កុំព្យូទ័រមានប្រយោជន៍ច្រើនយ៉ាង ដូចជាធ្វើឯកសារ ឬទុកដាក់ឯកសារសំខាន់ៗ ការប្រើប្រាស់កម្មវិធីទំនាក់ទំនងជាដើម។ ប៉ុន្តែប្រសិនបើកុំព្យូទ័ររបស់អ្នកត្រូវបានអ្នកដទៃអាចចូលប្រើប្រាស់បានដោយពុំមានការអនុញ្ញាត នោះអ្នកនឹងប្រឈមបញ្ហាមួយចំនួន ដូចជាឯកសារត្រូវបានចម្លងចេញដោយពុំមានការអនុញ្ញាត ឬត្រូវបានលួច លុប និងប្រើប្រាស់ដោយពុំមានការអនុញ្ញាតផ្សេងៗទៀត។
ហេតុដូចនេះដើម្បីជៀសវាងកុំឱ្យអ្នកដទៃចូលទៅប្រើប្រាស់កុំព្យូទ័រដោយពុំមានការអនុញ្ញាត អ្នកត្រូវចាក់សោលើអេក្រង់កុំព្យូទ័រ។
របៀបក្នុងការអនុវត្តនៅលើ Windows៖
ជំហានទី១៖ សូមចុចលើប៊ូតុង Start
ជំហានទី២៖ បន្ទាប់មកជ្រើសរើសពាក្យថា Setting
ជំហានទី៣៖ ជ្រើសរើសពាក្យ Account
ជំហានទី៤៖ ជ្រើសយកពាក្យ Sign-in options
ជំហានទី៥៖ ត្រង់ចំណុច Password ជ្រើសយក Add
ជំហានទី៦៖ ដាក់ពាក្យសម្ងាត់
- New password បញ្ចូលពាក្យសម្ងាត់
- Reenter password បញ្ចូលពាក្យសម្ងាត់បញ្ជាក់
- Password hint បញ្ចូលពាក្យសម្ងាត់បញ្ឆោត រួចចុចលើប៊ូតុង Next
