នៅដើមខែសីហា ខាងមុខនេះ ក្រុមការងារនៃព្រឹត្តិការណ៍បារខែម (BarCamp) នឹងរៀបចំព្រឹត្តិការណ៍បារខែមបាត់ដំបង (BarCamp Batttambang) ជាថ្មីទៀតដើម្បីចែករំលែកចំណេះដឹងដល់យុវជននៅខេត្តបាត់ដំបង ក្រោមប្រធានបទ “សិក្ខាសាលាបច្ចេកវិទ្យា សហគ្រិនភាព និងវេទិកាការងារ”។
ទំព័រហ្វេសប៊ុក (Facebook Page) របស់ព្រឹត្តិការណ៍បារខែម (BarCamp Cambodia) ឱ្យដឹងថា បារខែមបាត់ដំបងនៅឆ្នាំនេះនឹងប្រព្រឹត្តឡើងនៅថ្ងៃទី០៣-០៤ ខែសីហា ឆ្នាំ២០១៩ ចាប់ពីម៉ោង ៧ព្រឹករហូតដល់ម៉ោង ៥រសៀល នៅក្នុងបរិវេណសាកលវិទ្យាល័យ បាត់ដំបង ខេត្តបាត់ដំបង។
ព្រឹត្តិការណ៍បារខែម ជាព្រឹត្តិការណ៍ចែករំលែកចំណេះដឹងជុំវិញបច្ចេកវិទ្យា និងការចាប់ផ្ដើមអាជីវកម្មដោយមានការចូលរួមពីវាគ្មិនជំនាញៗ និងមានបទពិសោធន៍ក្នុងវិស័យបច្ចេកវិទ្យា អាជីវកម្ម និងរចនាច្នៃប្រឌិតមកពីបណ្ដាក្រុមហ៊ុននានា នឹងធ្វើបទបង្ហាញ ព្រមទាំងផ្លាស់ប្ដូរចំណេះដឹង ជំនាញ និងបទពិសោធន៍ផ្សេងៗដល់អ្នកចូលរួម។
អ្នកចូលរួមព្រឹត្តិការណ៍នេះ ក៏អាចមានឱកាសទទួលបានអាវយឺតដ៏ស្រស់ស្អាតពីកម្មវិធីបារខែមបាត់ដំបងនេះផង ប៉ុន្តែកម្មវិធីតម្រូវឱ្យអ្នកចូលរួមចុះឈ្មោះតាមអនឡាញជាមុនតាមរយៈតំណភ្ជាប់ខាងក្រោម ព្រោះអាវយឺតមានកំណត់។
តើអ្នកនឹងទទួលបានអ្វីខ្លះពីព្រឹត្តិការណ៍បារខែមបាត់ដំបង?
- ទទួលបានចំណេះដឹង គំនិតថ្មីៗ និងបានជួបជាមួយអ្នកនិយមបច្ចេកវិទ្យា អ្នកទីផ្សារ អ្នកធ្វើអាជីវកម្ម អ្នកប្រើប្រាស់អ៊ីនធឺណិតធ្វើអាជីវកម្ម។
- អាវយឺត (មានកំណត់) និងវត្ថុអនុស្សាវរីយ៍ជាច្រើនទៀតពីអ្នកឧបត្ថម្ភកម្មវិធីផ្សេងៗទៀត។
- ភ្ជាប់ទំនាក់ទំនងជាមួយវាគ្មិន និងអ្នកចូលរួមដទៃសម្រាប់អាជីវកម្ម និងបណ្ដាញរបស់អ្នកទៅថ្ងៃមុខ។
- អ្នកអាចសិក្សារៀនសូត្រយកបទពិសោធន៍ជីវិតពីវាគ្មិននីមួយៗដែលអញ្ជើញមកពីរាជធានីភ្នំពេញ។
- អ្នកមានឱកាសជួបជាមួយក្រុមអ្នកមានបទពិសោធន៍ធ្វើជំនួញ និងអ្នកបច្ចេកវិទ្យា។
- បានរៀនសូត្រពីអ្នកស្ម័គ្រចិត្ត និងអ្នករៀបចំព្រឹត្តិការណ៍បារខែម ក្នុងការរៀបចំព្រឹត្តិការណ៍បច្ចេកវិទ្យាថ្មី។
តំណភ្ជាប់ចុះឈ្មោះចូលរួមកម្មវិធី៖
ព័ត៌មានបន្ថែម៖
- លេខទូរស័ព្ទ៖ ០១០ ៣០៧ ៥៧៥
- អ៊ីមែល៖
- វែបសាយ៖ http://www.barcampcambodia.org
សូមចែករំលែកដំណឹងនេះទៅកាន់មិត្តភ័ក្ដិរបស់លោកអ្នកបានដឹងផង។ សូមអរគុណ!
កំណត់ចំណាំ៖ ហាមយកអត្ថបទពីគេហទំព័រ www.www.techkhmer.netទៅចុះផ្សាយដោយគ្មានការអនុញ្ញាត៕
 នឹងរៀបចំព្រឹត្តិការណ៍បារខែមបាត់ដំបង (BarCamp Batttambang) ជាថ្មីទៀត។){kind=link}