ក្រសួង​ព័ត៌មាន​បង្កើត​គណៈកម្មការ​តាមដាន​ព័ត៌មាន​ក្លែងក្លាយ

1716
គណៈកម្មការ​តាមដាន​ការ​ផ្សាយ​ព័ត៌មាន​ក្លែងក្លាយ
គណៈកម្មការ​តាមដាន​ការ​ផ្សាយ​ព័ត៌មាន​ក្លែងក្លាយ

ក្រសួង​ព័ត៌មាន បង្កើត​គណៈកម្មការ​តាមដាន​ការ​ផ្សាយ​ព័ត៌មាន​ក្លែងក្លាយ​តាម​ប្រព័ន្ធ​ផ្សព្វផ្សាយ និង​តាម​បណ្ដាញ​ទំនាក់ទំនង​សង្គម​នៅ​កម្ពុជា។

ចូលរួម Telegram របស់ Techkhmer.net ដើម្បី​ទទួល​បាន​គន្លឹះ និង​ដំណឹង​ថ្មីៗ!

Loading...

សេចក្ដី​សម្រេច​ដែល​មាន ៦​មាត្រា​របស់​ក្រសួង​ព័ត៌មាន ចុះ​ថ្ងៃ​ទី​១១ ខែ​មីនា ឆ្នាំ​២០២០ ឱ្យ​ដឹង​ថា ក្រសួង​ព័ត៌មាន សម្រេច​បង្កើត​គណៈកម្មការ​តាមដាន​ការ​ផ្សាយ​ព័ត៌មាន​ក្លែងក្លាយ​ដែល​មាន​ភារកិច្ច​ដូច​ខាង​ក្រោម៖

  • តាមដាន​ការ​ផ្សាយ​ព័ត៌មាន​ក្លែងក្លាយ​តាម​ប្រព័ន្ធ​ផ្សព្វផ្សាយ​នានា និង​ដំណឹង​មិន​ពិត​តាម​បណ្ដាញ​ទំនាក់ទំនង​សង្គម
  • ធ្វើ​ការ​ឆ្លើយ​តប​ជូន​សាធារណជន​ឱ្យ​បាន​ទាន់​ពេលវេលា តាម​គ្រប់​មធ្យោបាយ​ដែល​មាន​ស្រាប់​រាល់​ការ​ផ្សព្វផ្សាយ​ព័ត៌មាន​ក្លែងក្លាយ ព័ត៌មាន​មិន​ពិត និង​ព័ត៌មាន​នាំ​ឱ្យ​មាន​ការ​ជ្រួលច្របល់​ក្នុង​សង្គម
  • សហការ​ជាមួយ​ស្ថាប័ន​សារព័ត៌មាន និង​ប្រព័ន្ធ​ផ្សព្វផ្សាយ​ទាំងអស់​ធ្វើ​ការ​ឆ្លើយតប​ឱ្យ​បាន​ទាន់​ពេលវេលា​រាល់​ការ​ផ្សព្វផ្សាយ​ព័ត៌មាន​មិន​ពិត​តាម​គ្រប់​មធ្យោបាយ
  • សហការ​ជាមួយ​ក្រសួង ស្ថាប័ន​ពាក់ព័ន្ធ​និង​អង្គភាព ឬ​ក្រុមហ៊ុន​ទំនាក់ទំនង​សង្គម ដើម្បី​រាំង​ខ្ទប់ (Block) គេហទំព័រ គណនី ឬ​ទំព័រ​ទាំងឡាយ​ដែល​ផ្សព្វផ្សាយ​ព័ត៌មាន​ក្លែងក្លាយ ព័ត៌មាន​មិន​ពិត និង​ព័ត៌មាន​នាំ​ឱ្យ​មាន​ការ​ជ្រួលច្របល់​ក្នុង​សង្គម និង​ចាត់​វិធានការ​តាម​ផ្លូវ​ច្បាប់
  • ធ្វើ​របាយការណ៍​ជូន​ថ្នាក់​ដឹកនាំ​ក្រសួង​អំពី​ស្ថានភាព​នៃ​ការ​ផ្សព្វផ្សាយ​ព័ត៌មាន​ក្លែងក្លាយ ព័ត៌មាន​មិន​ពិត និង​ព័ត៌មាន​នាំ​ឱ្យ​មាន​ការ​ជ្រួលច្របល់​ក្នុង​សង្គម និង​ស្នើសុំ​គោលការណ៍​ដើម្បី​អនុវត្ត និង​ចាត់​វិធានការ​តាម​នីតិវិធី​ច្បាប់។

លើស​ពី​នេះ ក្រសួង​ក៏​បាន​បង្កើត​អនុ​គណៈកម្មការ​ចំនួន​ពីរ​ទៀត គឺ​អនុ​គណៈកម្មការ​តាមដាន​មាតិកា​ផ្សាយ និង​កំណត់​អត្តសញ្ញាណ និង​អនុ​គណៈកម្មការ​ទំនាក់ទំនង និង​ចាត់​វិធានការ ហើយ​អនុ​គណៈកម្មការ​ទាំង​ពីរ​នេះ​មាន​សិទ្ធិ​ជ្រើសរើស​មន្ត្រី​ជំនាញ​បន្ថែម បង្កើត​ក្រុម​ការងារ​បច្ចេកទេស​តាម​តម្រូវការ​ចាំបាច់ ដើម្បី​អនុវត្ត​ការងារ​បាន​ទាន់​សភាពការណ៍ និង​មាន​ប្រសិទ្ធភាព​ខ្ពស់៕

ទាញ​យក​សេចក្ដី​សម្រេច​របស់​ក្រសួង​ព័ត៌មាន

សូម​ចែក​រំលែក​ដំណឹង​នេះ​ទៅ​កាន់​មិត្តភ័ក្ដិ​របស់​អ្នក។ សូម​អរគុណ..!

កំណត់​ចំណាំ៖ ហាម​យក​អត្ថបទ​ពី​គេហទំព័រ www.www.techkhmer.netទៅ​ចុះ​ផ្សាយ​ដោយ​គ្មាន​ការ​អនុញ្ញាត។

Comments

 ឫទ្ធិស័ក្តិ
លោក ឫទ្ធិ ស័ក្ដិ គឺ​ជា​អ្នក​សរសេរ​អត្ថបទ​ផ្នែក​បច្ចេកវិទ្យា និង​គន្លឹះ​ថ្មីៗ​ក្នុង​ការ​ប្រើប្រាស់​ប្រចាំ​ថ្ងៃ​នៅ​ក្នុង​បច្ចេកវិទ្យា។ ស័ក្ដិ ចូលរួម​ចែក​រំលែក​ដំណឹង​ល្អៗ​អំពី​បច្ចេកវិទ្យា​ចាប់​តាំង​ពី​វេបសាយ​មួយ​នេះ​ត្រូវ​បាន​បង្កើត​ឡើង។ គាត់​ចង់​ឱ្យ​ប្រជាជន​ខ្មែរ​កាន់​តែ​ច្រើន​យល់​ដឹង​អំពី​បច្ចេកវិទ្យា​ឱ្យ​ទូលំទូលាយ ពីព្រោះ​បច្ចេកវិទ្យា​អាច​ជួយ​ឱ្យ​ជីវភាព​រស់នៅ​របស់​យើង​កាន់​តែ​ទំនើប​ស្រប​ទៅ​នឹង​ការ​វិវឌ្ឍ​នៃ​សម័យ​កាល។