Facebook ច្រាន​ចោល​ការ​អះអាង​ពី​ជំនួប​ជាមួយ​នាយក​រដ្ឋមន្ត្រី​ថៃ

ក្រុមហ៊ុន​ហ្វេសប៊ុក​បាន​ចេញ​សេចក្ដី​ប្រកាស​ព័ត៌មាន​ដ៏​ខ្លី​មួយ​ថា "បច្ចុប្បន្ន អ្នក​គ្រប់គ្រង​របស់​យើង​គ្មាន​គម្រោង​ទៅ​ប្រទេស​ថៃ នោះ​ទេ"។

1791
នាយក​ប្រតិបត្តិ​ក្រុមហ៊ុន​ហ្វេសប៊ុក (Facebook) លោក Mark Zuckerberg។
នាយក​ប្រតិបត្តិ​ក្រុមហ៊ុន​ហ្វេសប៊ុក (Facebook) លោក Mark Zuckerberg។

ក្រុមហ៊ុន​ហ្វេសប៊ុក (Facebook) ច្រាន​ចោល​ចំពោះ​ការ​អះអាង​របស់​នាយក​រដ្ឋមន្ត្រី​ថៃ ដែល​ថា​នាយក​ប្រតិបត្តិ​ក្រុមហ៊ុន​ហ្វេសប៊ុក នឹង​ទៅ​ជួប​ពិភាក្សា​ជាមួយ​លោក​នៅ​ប្រទេស​ថៃ នៅ​ចុង​ខែ​តុលា នេះ។

ចូលរួម Telegram របស់ Techkhmer.net ដើម្បី​ទទួល​បាន​គន្លឹះ និង​ដំណឹង​ថ្មីៗ!

Loading...

ការ​ឆ្លើយតប​របស់​ក្រុមហ៊ុន​ហ្វេសប៊ុក​នៅ​ពេល​នេះ គឺ​នៅ​ក្រោយ​រយៈពេល ២​ថ្ងៃ​នៃ​ការ​ប្រកាស​របស់​លោក​នាយក​រដ្ឋមន្ត្រី​ថៃ ប្រាយុទ្ធ ចាន់អូចា (Prayuth Chan-ocha) ប្រាប់​អ្នក​កាសែត​ថា លោក​នឹង​ជួប​ពិភាក្សា​ជាមួយ​នាយក​ប្រតិបត្តិ​ក្រុមហ៊ុន​ហ្វេសប៊ុក គឺ​លោក Mark Zuckerberg នៅ​ថ្ងៃ​ទី​៣០ ខែ​តុលា នេះ។

ក្រុមហ៊ុន​ហ្វេសប៊ុក​បាន​ចេញ​សេចក្ដី​ប្រកាស​ព័ត៌មាន​ដ៏​ខ្លី​មួយ​ថា បច្ចុប្បន្ន អ្នក​គ្រប់គ្រង​របស់​យើង​គ្មាន​គម្រោង​ទៅ​ប្រទេស​ថៃ នោះ​ទេ

អ្នក​នាំ​ពាក្យ​នៃ​រដ្ឋាភិបាល​ប្រទេស​ថៃ លោក Weerachon Sukhondhapatipak មាន​ប្រសាសន៍​នៅ​ថ្ងៃ​ព្រហស្បតិ៍ ទី​១៩ តុលា ថា លោក​នាយក​រដ្ឋមន្ត្រី​ថៃ បាន​ប្រកាស​ពី​ជំនួប​ជាមួយ​ប្រធាន​ក្រុមហ៊ុន​ហ្វេសប៊ុក លោក Mark Zuckerberg ទៅ​កាន់​អ្នក​កាសែត គឺ​ក្រោយ​ពី​លោក​នាយក​រដ្ឋមន្ត្រី​បាន​ទទួល​ព័ត៌មាន​សង្ខេប​ពី​ក្រុមប្រឹក្សាភិបាល​វិនិយោគ​នៃ​ប្រទេស​ថៃ។ លោក​បន្ត​ថា លោក​ក៏​មិន​ដឹង​ប្រាកដ​ដែរ​អំពី​អ្វី​ដែល​ក្រុមប្រឹក្សាភិបាល​វិនិយោគ បាន​រាយការណ៍​ទៅ​នាយក​រដ្ឋមន្ត្រី​ថៃ នោះ។ នេះ​បើ​តាម​ការ​ចុះ​ផ្សាយ​របស់​កាសែត ឌឹ ញូវយ៉ក ថាមស៍ (The New York Times)

លោក​នាយក​រដ្ឋមន្ត្រី​ថៃ ប្រាយុទ្ធ ចាន់អូចា (Prayuth Chan-ocha)។
លោក​នាយក​រដ្ឋមន្ត្រី​ថៃ ប្រាយុទ្ធ ចាន់អូចា (Prayuth Chan-ocha)។
កំណត់​ចំណាំ៖ ហាម​យក​អត្ថបទ​ពី​គេហទំព័រ www.www.techkhmer.net ទៅ​ចុះ​ផ្សាយ​ដោយ​គ្មាន​ការ​អនុញាត៕

Comments

 ឫទ្ធិស័ក្តិ
លោក ឫទ្ធិ ស័ក្ដិ គឺ​ជា​អ្នក​សរសេរ​អត្ថបទ​ផ្នែក​បច្ចេកវិទ្យា និង​គន្លឹះ​ថ្មីៗ​ក្នុង​ការ​ប្រើប្រាស់​ប្រចាំ​ថ្ងៃ​នៅ​ក្នុង​បច្ចេកវិទ្យា។ ស័ក្ដិ ចូលរួម​ចែក​រំលែក​ដំណឹង​ល្អៗ​អំពី​បច្ចេកវិទ្យា​ចាប់​តាំង​ពី​វេបសាយ​មួយ​នេះ​ត្រូវ​បាន​បង្កើត​ឡើង។ គាត់​ចង់​ឱ្យ​ប្រជាជន​ខ្មែរ​កាន់​តែ​ច្រើន​យល់​ដឹង​អំពី​បច្ចេកវិទ្យា​ឱ្យ​ទូលំទូលាយ ពីព្រោះ​បច្ចេកវិទ្យា​អាច​ជួយ​ឱ្យ​ជីវភាព​រស់នៅ​របស់​យើង​កាន់​តែ​ទំនើប​ស្រប​ទៅ​នឹង​ការ​វិវឌ្ឍ​នៃ​សម័យ​កាល។