សិក្ខាសាលា​ប្រមូល​ទិន្នន័យ​និង​ប្រើប្រាស់ GIS រយៈពេល​បី​ថ្ងៃ

អង្គការ​ទិន្នន័យ​អំពី​ការ​អភិវឌ្ឍ (Open Development Cambodia, ODC) នឹង​រៀបចំ​សិក្ខាសាលា​វគ្គ​២ ស្ដី​អំពី​ការ​ប្រមូល​ទិន្នន័យ និង​ការ​ប្រើប្រាស់ GIS រយៈពេល​បី​ថ្ងៃ ចាប់​ពី​ថ្ងៃ​ទី​៧ ដល់​ថ្ងៃ​ទី​៩ ខែ​ឧសភា ឆ្នាំ​២០១៨។

4321
សិក្ខាសាលា​ស្ដី​អំពី​ការ​ប្រមូល​ទិន្នន័យ និង​ការ​ប្រើប្រាស់ GIS។
សិក្ខាសាលា​ស្ដី​អំពី​ការ​ប្រមូល​ទិន្នន័យ និង​ការ​ប្រើប្រាស់ GIS។

អង្គការ​ទិន្នន័យ​អំពី​ការ​អភិវឌ្ឍ (Open Development Cambodia, ODC) នឹង​រៀបចំ​សិក្ខាសាលា​វគ្គ​២ ស្ដី​អំពី​ការ​ប្រមូល​ទិន្នន័យ និង​ការ​ប្រើប្រាស់ GIS រយៈពេល​បី​ថ្ងៃ ចាប់​ពី​ថ្ងៃ​ទី​៧ ដល់​ថ្ងៃ​ទី​៩ ខែ​ឧសភា ឆ្នាំ​២០១៨។

ចូលរួម Telegram របស់ Techkhmer.net ដើម្បី​ទទួល​បាន​គន្លឹះ និង​ដំណឹង​ថ្មីៗ!

Loading...

ការ​រៀបចំ​សិក្ខាសាលា​វគ្គ​២ នេះ​ឡើង បន្ទាប់​ពី​អង្គការ​ទិន្នន័យ​អំពី​ការ​អភិវឌ្ឍ បាន​បញ្ចប់​សិក្ខាសាលា​វគ្គ​ទី​១ កាល​ពី​ថ្ងៃ​ទី​១២ ដល់​ថ្ងៃ​ទី​១៤ ខែ​មីនា ឆ្នាំ​២០១៨ ស្ដី​អំពី​មូលដ្ឋាន​គ្រឹះ​នៃ QGIS ដែល​ជា​កម្មវិធី GIS បើក​ទូលាយ (Open Source Software) និង​អនុញ្ញាត​ឲ្យ​លោក​អ្នក​អាច​មើល កែសម្រួល និង​វិភាគ​ទិន្នន័យ geospatial

គោល​បំណង​នៃ​សិក្ខាសាលា​វគ្គ​២ ស្ដីពី​ការ​ប្រមូល​ទិន្នន័យ និង​ការ​ប្រើប្រាស់ GIS

សិក្ខាសាលា​វគ្គ​២ ស្ដីពី​ការ​ប្រមូល​ទិន្នន័យ និង​ការ​ប្រើប្រាស់ GIS មាន​គោល​បំណង​ផ្ដល់​ចំណេះដឹង​ទូលំទូលាយ​លើ​ការ​ប្រមូល ការ​វិភាគ និង​ការ​ប្រើប្រាស់​ទិន្នន័យ GIS ជាមួយ​កម្មវិធី​នៅ​លើ​ទូរស័ព្ទ​ដៃ និង​ការ​ប្រើប្រាស់ GIS ក្នុង​ការ​គ្រប់គ្រង​ធនធាន​ធម្មជាតិ និង​ការ​គ្រប់គ្រង​គ្រោះ​មហន្តរាយ​នៅ​តំបន់​បឹង​ទន្លេសាប ដោយ​ប្រើប្រាស់​កម្មវិធី​បើក​ទូលាយ និង​ឥត​គិត​ថ្លៃ (Open Source Software)

តើ​អ្នក​ណា​ខ្លះ​អាច​ចូលរួម​សិក្ខាសាលា​នេះ និង​ត្រូវ​ចំណាយ​ថវិកា​ដែរ​ឬ​អត់?

