វិទ្យាស្ថានបច្ចេកវិទ្យាគិរីរម្យ (Kirirom Institute of Technology, KIT) ដែលមានទីតាំងនៅខេត្តកំពង់ស្ពឺ ប្រកាសផ្ដល់អាហារូបករណ៍ ១០០% រយៈពេល ៤ឆ្នាំ ចំនួន ១៥០កន្លែងសម្រាប់ឆ្នាំសិក្សា ២០១៩-២០២០។
អាហារូបករណ៍ដែលផ្ដល់ដោយវិទ្យាស្ថានបច្ចេកវិទ្យាគិរីរម្យ គឺផ្ដោតលើជំនាញវិស្វកម្មកុំព្យូទ័រ (Software Engineering) និងជំនាញគ្រប់គ្រងបដិសណ្ឋាកិច្ចអន្តរជាតិ (International Leadership Hospitality Management) ហើយអត្ថប្រយោជន៍ដែលសិស្សានុសិស្សនឹងទទួលបានពីអាហារូបករណ៍នេះរួមមានដូចខាងក្រោម៖
- ថ្លៃសិក្សារយៈពេល ៤ឆ្នាំពេញ
- កន្លែងស្នាក់នៅរួមគ្នាជាមួយសិស្សដទៃទៀត
- អាហារ ៣ពេលក្នុងមួយថ្ងៃ
- មធ្យោបាយធ្វើដំណើរទៅមកភ្នំពេញ និង KIT
- សម្ភារសិក្សា
លើសពីនេះ និស្សិតដែលបញ្ចប់ការសិក្សាថ្នាក់បរិញ្ញាបត្រពីវិទ្យាស្ថានបច្ចេកវិទ្យាគិរីរម្យ នឹងមានឱកាសធ្វើការនៅប្រទេសជឿនលឿនមួយចំនួនទៀតផង ដូចជាប្រទេសជប៉ុន និងសិង្ហបុរី ជាដើម។ វិទ្យាស្ថានឱ្យដឹងតាមរយៈទំព័រហ្វេសប៊ុកថា និស្សិតបញ្ចប់ការសិក្សាជំនាន់ទី១ ទទួលបានឱកាសការងារ ១០០% ដែល ៧០% ទទួលបានការងារនៅប្រទេសជប៉ុន និង ៣០% ទទួលបានការងារនៅកម្ពុជា។
លក្ខខណ្ឌនៃការទទួលបានអាហារូបករណ៍៖
- អាយុចាប់ពី ១៦ឆ្នាំ
- មានសុខភាពល្អ
- ប្រឡងជាប់សញ្ញាបត្រមធ្យមសិក្សាទុតិយភូមិ
- ការចុះឈ្មោះប្រឡងតាមទំព័រហ្វេសប៊ុករបស់ KIT
- ត្រូវឆ្លងកាត់ការប្រឡងសមត្ថភាព (IQ ភាសាអង់គ្លេស និងគណិតវិទ្យា)
- ត្រូវឆ្លងកាត់ការសម្ភាសផ្ទាល់មាត់ បន្ទាប់ពីប្រឡងជាប់សមត្ថភាព
- ការចុះកិច្ចព្រមព្រៀងនៃអាហារូបករណ៍
ទីកន្លែងនៃការធ្វើតេស្ដប្រឡងសមត្ថភាព និងសិក្ខាសាលាដើម្បីទទួលបានអាហារូបករណ៍សិក្សានៅវិទ្យាស្ថានបច្ចេកវិទ្យាគិរីរម្យ ឆ្នាំ២០១៩ នេះ នឹងប្រព្រឹត្តនៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) ស្ថិតនៅក្នុងបរិវេណសាកលវិទ្យាល័យភូមិន្ទភ្នំពេញ។ សូមជ្រើសរើសពេលវេលាណាមួយក្នុងចំណោមកាលបរិច្ឆេទខាងក្រោម និងចុះឈ្មោះចូលរួមសិក្ខាសាលា និងការធ្វើតេស្ដសមត្ថភាពនតាមតំណភ្ជាប់នៅខាងក្រោម។
កាលបរិច្ឆេទនៃសិក្ខាសាលា និងការប្រឡង៖
- ថ្ងៃទី២៦ ខែកក្កដា ឆ្នាំ២០១៩
- ថ្ងៃទី៣១ ខែសីហា ឆ្នាំ២០១៩
- ថ្ងៃទី៧-១៥-២២ ខែកញ្ញា ឆ្នាំ២០១៩
- ថ្ងៃទី៥-១២-១៩-២៦ ខែតុលា ឆ្នាំ២០១៩
វិទ្យាស្ថានបច្ចេកវិទ្យាគិរីរម្យ (KIT) ត្រូវបានបង្កើតឡើងនៅឆ្នាំ២០១៤ ស្ថិតនៅគិរីរម្យ ខេត្តកំពង់ស្ពឺ។ បច្ចុប្បន្ន KIT ផ្ដល់នូវជំនាញសិក្សាចំនួនពីរ គឺវិស្វកម្មកុំព្យូទ័រ (Software Engineering) និងជំនាញគ្រប់គ្រងបដិសណ្ឋាកិច្ចអន្តរជាតិ (International Leadership Hospitality Management) ដែលមានរួមបញ្ចូលនូវជំនាញទំនាក់ទំនង ព្រមទាំងផ្ដល់នូវចំណេះដឹង និងសមត្ថភាពបន្ថែមដល់សិស្សនិស្សិតផងដែរ។
តំណភ្ជាប់ចុះឈ្មោះប្រឡង និងសិក្ខាសាលា៖
ព័ត៌មានបន្ថែម សូមទាក់ទង៖
- លេខទូរស័ព្ទ៖ ០៧៨ ៧៧៧ ៣៨៤ / ០៧៨ ៧៧៧ ៣៤៤
- អ៊ីមែល៖
- វែបសាយ៖ https://kit.edu.kh
- ទំព័រហ្វេសប៊ុក៖ https://www.facebook.com/KITinstitute/
សូមចែករំលែកដំណឹងនេះទៅកាន់មិត្តភ័ក្ដិរបស់អ្នកផង។ សូមអរគុណ!
កំណត់ចំណាំ៖ ហាមយកអត្ថបទពីគេហទំព័រ www.www.techkhmer.netទៅចុះផ្សាយដោយគ្មានការអនុញ្ញាត៕
 ដែលមានទីតាំងនៅខេត្តកំពង់ស្ពឺ ប្រកាសផ្ដល់អាហារូបករណ៍ ១០០% រយៈពេល ៤ឆ្នាំ ចំនួន ១៥០កន្លែងសម្រាប់ឆ្នាំសិក្សា ២០១៩-២០២០។){kind=link}