សហភាពសហព័ន្ធយុវជនកម្ពុជា រាជធានីភ្នំពេញ (ស.ស.យ.ក ភព) ប្រកាសផ្ដល់អាហារូបករណ៍ ១០០% ចំនួន ៥០កន្លែងជូនដល់សិស្សានុសិស្សទាំងអស់ដែលមានទីលំនៅបច្ចុប្បន្ននៅរាជធានីភ្នំពេញ នៅក្នុងឆ្នាំសិក្សា២០១៨។
សេចក្ដីជូនដំណឹងរបស់ ស.ស.យ.ក ភព ស្ដីពីការផ្ដល់អាហារូបករណ៍ចុះថ្ងៃទី៧ ខែមិថុនា ឆ្នាំ២០១៨ ឲ្យដឹងថា ស.ស.យ.ក ភព នឹងផ្ដល់អាហារូបករណ៍ ១០០% ចំនួន ៦ជំនាញ រួមទាំងជំនាញ IT ផងដែរ លើវគ្គបណ្ដុះបណ្ដាលកម្រិតបរិញ្ញាបត្រ និងបរិញ្ញាបត្ររង ឲ្យសិក្សានៅវិទ្យាស្ថានអភិវឌ្ឍន៍អាស៊ីសច្ចៈ។
ជំនាញទាំង ៦ នេះរួមមាន៖
- ជំនាញទីផ្សារ
- ជំនាញគណនេយ្យ
- ជំនាញសេដ្ឋកិច្ច
- ជំនាញគ្រប់គ្រងពាណិជ្ជកម្ម
- ជំនាញភាសាអង់គ្លេស
- ជំនាញវិទ្យាសាស្ត្រកុំព្យូទ័រ
សេចក្ដីជូនដំណឹងដដែលឲ្យដឹងទៀតថា សិស្សានុសិស្សដែលទទួលបានអាហារូបករណ៍នេះ នឹងត្រូវសិក្សាពីថ្ងៃច័ន្ទ ដល់ថ្ងៃសុក្រ និងបែងចែកជា ៣ពេល គឺ៖
- ពេលព្រឹក (ម៉ោង ៨:០០–១១:០០នាទី)
- ពេលរសៀល (ម៉ោង ២:០០–៥:៣០នាទី)
- ពេលរសៀល (ម៉ោង ៥:៣០–៨:៣០នាទី)
លក្ខខណ្ឌដែលអាចទទួលបានអាហារូបករណ៍៖
- មានទីលំនៅបច្ចុប្បន្ននៅរាជធានីភ្នំពេញ
- មានសញ្ញាបត្រមធ្យមសិក្សាទុតិយភូមិ ឬសញ្ញាបត្រដែលមានតម្លៃស្មើ (សម្រាប់ថ្នាក់បរិញ្ញាបត្រ)
- មានសញ្ញាបត្រមធ្យមសិក្សាទុតិយភូមិ ឬធ្លាក់ទុតិយភូមិ ឬសញ្ញាបត្រដែលមានតម្លៃស្មើ (សម្រាប់ថ្នាក់បរិញ្ញាបត្ររង)
អានអត្ថបទផ្សេងទៀត៖
- ចាក់សោគណនីហ្វេសប៊ុកថែមមួយជាន់ទៀត មិនឲ្យហេគឃឺលួចយកបាន
- Facebook Account ត្រូវគេលួច អាចដាក់ពាក្យប្ដឹងទៅកាន់ ACCP
- របៀបឆែកមើលថាតើមានគេហេគចូលមើលគណនីហ្វេសប៊ុកយើងដែរឬអត់
បេក្ខជន–បេក្ខនារីដែលមានបំណងទទួលនូវអាហារូបករណ៍នេះ ត្រូវទៅស្នើសុំ និងបំពេញទម្រង់បែបបទសុំអាហារូបករណ៍ដោយផ្ទាល់នៅទីស្នាក់ការសហភាពសហព័ន្ធយុវជនកម្ពុជារាជធានីភ្នំពេញ។
កាលបរិច្ឆេទផុតទទួលពាក្យស្នើសុំអាហារូបករណ៍៖
- ថ្ងៃទី៣ ខែកញ្ញា ឆ្នាំ២០១៨
ព័ត៌មានបន្ថែម៖
- ទីស្នាក់ការ ស.ស.យ.ក ភព៖ វិថីវិចិត្រសិល្បៈ ភូមិព្រែកលៀប សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ
- ទូរស័ព្ទលេខ៖ ០១៦ ៨៣១ ៣៩៧/០១២ ៩០៦ ០០៦
សូមអានសេចក្ដីជូនដំណឹងរបស់ ស.ស.យ.ក ភព នៅខាងក្រោម ដើម្បីស្វែងយល់ព័ត៌មានបន្ថែម៖
សូមចែករំលែកដំណឹងនេះទៅកាន់មិត្តភ័ក្ដិរបស់លោកអ្នកឲ្យបានដឹងអំពីព័ត៌មាននេះផង។ សូមអរគុណ!
កំណត់ចំណាំ៖ ហាមយកអត្ថបទពីគេហទំព័រ www.www.techkhmer.net ទៅចុះផ្សាយដោយគ្មានការអនុញ្ញាត៕