សិក្ខាសាលា​នេះ ត្រូវ​បាន​រៀបចំ​ឡើង​សម្រាប់​អ្នក​ធ្វើ​ការ​ពាក់ព័ន្ធ​នឹង​វិស័យ​ធនធាន​ធម្មជាតិ​ក្នុង​ស្រុក និង​អន្តរជាតិ អង្គការ​មិន​មែន​រដ្ឋាភិបាល ស្ថាប័ន​រដ្ឋ និង​អ្នក​ជំនាញ​វិទ្យាសាស្ត្រ​ផ្សេងៗ​ទៀត។

អ្នក​ចូលរួម​សិក្ខាសាលា​នេះ នឹង​ត្រូវ​បង់​វិភាគទាន​ចំនួន ១៥​ដុល្លារ​ក្នុង​ម្នាក់ៗ និង​តម្រូវ​ឲ្យ​ចុះ​ឈ្មោះ​ជា​មុន​តាម​រយៈ​តំណ​ភ្ជាប់​នៅ​ខាង​ក្រោម។ លោក​អ្នក​ត្រូវ​ចុះ​ឈ្មោះ​ឲ្យ​បាន​មុន​ថ្ងៃ​ទី​២ ខែ​ឧសភា ឆ្នាំ​២០១៨។ អង្គការ​នឹង​ប្រកាស​ឈ្មោះ​បេក្ខជន​ដែល​ជាប់​ដើម្បី​ចូលរួម​សិក្ខាសាលា​នៅ​ថ្ងៃ​ទី​៣ ខែ​ឧសភា ឆ្នាំ​២០១៨។

អត្ថប្រយោជន៍​ដែល​អ្នក​ទទួល​បាន​អំឡុង​ពេល​សិក្ខាសាលា​រួម​មាន សម្ភារៈ​សិក្សា កម្មវិធី អ៊ីនធឺណិត សៀវភៅ​កំណត់ត្រា វិញ្ញាបនបត្រ អាហារ​សម្រន់ និង​អាហារ​ថ្ងៃ​ត្រង់។

សកម្មភាព​នៅ​ក្នុង​សិក្ខាសាលា​ស្ដីពី​មូលដ្ឋាន​គ្រឹះ​នៃ Q GIS។
សកម្មភាព​នៅ​ក្នុង​សិក្ខាសាលា​ស្ដីពី​មូលដ្ឋាន​គ្រឹះ​នៃ QGIS។

តើ​អង្គការ​ទិន្នន័យ​អំពី​ការ​អភិវឌ្ឍ (ODC) ជា​នរណា?

អង្គការ​ទិន្នន័យ​អំពី​ការ​អភិវឌ្ឍ (ODC) គឺ​ជា​វែបសាយ​បែប «ទិន្នន័យ​បើក​ទូលាយ»។ វែបសាយ​ប្រភេទ​នេះ ជា​វែបសាយ​ដំបូង​គេ​បង្អស់​នៅ​តំបន់​អាស៊ីអាគ្នេយ៍។ ចលនា «ទិន្នន័យ​បើក​ទូលាយ» គឺ​ផ្អែក​លើ​ការ​សន្មត​ដ៏​សាមញ្ញ​មួយ​ថា ទិន្នន័យ ឬ​ព័ត៌មាន​ទាំងឡាយ​ណា​ដែល​ត្រូវ​បាន​ប្រមូល​ផ្ដុំ​សម្រាប់​ផល​ប្រយោជន៍​សាធារណៈ គួរ​តែ​ដាក់​ឲ្យ​ប្រើប្រាស់​បាន​ជា​សាធារណៈ ពោល​គឺ​ដោយ​គ្មាន​ការ​ដាក់​កំហិត​ឡើយ។ ព័ត៌មាន ឬ​ទិន្នន័យ​ទាក់ទង​នឹង​វិស័យ​សាធារណៈ គួរ​ផ្ដល់​ឲ្យ​ដោយ​សេរី​ដល់​គ្រប់ៗ​គ្នា ដើម្បី​ប្រើ និង​ធ្វើ​ការ​ផ្សព្វផ្សាយ​ជា​សាធារណៈ​តាម​បំណង​ប្រាថ្នា​របស់​អ្នក​ប្រើប្រាស់។ អង្គការ​ទិន្នន័យ​អំពី​ការ​អភិវឌ្ឍ មិន​ធ្វើ​ការ​លើក​ស្ទួយ ឬ​ផ្សព្វផ្សាយ​ទស្សនៈ របៀបវារៈ ឬ​ការ​លម្អៀង​ណា​មួយ​ក្រៅ​ពី​ការ​ផ្ដល់​ព័ត៌មាន​ជា​សត្យានុម័ត​អំពី​ប្រទេស​កម្ពុជា និង​ការ​អភិវឌ្ឍ​របស់​ប្រទេស​នោះ​ឡើយ។

