ក្រុមការងារប្រចាំតំបន់អាស៊ីរបស់ក្រុមហ៊ុនហ្វេសប៊ុក (Facebook) ផ្លាស់ទៅកាន់ទីស្នាក់ការថ្មីធំជាងមុនដែលនឹងក្លាយជាទីស្នាក់ការកណ្ដាលប្រចាំតំបន់នៅប្រទេសសិង្ហបុរី (Singapore) កាលពីថ្ងៃអង្គារ សប្ដាហ៍មុន។
សារព័ត៌មាន CNET ចុះផ្សាយនៅថ្ងៃទី១ ខែតុលា ឆ្នាំ២០១៨ ឲ្យដឹងថា ទីស្នាក់ការកណ្ដាលថ្មីដ៏ធំរបស់ក្រុមហ៊ុនហ្វេសប៊ុកនៅប្រទេសសិង្ហបុរី គឺមានទំហំ ២៦០០០០ហ្វីតការ៉េ (ប្រហែល ២៤១៥៤ម៉ែត្រការ៉េ) មាន ៤ជាន់។ បុគ្គលិកបម្រើការងារនៅទីស្នាក់ការនេះមានប្រហែល ១០០០នាក់ ដែលនឹងអាចគ្រប់គ្រងម៉ាស៊ីនកុំព្យូទ័ររហូតដល់ ៣០០០ម៉ាស៊ីនកុំព្យូទ័រ (workstation)។
ការផ្លាស់ប្ដូរទីស្នាក់ការថ្មី គឺស្របពេលដែលក្រុមហ៊ុនហ្វេសប៊ុកកំពុងបង្កើនប្រតិបត្តិការនៅតំបន់អាស៊ី រួមបញ្ចូលទាំងមជ្ឈមណ្ឌលទិន្នន័យដំបូងនៅក្នុងតំបន់របស់ខ្លួនផងដែរ។
អានអត្ថបទផ្សេងទៀត៖
- ៥០លានគណនីហ្វេសប៊ុក ត្រូវបានហេគ (hacked)
- របៀបបិទកុំឲ្យ hacker មើលឃើញ IP Address ពេល Call តាម Telegram
- របៀបឆែកមើលថាតើមានគេលួច hacked ចូលគណនីហ្វេសប៊ុកដែរឬអត់
- ចាក់សោគណនីហ្វេសប៊ុកពីរជាន់ជាមួយកម្មវិធី authy 2fa
សារព័ត៌មានដដែលនេះឲ្យដឹងទៀតថា ក្រុមហ៊ុនហ្វេសប៊ុកចំណាយទឹកប្រាក់ ១ពាន់លានដុល្លារសម្រាប់អគារដែលមានកម្ពស់ ១១ជាន់ និងមានទំហំ ១៧០០០០ម៉ែត្រការ៉េនៅប្រទេសសិង្ហបុរី នេះ។
អនុប្រធានប្រចាំតំបន់អាស៊ីប៉ាស៊ីហ្វិក លោក Dan Neary មានប្រសាសន៍ថា តំបន់អាស៊ីប៉ាស៊ីហ្វិក គឺពិតជាមានសារសំខាន់ខ្លាំងណាស់សម្រាប់ក្រុមហ៊ុនហ្វេសប៊ុក។ លោកបន្តថា ក្នុងចំណោមមនុស្ស ២,២ពាន់លាននាក់ដែលប្រើប្រាស់បណ្ដាញសង្គមរបស់យើង គឺមាន ៨៩៤លាននាក់នៅក្នុងតំបន់អាស៊ីប៉ាស៊ីហ្វិក។ នេះបើតាមការចុះផ្សាយរបស់សារព័ត៌មាន CNET ដដែលនេះ។
លោកបន្ថែមថា ប្រទេសសិង្ហបុរី គឺជាគន្លឹះនៃការបន្តរីកចម្រើនរបស់យើងនៅក្នុងតំបន់ ហើយយើងមានកិត្តិយសក្នុងការធ្វើការជាមួយ និងគាំទ្រដៃគូមួយចំនួននៅក្នុងវិស័យសាធារណៈ និងវិស័យឯកជន ដើម្បីជំរុញគោលដៅសេដ្ឋកិច្ច ការច្នៃប្រឌិត និងសហគមន៍របស់ប្រទេសសិង្ហបុរី។
លើសពីនេះទៀត ក្រុមហ៊ុនហ្វេសប៊ុកក៏បានប្រកាសថា ក្រុមហ៊ុននឹងបង្កើតកម្មវិធីច្នៃប្រឌិតទិន្នន័យទី២ (second data innovation startup programme) ដែលមានឈ្មោះថា Startup Station Singapore ដោយសហការជាមួយនឹងអាជ្ញាធរអភិវឌ្ឍន៍ប្រព័ន្ធផ្សព្វផ្សាយ Infocomm របស់ប្រទេសសិង្ហបុរី ទៀតផង។
សូមចែករំលែកដំណឹងនេះទៅកាន់មិត្តភ័ក្ដិរបស់លោកអ្នកឲ្យបានដឹងអំពីព័ត៌មាននេះផង។ សូមអរគុណ..!
កំណត់ចំណាំ៖ ហាមយកអត្ថបទពីគេហទំព័រ www.www.techkhmer.net ទៅចុះផ្សាយដោយគ្មានការអនុញ្ញាត៕
 ផ្លាស់ទៅកាន់ទីស្នាក់ការថ្មីធំជាងមុនដែលនឹងក្លាយជាទីស្នាក់ការកណ្ដាលប្រចាំតំបន់នៅប្រទេសសិង្ហបុរី (Singapore) កាលពីថ្ងៃអង្គារ សប្ដាហ៍មុន។){kind=link}