Internet Explorer (IE) មាន​ចំណុច​ខ្សោយ​ធ្ងន់ធ្ងរ Zero Day

1929
កម្មវិធី​រុករក Internet Explorer
កម្មវិធី​រុករក Internet Explorer

ចំណុច​ខ្សោយ​ធ្ងន់ធ្ងរ​ថ្មី​មួយ​នៅ​លើ​កម្មវិធី​រុករក​អ៊ីនធឺណិត​របស់​ក្រុមហ៊ុន Microsoft កំពុង​ក្លាយ​ជា​ក្ដី​បារម្ភ​យ៉ាង​ខ្លាំង​ដល់​អ្នក​ប្រើប្រាស់​ប្រព័ន្ធ​ប្រតិបត្តិការ Windows រាប់​លាន​នាក់​នៅ​លើ​ពិភពលោក ពីព្រោះ​ក្រុមហ៊ុន​មិន​ទាន់​ជួសជុល​បញ្ហា​នេះ​នៅ​ឡើយ។

ចូលរួម Telegram របស់ Techkhmer.net ដើម្បី​ទទួល​បាន​គន្លឹះ និង​ដំណឹង​ថ្មីៗ!

Loading...

Internet Explorer (IE) គ្រប់​ជំនាន់​រួម​មាន Internet Explorer 9, Internet Explorer 10 និង Internet Explorer 11 ដែល​ដំណើរការ​លើ​គ្រប់​ប្រព័ន្ធ​ប្រតិបត្តិការ Windows 10, 8.1 និង Windows 7 គ្រប់​កំណែ​ទាំងអស់ គឺ​រង​ផល​ប៉ះពាល់​ធ្ងន់ធ្ងរ​ពី​ចំណុច​ខ្សោយ​ថ្មី​មួយ​ដែល​គេ​ហៅ​ថា​ចំណុច​ខ្សោយ Zero Day។

ចំណុច​ខ្សោយ Zero Day នេះ​អាច​អនុញ្ញាត​ឱ្យ​ក្រុម​វាយ​ប្រហារ​ដំណើរការ​កូដ​នានា​ពី​ចម្ងាយ​ទៅ​លើ​ម៉ាស៊ីន​ជា​គោលដៅ​របស់​ពួក​គេ ហើយ​ការ​វាយ​ប្រហារ​ដោយ​ជោគជ័យ​តាម​រយៈ​ចំណុច​ខ្សោយ​នេះ នឹង​ផ្ដល់​លទ្ធភាព​ដល់​ក្រុម hackers អាច​គ្រប់គ្រង​លើ​ម៉ាស៊ីន​បាន​ទាំងស្រុង ដោយ​ពួក​គេ​អាច​ដំឡើង​កម្មវិធី បង្កើត admin account លើ​ម៉ាស៊ីន និង​កែប្រែ ឬ​លុប​ទិន្នន័យ​ផង​ដែរ។

មក​ដល់​ថ្ងៃ​នេះ ក្រុមហ៊ុន Microsoft មិន​ទាន់​បញ្ចេញ​កំណែ​អាប់ដេត​ថ្មី​ដើម្បី​ជួសជុល​ចំណុច​ខ្សោយ​នេះ​នៅ​ឡើយ ប៉ុន្តែ​អ្នក​ប្រើប្រាស់​អាច​ការពារ​វា​ជា​បណ្ដោះអាសន្ន​តាម​ការ​ណែនាំ​ខាង​ក្រោម​នេះ រហូត​ដល់​ទទួល​បាន​ការ​អាប់ដេត​ពី​ក្រុមហ៊ុន Microsoft។

ទោះ​យ៉ាង​ណា អ្នក​ប្រើប្រាស់​ទាំងអស់​អាច​ការពារ​ពី​ការ​វាយ​ប្រហារ​នានា​ជា​បណ្ដោះអាសន្ន ដោយ​បិទ​ដំណើរការ​របស់ JScript.dll ជា​បណ្ដោះអាសន្ន។ ដំបូង អ្នក​ត្រូវ​ដំណើរការ​កម្មវិធី command prompt (សិទ្ធិ​ជា administrator) ដោយ​ចុច​លើ Windows Key រួច​វាយ​ពាក្យ command prompt រួច​ចុច​លើ​វា​ដើម្បី​បើក​កម្មវិធី និង​អនុវត្ត​បន្ត​ដូច​ខាង​ក្រោម។

