ចំណុច​ខ្សោយ​ធ្ងន់ធ្ងរ​របស់ Windows ខែ​មេសា អាច​ឱ្យ​ហេគឃឺ​គ្រប់គ្រង​ម៉ាស៊ីន​ពី​ចម្ងាយ

1927
ចំណុច​ខ្សោយ​ធ្ងន់ធ្ងរ​របស់ Windows ខែ​មេសា ឆ្នាំ​២០២០។
ចំណុច​ខ្សោយ​ធ្ងន់ធ្ងរ​របស់ Windows ខែ​មេសា ឆ្នាំ​២០២០។

ក្រុមហ៊ុន Microsoft ចេញ​ផ្សាយ​នូវ​ចំណុច​ខ្សោយ​ចំនួន ១១៥ ដែល​ក្នុង​នោះ​មាន​ចំណុច​ខ្សោយ​ចំនួន ១៩ ត្រូវ​បាន​ចាត់​ទុក​ថា​មាន​លក្ខណៈ​ធ្ងន់ធ្ងរ​បំផុត​ដែល​ប៉ះពាល់​ដល់​ផលិតផល​របស់​ខ្លួន។

ចូលរួម Telegram របស់ Techkhmer.net ដើម្បី​ទទួល​បាន​គន្លឹះ និង​ដំណឹង​ថ្មីៗ!

Loading...

ចំណុច​ខ្សោយ​ធ្ងន់ធ្ងរ​បំផុត​ទាំង ១៩​ចំណុច​ក្នុង​ចំណោម​ចំណុច​ខ្សោយ​ដែល​ក្រុមហ៊ុន Microsoft ផ្សាយ​នៅ​ថ្ងៃ​ទី​១៤ ខែ​មេសា ឆ្នាំ​២០២០ គឺ​អាច​អនុញ្ញាត​ឱ្យ​មាន​ការ​វាយប្រហារ​ពី​ចម្ងាយ​ដោយ​ហេគឃឺ (remote code)។ ក្រុម​ហេគឃឺ (hackers) នឹង​អាច​គ្រប់គ្រង​ម៉ាស៊ីន​របស់​អ្នក​ទាំងស្រុង ដោយ​ពួក​គេ​អាច​ដំឡើង​កម្មវិធី​ផ្សេងៗ បង្កើត​គណនី Admin បើក​មើល កែប្រែ និង​លុប​ទិន្នន័យ​នៅ​ក្នុង​ម៉ាស៊ីន​រងគ្រោះ តាម​រយៈ​ការ​វាយប្រហារ​លើ​ចំណុច​ខ្សោយ​ទាំងនេះ។

ក្រុម​ការងារ Tech Khmer សូម​ណែនាំ​ដល់​ប្រិយមិត្ត​ប្រញាប់​ធ្វើ​បច្ចុប្បន្នភាព​ប្រព័ន្ធ​ប្រតិបត្តិការ​វីនដូ​របស់​អ្នក​ជា​បន្ទាន់ (Update Windows) ដើម្បី​ការពារ​ម៉ាស៊ីន​របស់​អ្នក​ពី​ការ​វាយ​ប្រហារ។ ដើម្បី​ធ្វើ​បច្ចុប្បន្នភាព​វីនដូ សូម​អនុវត្ត​ដូច​ខាង​ក្រោម៖

  • ចូល​ទៅ​កាន់ Windows Settings
  • ចុច​លើ Update & Security
  • ចុច​ប៊ូតុង Check for Updates ដើម្បី​ធ្វើ​បច្ចុប្បន្នភាព​ប្រព័ន្ធ​ប្រតិបត្តិការ​របស់​អ្នក និង​រង់ចាំ​វា​ដំណើរការ​ចប់ រួច Restart ម៉ាស៊ីន​ជា​ការ​ស្រេច

ផលិតផល​របស់​ក្រុមហ៊ុន Microsoft ដែល​រង​ផល​ប៉ះពាល់​ពី​ចំណុច​ខ្សោយ​ទាំងនេះ​រួម​មាន៖

  • Microsoft Windows
  • Microsoft Edge (EdgeHTML-based)
  • Microsoft Edge (Chromium-based)
  • ChakraCore
  • Internet Explorer
  • Microsoft Office and Microsoft Office Services and Web Apps
  • Windows Defender
  • Visual Studio
  • Microsoft Dynamics
  • Microsoft Apps for Android
  • Microsoft Apps for Mac

ទោះជាយ៉ាងណា ក្រុមហ៊ុន​បញ្ជាក់​ប្រាប់​អតិថិជន​របស់​ខ្លួន​ដែល​កំពុង​ប្រើប្រាស់ Windows 7, Windows Server 2008 R2 ឬ Windows Server 2008 ឱ្យ​ទិញ​នូវ​កញ្ចប់​សម្រាប់​អាប់ដេត​សន្តិសុខ (Extended Security Update) ដើម្បី​អាច​បន្ត​ទទួល​បាន​នូវ​ការ​បន្ទាន់​សម័យ​សន្តិសុខ​លើ​ប្រព័ន្ធ (security update)។

សម្រាប់​ព័ត៌មាន​លម្អិត​ទាក់ទង​នឹង​បញ្ហា​នេះ សូម​ចុច តំណ​ភ្ជាប់​នេះ ដើម្បី​អាន​បន្ថែម៕

Comments

ជុំ រ៉ាស៊ី
លោក ជុំ រ៉ាស៊ី គឺ​ជា​អ្នក​សរសេរ​អត្ថបទ​ផ្នែក​បច្ចេកវិទ្យា។ គាត់​ចូលចិត្ត​បច្ចេកវិទ្យា ដូច្នេះ​គាត់​សិក្សា​ពី​វា និង​ចែក​រំលែក​គ្រប់​យ៉ាង​ពី​វា​ទៅ​កាន់​មនុស្ស​ទូទៅ។ គាត់​សង្ឃឹម​ថា​ការ​ចែក​រំលែក​នេះ​នឹង​ក្លាយ​ជា​ដើមទុន​ចំណេះដឹង​សម្រាប់​សិស្ស​ដែល​ចង់​ចាប់​យក​ជំនាញ​បច្ចេកវិទ្យា និង​ជា​ជំនួយ​ក្នុង​ការ​សិក្សា​ស្រាវជ្រាវ​បន្ថែម​របស់​និស្សិត​ផ្នែក​បច្ចេកវិទ្យា ព្រម​ទាំង​ជា​ចំណេះដឹង​ទូទៅ​ដល់​មនុស្ស​សាមញ្ញ​ផង​ដែរ។ ម្នាក់​បន្តិច នោះ​នឹង​បាន​ច្រើន!