អំពី​អ្នក​បង្រៀន

  • លោក វ៉ាមឿន និមល អ្នក​ប្រឹក្សា​អង្គការ​ទិន្នន័យ​អំពី​ការ​អភិវឌ្ឍ មាន​ជំនាញ​ក្នុង​វិស័យ GIS រយៈពេល​ជាង ១០​ឆ្នាំ និង​បង្រៀន​នៅ​វិទ្យាស្ថាន​បច្ចេកវិទ្យា​កម្ពុជា ចាប់​តាំង​ពី​ឆ្នាំ​២០០៥។
  • ក្រុម​ការងារ GIS របស់​អង្គការ​ទិន្នន័យ​អំពី​ការ​អភិវឌ្ឍ មាន​ជំនាញ​ផ្នែក GIS និង​មាន​បទពិសោធន៍​ផ្ទាល់​ជាមួយ​ការ​គ្រប់គ្រង និង​វិភាគ​ទិន្នន័យ​ផែនទី​ដោយ​ការ​ប្រើប្រាស់​កម្មវិធី​បើក​ទូលាយ។

តំណ​ភ្ជាប់​ចុះ​ឈ្មោះhttps://bit.ly/2q7z84o

ព័ត៌មាន​បន្ថែម៖

សូម​ជួយ​ចែក​រំលែក​ដំណឹង​នេះ​ទៅ​កាន់​មិត្តភ័ក្ដិ និង​ក្រុម​គ្រួសារ បើ​សិន​ជា​អ្នក​គិត​ថា​វា​មាន​ប្រយោជន៍​ចំពោះ​ពួក​គេ​ដែរ។

សិក្ខាកាម​ថត​រូប​ជុំ​គ្នា​បន្ទាប់​ពី​ទទួល​បាន​វិញ្ញាបនបត្រ​បញ្ចប់​ការ​សិក្សា។
សិក្ខាកាម​ថត​រូប​ជុំ​គ្នា​បន្ទាប់​ពី​ទទួល​បាន​វិញ្ញាបនបត្រ​បញ្ចប់​ការ​សិក្សា។

កំណត់​ចំណាំ៖ ហាម​យក​អត្ថបទ​ពី​គេហទំព័រ www.www.techkhmer.net ទៅ​ចុះ​ផ្សាយ​ដោយ​គ្មាន​ការ​អនុញ្ញាត៕

Comments

 ឫទ្ធិស័ក្តិ
លោក ឫទ្ធិ ស័ក្ដិ គឺ​ជា​អ្នក​សរសេរ​អត្ថបទ​ផ្នែក​បច្ចេកវិទ្យា និង​គន្លឹះ​ថ្មីៗ​ក្នុង​ការ​ប្រើប្រាស់​ប្រចាំ​ថ្ងៃ​នៅ​ក្នុង​បច្ចេកវិទ្យា។ ស័ក្ដិ ចូលរួម​ចែក​រំលែក​ដំណឹង​ល្អៗ​អំពី​បច្ចេកវិទ្យា​ចាប់​តាំង​ពី​វេបសាយ​មួយ​នេះ​ត្រូវ​បាន​បង្កើត​ឡើង។ គាត់​ចង់​ឱ្យ​ប្រជាជន​ខ្មែរ​កាន់​តែ​ច្រើន​យល់​ដឹង​អំពី​បច្ចេកវិទ្យា​ឱ្យ​ទូលំទូលាយ ពីព្រោះ​បច្ចេកវិទ្យា​អាច​ជួយ​ឱ្យ​ជីវភាព​រស់នៅ​របស់​យើង​កាន់​តែ​ទំនើប​ស្រប​ទៅ​នឹង​ការ​វិវឌ្ឍ​នៃ​សម័យ​កាល។