: VNA

នាយក​ប្រតិបត្តិ​ក្រុមហ៊ុន Apple លោក Tim Cook ប្រកាស​នៅ​ពេល​ថ្មីៗ​នេះ​អំពី​គម្រោង​បង្កើត​មជ្ឈមណ្ឌល​ទិន្នន័យ​មួយ​នៅ​ប្រទេស​វៀតណាម ក្នុង​ការ​កាត់​បន្ថយ​ការ​ពឹង​ផ្អែក​ទៅ​លើ​ដៃគូ​ទី​បី​ដូចជា Amazon និង Microsoft។ នេះ​បើ​តាម​ការ​ចុះ​ផ្សាយ​របស់​សារព័ត៌មាន​វៀតណាម​ណេត (Vietnam Net)

ចូលរួម Telegram របស់ Techkhmer.net ដើម្បី​ទទួល​បាន​គន្លឹះ និង​ដំណឹង​ថ្មីៗ!

Loading...

ការ​ប្រកាស​អំពី​គម្រោង​នេះ ធ្វើ​ឡើង​នៅ​ពេល​ដែល​លោក Tim Cook ជួប​នាយក​រដ្ឋមន្ត្រី​វៀតណាម លោក Nguyen Xuan Phuc ដែល​មាន​វត្តមាន​នៅ​ទីក្រុង​ដាវ៉ូស (Davos) ប្រទេស​ស្វីស (Switzerland) កាល​ពី​ថ្ងៃ​ទី​២៣ ខែ​មករា ឆ្នាំ​២០១៩ ដើម្បី​ចូលរួម​កិច្ចប្រជុំ​ប្រចាំ​ឆ្នាំ​នៃ​វេទិកា​សេដ្ឋកិច្ច​ពិភពលោក។

សារព័ត៌មាន​វៀតណាម​ណេត (Vietnam Net) ចុះ​ផ្សាយ​នៅ​ថ្ងៃ​ទី​៣០ ខែ​មករា ឆ្នាំ​២០១៩ ឲ្យ​ដឹង​ថា លោក​នាយក​រដ្ឋមន្ត្រី​វៀតណាម Nguyen Xuan Phuc សម្ដែង​នូវ​សេចក្ដី​អបអរ​ដល់​ក្រុមហ៊ុន Apple លើ​ការ​វិនិយោគ​ប្រកប​ដោយ​ជោគជ័យ និង​ប្រតិបត្តិការ​អាជីវកម្ម​នៅ​ប្រទេស​វៀតណាម។ លោក​ក៏​បាន​សម្ដែង​ការ​គាំទ្រ​ចំពោះ​ផែនការ​បង្កើត​មជ្ឈមណ្ឌល​ទិន្នន័យ​នេះ​ផង​ដែរ។

សារព័ត៌មាន​ដដែល​ចុះ​ផ្សាយ​ទៀត​ថា កាល​ពី​បី​ឆ្នាំ​មុន សារព័ត៌មាន​ក្នុង​ស្រុក និង​អន្តរជាតិ​បាន​រាយការណ៍​អំពី​គម្រោង ១​ពាន់​លាន​ដុល្លារ​ក្នុង​ការ​បង្កើត​មជ្ឈមណ្ឌល​ទិន្នន័យ​របស់​ក្រុមហ៊ុន Apple នៅ​ប្រទេស​វៀតណាម។ កាល​នោះ Apple មាន​ជម្រើស​ពីរ ថា​ត្រូវ​បង្កើត​មជ្ឈមណ្ឌល​ទិន្នន័យ​នៅ​ទីក្រុង​ហាណូយ (Ha Noi) ឬ​ក៏​នៅ​ទីក្រុង​ដាណាង (Da Nang) ប៉ុន្តែ​ក្រុមហ៊ុន​ជ្រើសរើស​យក​ប្រទេស​ឥណ្ឌា។

