Microsoft មាន​ចំណុច​ខ្សោយ​ធ្ងន់ធ្ងរ​បំផុត ៤ នៅ​ក្នុង​ផលិតផល​ក្នុង​ខែ​ឧសភា ២០២១

1905
Update Windows May
Update Windows May

ចំណុច​ខ្សោយ​ធ្ងន់ធ្ងរ​បំផុត​ចំនួន ៤ ក្នុង​ចំណោម​ចំណុច​ខ្សោយ​ទាំងអស់​ចំនួន ៥៥ ត្រូវ​បាន​ក្រុមហ៊ុន Microsoft ចេញ​ផ្សាយ​នៅ​ពេល​ថ្មីៗ​នេះ​ដែល​វា​មាន​ផល​ប៉ះពាល់​ដល់​ផលិតផល​របស់​ខ្លួន​មួយចំនួន​ក្នុង​ខែ​ឧសភា ឆ្នាំ​២០២១។

ចូលរួម Telegram របស់ Techkhmer.net ដើម្បី​ទទួល​បាន​គន្លឹះ និង​ដំណឹង​ថ្មីៗ!

Loading...

ក្រុមហ៊ុន Microsoft ណែនាំ​ឱ្យ​អតិថិជន​របស់​ខ្លួន​ធ្វើ​បច្ចុប្បន្នភាព​កម្មវិធី​ទាំងអស់​នោះ​ជាបន្ទាន់ ដើម្បី​ជៀសវាង​ក្រុម​ហេគឃឺ (Hackers) ឆ្លៀត​ឱកាស​ប្រើប្រាស់​ចំណុច​ខ្សោយ​ធ្ងន់ធ្ងរ​ទាំងនោះ​ដើម្បី​វាយប្រហារ​ទៅ​លើ​ម៉ាស៊ីន​កុំព្យូទ័រ​ជា​គោលដៅ។

ប្រសិនបើ​ការ​វាយប្រហារ​បាន​ជោគជ័យ ក្រុម​ហេគឃឺ​នឹង​អាច​ដំណើរការ​កូដ​ពី​ចម្ងាយ​បាន (remote code) ហើយ​ថែមទាំង​អាច​គ្រប់គ្រង​ម៉ាស៊ីន​កុំព្យូទ័រ​រងគ្រោះ​បាន​ទាំងស្រុង បន្ទាប់មក​ពួកគេ​អាច​ធ្វើ​សកម្មភាព​មួយចំនួន​ដោយ​មិន​ចាំបាច់​មាន​ការ​អនុញ្ញាត​ពី​ម្ចាស់​កុំព្យូទ័រ ដូចជា​ដំឡើង​កម្មវិធី​ឬ​បញ្ចូល​មេរោគ បង្កើត​គណនី​ថ្មីៗ​ដែល​មាន​សិទ្ធិ​ជា Admin និង​បើក​ទិន្នន័យ ផ្លាស់ប្ដូរ​ទិន្នន័យ ឬ​ក៏​លុប​ទិន្នន័យ​ជាដើម។

ផលិតផល​របស់​ក្រុមហ៊ុន Microsoft ដែល​រង​ផល​ប៉ះពាល់​រួមមាន៖

  • .NET Core & Visual Studio
  • HTTP.sys
  • Internet Explorer
  • Microsoft Accessibility Insights for Web
  • Microsoft Bluetooth Driver
  • Microsoft Dynamics Finance & Operations
  • Microsoft Edge (Chromium-based)
  • Microsoft Exchange Server
  • Microsoft Graphics Component
  • Microsoft Office
  • Microsoft Office Access
  • Microsoft Office Excel
  • Microsoft Office SharePoint
  • Microsoft Office Word
  • Microsoft Windows Codecs Library
  • Microsoft Windows IrDA
  • Open Source Software
  • Role: Hyper-V
  • Skype for Business and Microsoft Lync
  • Visual Studio
  • Visual Studio Code
  • Windows Container Isolation FS Filter Driver
  • Windows Container Manager Service
  • Windows Cryptographic Services
  • Windows CSC Service
  • Windows Desktop Bridge
  • Windows OLE
  • Windows Projected File System FS Filter
  • Windows RDP Client
  • Windows SMB
  • Windows SSDP Service
  • Windows WalletService
  • Windows Wireless Networking

