Google លុប ២៥ Apps ចេញ​ពី Play Store ដែល​លួច​អត្តសញ្ញាណ​អ្នក​ប្រើ​ហ្វេសប៊ុក

2748
Play Store

ក្រុមហ៊ុន Google លុប​កម្មវិធី​ទូរស័ព្ទ​ចំនួន ២៥ (Apps) ចេញពី Play Store របស់​ក្រុមហ៊ុន ដោយសារ​កម្មវិធី​ទាំងនេះ​បាន​លួច​យក​ព័ត៌មាន​អត្តសញ្ញាណ​របស់​អ្នក​ប្រើប្រាស់​ហ្វេសប៊ុក (Facebook)។

ចូលរួម Telegram របស់ Techkhmer.net ដើម្បី​ទទួល​បាន​គន្លឹះ និង​ដំណឹង​ថ្មីៗ!

Loading...

កម្មវិធី​ទូរស័ព្ទ​ទាំង ២៥ នេះ​ត្រូវ​បាន​គេ​ទាញ​យក (download) ប្រមាណ ២,៣៤​លាន​ដង​មុន​នឹង​ត្រូវ​ក្រុមហ៊ុន​លុប​ចេញពី​ហាង ហើយ​កម្មវិធី​ទាំងនេះ​គឺ​បង្កើត​ឡើង​ដោយ​ក្រុម​តែមួយ។ ទោះបីជា​ពួក​វា​មាន​មុខងារ​ផ្សេងៗ​គ្នា​ក៏ដោយ ប៉ុន្តែ​កម្មវិធី​ទាំងអស់​នេះ​ដំណើរការ​មាន​លក្ខណៈ​ដូច​គ្នា។ នេះ​បើ​តាម​ការ​ចុះផ្សាយ​របស់ ZDNet កាលពី​ចុងខែ​មិថុនា ឆ្នាំ​២០២០។

យោង​តាម​របាយការណ៍​របស់​ក្រុមហ៊ុន​សន្តិសុខ​អ៊ីនធឺណិត​បារាំង​ឈ្មោះ Evina ចែករំលែក​ជាមួយ ZDNet ឱ្យ​ដឹង​ថា កម្មវិធី​ទាំងនោះ​មាន​ដូចជា​កម្មវិធី​រាប់​ជំហាន កម្មវិធី​កែប្រែ​រូបភាព កម្មវិធី​កែ​វីដេអូ កម្មវិធី​ផ្ទាំង​រូបភាព (Wallpaper) កម្មវិធី​ពិល (flashlight) កម្មវិធី​គ្រប់គ្រង​ឯកសារ (file managers) និង​កម្មវិធី​ហ្គេម។

អ្នក​ស្រាវជ្រាវ​សន្តិសុខ​អ៊ីនធឺណិត​របស់​ក្រុមហ៊ុន Evina និយាយ​ថា កម្មវិធី​ទូរស័ព្ទ​ទាំង ២៥ នេះ​ផ្ដល់​មុខងារ​ត្រឹមត្រូវ ប៉ុន្តែ​មាន​ផ្ទុក​នូវ​កូដ​ព្យាបាទ​ដែល​ត្រូវ​បាន​រក​ឃើញ​នៅពេល​ដែល​កម្មវិធី​ទូរស័ព្ទ​ស្ថិត​នៅ​ក្នុង recently opened (បើក​នា​ពេល​ថ្មីៗ) និង​មាន​នៅ​ក្នុង​ផ្ទៃ​ខាងមុខ​ទូរស័ព្ទ (foreground)។

អ្នក​ជំនាញ​ក្រុមហ៊ុន Evina បញ្ជាក់​ថា ប្រសិនបើ​កម្មវិធី​ដែល​បើក​នោះ​ជា​កម្មវិធី​ហ្វេសប៊ុក (facebook app) នោះ​កម្មវិធី​ព្យាបាទ​នឹង​ដំណើរការ​ពី​លើ​នៃ​កម្មវិធី​ផ្លូវការ​របស់​ហ្វេសប៊ុក ហើយ​បង្ហាញ​ផ្ទាំង login ក្លែងក្លាយ។ ក្នុង​ករណី​នេះ ប្រសិនបើ​អ្នកប្រើប្រាស់​បញ្ចូល​ព័ត៌មាន​អត្តសញ្ញាណ (username, password) នៅ​លើ​ផ្ទាំង​ក្លែងក្លាយ​នេះ នោះ​កម្មវិធី​ព្យាបាទ​នឹង​អាច​ចាប់​យក​ព័ត៌មាន​នោះ រួច​ហើយ​បញ្ជូន​ទៅកាន់​ម៉ាស៊ីន​មេ (remote server) ដែល​មាន​អាសយដ្ឋាន airshop.pw។ (មើល​រូប​ខាងក្រោម៖ របារ​ពណ៌​ខៀវ=កម្មវិធី​ហ្វេសប៊ុក​ផ្លូវការ ចំណែក​របារ​ពណ៌​ខ្មៅ=កម្មវិធី​ក្លែងក្លាយ)