សម្រាប់​ប្រព័ន្ធ 32 bits

  • takeown / f% windir% \ system32 \ jscript.dll
  • cacls% windir% \ system32 \ jscript.dll / E / P everyone: N

សម្រាប់​ប្រព័ន្ធ 64 bits

  • takeown / f% windir% \ syswow64 \ jscript.dll
  • cacls% windir% \ syswow64 \ jscript.dll / E / P everyone: N
  • takeown / f% windir% \ system32 \ jscript.dll
  • cacls% windir% \ system32 \ jscript.dll / E / P everyone: N

នៅ​ពេល​ក្រុមហ៊ុន​បញ្ចេញ​កំណែ​អាប់ដេត អ្នក​ត្រូវ​បើក​ដំណើរការ JScript.dll ឡើង​វិញ ដើម្បី​អ្នក​អាច​ដំណើរការ​អាប់ដេត​កម្មវិធី Internet Explorer បាន។

សម្រាប់​ប្រព័ន្ធ 32 bits

  • cacls %windir%\system32\jscript.dll /E /R everyone

សម្រាប់​ប្រព័ន្ធ 64 bits

  • cacls %windir%\system32\jscript.dll /E /R everyone
  • cacls %windir%\syswow64\jscript.dll /E /R everyone

ចូរ​ចងចាំ​ថា វេបសាយ​មួយ​ចំនួន ឬ​មុខងារ​ខ្លះ​អាច​នឹង​មិន​ដំណើរការ​បន្ទាប់​ពី​បិទ​ដំណើរការ JScript.dll។ ដូច្នេះ អ្នក​ត្រូវ​អាប់ដេត​ភ្លាមៗ​នៅ​ពេល​ដែល Microsoft ចេញ​ផ្សាយ​អំពី​ការ​អាប់ដេត ហើយ​ក្រុម​ការងារ TECH KHMER នឹង​ផ្ដល់​ដំណឹង​ដល់​ប្រិយមិត្ត​ភ្លាមៗ​ដែរ នៅ​ពេល​ដែល​ទទួល​បាន​ព័ត៌មាន​ថ្មី៕

សូម​ចែក​រំលែក​ដំណឹង​នេះ​ទៅ​កាន់​មិត្តភ័ក្ដិ និង​មនុស្ស​ជា​ទី​ស្រឡាញ់​របស់​អ្នក។ សូម​អរគុណ..!

កំណត់​ចំណាំ៖ ហាម​យក​អត្ថបទ​ពី​គេហទំព័រ www.www.techkhmer.netទៅ​ចុះ​ផ្សាយ​ដោយ​គ្មាន​ការ​អនុញ្ញាត។

Comments

 ឫទ្ធិស័ក្តិ
លោក ឫទ្ធិ ស័ក្ដិ គឺ​ជា​អ្នក​សរសេរ​អត្ថបទ​ផ្នែក​បច្ចេកវិទ្យា និង​គន្លឹះ​ថ្មីៗ​ក្នុង​ការ​ប្រើប្រាស់​ប្រចាំ​ថ្ងៃ​នៅ​ក្នុង​បច្ចេកវិទ្យា។ ស័ក្ដិ ចូលរួម​ចែក​រំលែក​ដំណឹង​ល្អៗ​អំពី​បច្ចេកវិទ្យា​ចាប់​តាំង​ពី​វេបសាយ​មួយ​នេះ​ត្រូវ​បាន​បង្កើត​ឡើង។ គាត់​ចង់​ឱ្យ​ប្រជាជន​ខ្មែរ​កាន់​តែ​ច្រើន​យល់​ដឹង​អំពី​បច្ចេកវិទ្យា​ឱ្យ​ទូលំទូលាយ ពីព្រោះ​បច្ចេកវិទ្យា​អាច​ជួយ​ឱ្យ​ជីវភាព​រស់នៅ​របស់​យើង​កាន់​តែ​ទំនើប​ស្រប​ទៅ​នឹង​ការ​វិវឌ្ឍ​នៃ​សម័យ​កាល។