៧០​ម៉ឺន​វេបសាយ​ប្រឈម​នឹង​ការ​ហេគ​តាម​ចំណុច​ខ្សោយ WordPress Plugin

2007
File Manager Plugin for WordPress

អ្នក​ស្រាវជ្រាវ​សន្តិសុខ​បច្ចេកវិទ្យា​គមនាគមន៍ និង​ព័ត៌មាន រក​ឃើញ​ចំណុច​ខ្សោយ ឬ​ងាយ​រងគ្រោះ​ធ្ងន់ធ្ងរ​នៅ​ក្នុង​កម្មវិធី​បន្ថែម (Plugin) មួយ​នៅ​លើ WordPress ឈ្មោះ File Manager ដែល​មាន​អ្នក​ដំឡើង​ជាង ៧០​ម៉ឺន​វេបសាយ (៧០០.០០០​វេបសាយ)។

ចូលរួម Telegram របស់ Techkhmer.net ដើម្បី​ទទួល​បាន​គន្លឹះ និង​ដំណឹង​ថ្មីៗ!

Loading...

ក្រុម​ស្រាវជ្រាវ​សន្តិសុខ​បច្ចេកវិទ្យា​មក​ពី​ក្រុមហ៊ុន Wordfence ជូន​ដំណឹង​នៅ​ថ្ងៃ​ទី​១ កញ្ញា ពី​ការ​រក​ឃើញ​ភាព​ងាយ​រងគ្រោះ​ធ្ងន់ធ្ងរ​មាន​នៅ​ក្នុង Plugin សម្រាប់ WordPress ឈ្មោះ File Manager ដែល​ចំណុច​ខ្សោយ​នេះ​អនុញ្ញាត​ឱ្យ​ក្រុម​ហេគឃឺ (hackers) ឬ​ជន​ខិលខូច​អាច​ប្រតិបត្តិ​កូដ (execute command) និង​បញ្ជូន​ឯកសារ​មាន​បង្កប់​មេរោគ (upload malicious files) ទៅ​កាន់​វេបសាយ​គោលដៅ​របស់​ពួក​គេ​បាន​ដោយ​ជោគជ័យ។

File Manager Plugin គឺជា​កម្មវិធី​បន្ថែម​មួយ​ត្រូវ​បាន​បង្កើត​ឡើង​ដើម្បី​ជួយ​ដល់​អ្នក​អភិបាល​វេបសាយ (administrator) ដែល​ប្រើ WordPress CMS ងាយស្រួល​ក្នុង​ការ​គ្រប់គ្រង​ឯកសារ (files) ទាំងឡាយ​នៅ​លើ​វេបសាយ​របស់​ពួក​គេ ជាមួយ​នឹង​ផ្ទាំង​សាមញ្ញ (simple interface)។

ក្រុម​អ្នក​ជំនាញ​ណែនាំ​អ្នក​គ្រប់គ្រង​វេបសាយ​ដែល​ដំឡើង​កម្មវិធី File Manger នៅ​លើ WordPress ឱ្យ​ប្រញាប់​ធ្វើ​បច្ចុប្បន្នភាព plugin ទៅ​កាន់​កំណែ​ចុងក្រោយ​បង្អស់ គឺ​ជំនាន់ File Manager 6.9 ដើម្បី​ជួសជុល​នូវ​ចំណុច​ខ្សោយ និង​ការពារ​វេបសាយ​របស់​អ្នក​ពី​ការ​វាយប្រហារ​ដោយ​ក្រុម​ហេគឃឺ។

ក្រុម​ការងារ Tech Khmer សូម​លើក​ទឹកចិត្ត​អ្នក​គ្រប់គ្រង​វេបសាយ​លុប​ចោល​កម្មវិធី​បន្ថែម​ណា​ដែល​អ្នក​មិន​ប្រើប្រាស់​ញឹកញាប់ ឬ​មិន​ប្រើប្រាស់​ចេញ​ពី​វេបសាយ ដើម្បី​ជៀស​ផុត​ពី​ការ​វាយប្រហារ​ផ្សេងៗ៕

Comments

លោក ឫទ្ធិ ស័ក្ដិ គឺ​ជា​អ្នក​សរសេរ​អត្ថបទ​ផ្នែក​បច្ចេកវិទ្យា និង​គន្លឹះ​ថ្មីៗ​ក្នុង​ការ​ប្រើប្រាស់​ប្រចាំ​ថ្ងៃ​នៅ​ក្នុង​បច្ចេកវិទ្យា។ ស័ក្ដិ ចូលរួម​ចែក​រំលែក​ដំណឹង​ល្អៗ​អំពី​បច្ចេកវិទ្យា​ចាប់​តាំង​ពី​វេបសាយ​មួយ​នេះ​ត្រូវ​បាន​បង្កើត​ឡើង។ គាត់​ចង់​ឱ្យ​ប្រជាជន​ខ្មែរ​កាន់​តែ​ច្រើន​យល់​ដឹង​អំពី​បច្ចេកវិទ្យា​ឱ្យ​ទូលំទូលាយ ពីព្រោះ​បច្ចេកវិទ្យា​អាច​ជួយ​ឱ្យ​ជីវភាព​រស់នៅ​របស់​យើង​កាន់​តែ​ទំនើប​ស្រប​ទៅ​នឹង​ការ​វិវឌ្ឍ​នៃ​សម័យ​កាល។