ក្រុម​ការងារ Tech Khmer ក៏​សូម​ណែនាំ​ដល់​ប្រិយមិត្ត​ធ្វើ​បច្ចុប្បន្នភាព (update/អាប់ដេត) ប្រព័ន្ធ​ប្រតិបត្តិការ​វីនដូ​របស់​អ្នក (Update Windows) និង​កម្មវិធី​ដែល​មាន​បង្ហាញ​នៅ​ខាងលើ ដើម្បី​ការពារ​ម៉ាស៊ីន​កុំព្យូទ័រ​របស់​អ្នក​ពី​ការ​វាយប្រហារ​នានា។

ដើម្បី​អាប់ដេត​វីនដូ សូម​អនុវត្ត​ដូច​ខាងក្រោម៖

  • ចូល​ទៅកាន់ Windows Settings
  • ចុច​លើ Update & Security
  • ចុច​ប៊ូតុង Check for Updates ដើម្បី​ធ្វើ​បច្ចុប្បន្នភាព​ប្រព័ន្ធ​ប្រតិបត្តិការ​របស់​អ្នក និង​រង់ចាំ​វា​ដំណើរការ​ចប់ រួច Restart ម៉ាស៊ីន​កុំព្យូទ័រ​ជាការស្រេច។

សម្រាប់​អ្នក​កំពុង​ប្រើប្រាស់ Windows 7, Windows Server 2008 R2 ឬ Windows Server 2008 អ្នក​ចាំបាច់​ត្រូវ​ទិញ​នូវ​កញ្ចប់​អាប់ដេត​សន្តិសុខ​បន្ថែម (Extended Security Update) ដើម្បី​អាច​ទទួល​បាន​ការ​ធ្វើ​បច្ចុប្បន្នភាព​ប្រព័ន្ធ​ប្រតិបត្តិការ​បន្ត​ទៀត។

អ្នក​អាច​អាន​ព័ត៌មាន​លម្អិត​ទាក់ទង​នឹង​ចំណុច​ខ្សោយ​ប្រចាំ​ខែ​ឧសភា ឆ្នាំ​២០២១ ក្នុង​ផលិតផល​របស់​ក្រុមហ៊ុន Microsoft តាម​រយៈ​តំណ​ភ្ជាប់ (May 2021 Security Updates)៕

Comments

 ឫទ្ធិស័ក្តិ
លោក ឫទ្ធិ ស័ក្ដិ គឺ​ជា​អ្នក​សរសេរ​អត្ថបទ​ផ្នែក​បច្ចេកវិទ្យា និង​គន្លឹះ​ថ្មីៗ​ក្នុង​ការ​ប្រើប្រាស់​ប្រចាំ​ថ្ងៃ​នៅ​ក្នុង​បច្ចេកវិទ្យា។ ស័ក្ដិ ចូលរួម​ចែក​រំលែក​ដំណឹង​ល្អៗ​អំពី​បច្ចេកវិទ្យា​ចាប់​តាំង​ពី​វេបសាយ​មួយ​នេះ​ត្រូវ​បាន​បង្កើត​ឡើង។ គាត់​ចង់​ឱ្យ​ប្រជាជន​ខ្មែរ​កាន់​តែ​ច្រើន​យល់​ដឹង​អំពី​បច្ចេកវិទ្យា​ឱ្យ​ទូលំទូលាយ ពីព្រោះ​បច្ចេកវិទ្យា​អាច​ជួយ​ឱ្យ​ជីវភាព​រស់នៅ​របស់​យើង​កាន់​តែ​ទំនើប​ស្រប​ទៅ​នឹង​ការ​វិវឌ្ឍ​នៃ​សម័យ​កាល។