អត្ថបទ​ផ្សេង​ទៀត៖


ផ្កាយ​រណប​វៀតណាម MicroDragon ត្រូវ​បាន​បាញ់​បង្ហោះ​ដោយ​ជោគជ័យ (វីដេអូ)

គម្រោង​បង្កើត​មជ្ឈមណ្ឌល​ទិន្នន័យ​នេះ​ជា​គម្រោង​ទី​ពីរ​របស់​ក្រុមហ៊ុន Apple នៅ​ប្រទេស​វៀតណាម បន្ទាប់​ពី​គម្រោង​ទី​មួយ ក្រុមហ៊ុន​នេះ​បាន​វិនិយោគ​ទឹកប្រាក់​ចំនួន ៦៧៣០០០​ដុល្លារ ដើម្បី​បង្កើត​ក្រុមហ៊ុន​តំណាង​ចែកចាយ​នៅ​ទីក្រុង​ហូជីមិញ (HCMC) នៃ​ប្រទេស​វៀតណាម កាល​ពី​ឆ្នាំ​២០១៥។

នាយក​ប្រតិបត្តិ​ក្រុមហ៊ុន Apple លោក Tim Cook ក៏​បាន​ព្យាករ​ផង​ដែរ​ថា ក្រុមហ៊ុន​នឹង​ទទួល​បាន​ប្រាក់​ចំណូល​ខ្ពស់​បំផុត​នៅ​វៀតណាម។ ហេតុ​ដូចនេះ ក្រុមហ៊ុន​រំពឹង​ថា​នឹង​ទទួល​បាន​ប្រាក់​ចំណូល​ខ្ពស់​ពី​ទីផ្សារ​សំខាន់ៗ​មួយ​ចំនួន​ដូចជា សហរដ្ឋ​អាមេរិក (USA) កាណា (Cana) ម៉ិចស៊ីកូ (Mexico) អឺរ៉ុប (អាល្លឺម៉ង់ និង​អ៊ីតាលី) អាស៊ី​ប៉ាស៊ីហ្វិក (កូរ៉េ និង​វៀតណាម)

សូម​ចែក​រំលែក​ដំណឹង​នេះ​ទៅ​កាន់​មិត្តភ័ក្ដិ​របស់​អ្នក​ឲ្យ​បាន​ដឹង​ផង។ សូម​អរគុណ..!

កំណត់​ចំណាំ៖ ហាម​យក​អត្ថបទ​ពី​គេហទំព័រ www.www.techkhmer.net ទៅ​ចុះ​ផ្សាយ​ដោយ​គ្មាន​ការ​អនុញ្ញាត៕

Comments

 ឫទ្ធិស័ក្តិ
លោក ឫទ្ធិ ស័ក្ដិ គឺ​ជា​អ្នក​សរសេរ​អត្ថបទ​ផ្នែក​បច្ចេកវិទ្យា និង​គន្លឹះ​ថ្មីៗ​ក្នុង​ការ​ប្រើប្រាស់​ប្រចាំ​ថ្ងៃ​នៅ​ក្នុង​បច្ចេកវិទ្យា។ ស័ក្ដិ ចូលរួម​ចែក​រំលែក​ដំណឹង​ល្អៗ​អំពី​បច្ចេកវិទ្យា​ចាប់​តាំង​ពី​វេបសាយ​មួយ​នេះ​ត្រូវ​បាន​បង្កើត​ឡើង។ គាត់​ចង់​ឱ្យ​ប្រជាជន​ខ្មែរ​កាន់​តែ​ច្រើន​យល់​ដឹង​អំពី​បច្ចេកវិទ្យា​ឱ្យ​ទូលំទូលាយ ពីព្រោះ​បច្ចេកវិទ្យា​អាច​ជួយ​ឱ្យ​ជីវភាព​រស់នៅ​របស់​យើង​កាន់​តែ​ទំនើប​ស្រប​ទៅ​នឹង​ការ​វិវឌ្ឍ​នៃ​សម័យ​កាល។