Photo: Evina

បន្ទាប់​ពី​រក​ឃើញ​កូដ​ព្យាបាទ​នៅ​លើ​កម្មវិធី​ទាំងនេះ ក្រុមហ៊ុន Evina ក៏​រាយការណ៍​ទៅកាន់​ក្រុមហ៊ុន Google កាលពី​ចុង​ខែ​ឧសភា ហើយ​ក្រុមហ៊ុន Google ក៏​លុប​កម្មវិធី​ទាំងនេះ​នៅ​ដើម​ខែ​មិថុនា បន្ទាប់ពី​បញ្ជាក់​ពី​ការ​រក​ឃើញ​កូដ​ព្យាបាទ​ជាមួយ​នឹង​ក្រុមហ៊ុន​សន្តិសុខ​អ៊ីនធឺណិត​បារាំង Evina។

បន្ទាប់​មក ក្រុមហ៊ុន Google បាន​បញ្ឈប់ (disabled) ដំណើរការ​កម្មវិធី​ទាំងនោះ​នៅ​លើ​ឧបករណ៍​របស់​អ្នក​ប្រើប្រាស់ Android និង​ជូនដំណឹង​ដល់​អ្នក​ប្រើប្រាស់​តាមរយៈ​សេវា Play Protect រួម​ទាំង​កម្មវិធី​ផ្លូវការ Play Store។

បញ្ជី​ឈ្មោះ​កម្មវិធី​ទាំង ២៥ ដែល​ក្រុមហ៊ុន Google លុប​ចេញពី​ហាង Google Store៖

Application NamePackageNo. of installs
Super Wallpapers Flashlightcom.wallpaper.flashlight.compass500000+
Padenatefcom.sun.newjbq.beijing.ten500000+
Wallpaper Levelcom.liapp.level100000+
Contour level wallpapercom.communication.walllevel100000+
iPlayer & iWallpapercom.ldl.videoedit.iwallpapers100000+
Video Makercom.androidapp.videosedit.v100000+
Color Wallpaperscom.play.ljj.wallpapercomapss100000+
Pedometercom.baidu.news.pedometer100000+
Powerful Flashlightcom.meituanybw.flash100000+
Super Bright Flashlightcom.tqyapp.sb.flashlight100000+
Super Flashlightcom.superapp.xincheng100000+
Solitaire Gamecom.game.tqsolitaire100000+
Accurate scanning of Meadecom.tqyapp.qr50000+
Classic card gamecom.card.solitairenew50000+
Junk file cleaningcom.xdapp.cleaning50000+
Synthetic Zcom.tqygame.synthetic50000+
File Managercom.smt.filemanager50000+
Composite Zcom.game.hcz50000+
Screenshot Capturecom.tianqiyang.lww.screenedit10000+
Daily Horoscope Wallpaperscom.tianqiyang.lww.constellation10000+
Wuxia Readercom.wuxia.reader10000+
Plus Weathercom.plus.android.weather10000+
Anime Live Wallpapercom.tqyapp.chuangtai100
iHealth Step Countercom.tiantian.lang.tencent
com.tgyapp.fictioncom.tgyapp.fiction

ទោះជាយ៉ាងណា ប្រសិនបើ​អ្នក​ធ្លាប់​ដំឡើង​កម្មវិធី​ខាងលើ សូម​លុប​វា​ចេញ​ពី​ទូរស័ព្ទ ឬ​ឧបករណ៍​អេឡិចត្រូនិក​របស់​អ្នក​ជាបន្ទាន់។

Comments

លោក ឫទ្ធិ ស័ក្ដិ គឺ​ជា​អ្នក​សរសេរ​អត្ថបទ​ផ្នែក​បច្ចេកវិទ្យា និង​គន្លឹះ​ថ្មីៗ​ក្នុង​ការ​ប្រើប្រាស់​ប្រចាំ​ថ្ងៃ​នៅ​ក្នុង​បច្ចេកវិទ្យា។ ស័ក្ដិ ចូលរួម​ចែក​រំលែក​ដំណឹង​ល្អៗ​អំពី​បច្ចេកវិទ្យា​ចាប់​តាំង​ពី​វេបសាយ​មួយ​នេះ​ត្រូវ​បាន​បង្កើត​ឡើង។ គាត់​ចង់​ឱ្យ​ប្រជាជន​ខ្មែរ​កាន់​តែ​ច្រើន​យល់​ដឹង​អំពី​បច្ចេកវិទ្យា​ឱ្យ​ទូលំទូលាយ ពីព្រោះ​បច្ចេកវិទ្យា​អាច​ជួយ​ឱ្យ​ជីវភាព​រស់នៅ​របស់​យើង​កាន់​តែ​ទំនើប​ស្រប​ទៅ​នឹង​ការ​វិវឌ្ឍ​នៃ​សម័យ​កាល។