បារខែម​បាត់ដំបង (Barcamp Battambang) ត្រូវការ​អ្នក​ស្ម័គ្រចិត្ត​មួយ​ចំនួន

អ្នក​ស្ម័គ្រ​ចិត្ត​ដែល​ត្រូវ​បាន​ជ្រើសរើស នឹង​ចូលរួម​ការងារ​ជាមួយ​ក្រុម​ការងារ​ព្រឹត្តិការណ៍​បារខែម​បាត់ដំបង នៅ​ឆ្នាំ​នេះ ដែល​នឹង​ប្រព្រឹត្ត​ទៅ​នៅ​ថ្ងៃ​ទី​០៣-០៤ ខែ​សីហា ឆ្នាំ​២០១៩។

2528
ការងារ​ស្ម័គ្រ​ចិត្ត​ជាមួយ​ព្រឹត្តិការណ៍​បារខែម (Barcamp) ២០១៩។
ការងារ​ស្ម័គ្រ​ចិត្ត​ជាមួយ​ព្រឹត្តិការណ៍​បារខែម (Barcamp) ២០១៩។

ឱកាស​ការងារ​ស្ម័គ្រ​ចិត្ត​ជាមួយ​ព្រឹត្តិការណ៍​បារខែម (Barcamp) មក​ដល់​ទៀត​ហើយ។ នៅ​ឆ្នាំ​២០១៩ នេះ ក្រុម​ការងារ​រៀបចំ​ព្រឹត្តិការណ៍​បារខែម​បាត់ដំបង (Barcamp Batttambang) ត្រូវការ​រក​អ្នក​ស្ម័គ្រ​ចិត្ត​មួយ​ចំនួន។

ចូលរួម Telegram របស់ Techkhmer.net ដើម្បី​ទទួល​បាន​គន្លឹះ និង​ដំណឹង​ថ្មីៗ!

Loading...

អ្នក​ស្ម័គ្រ​ចិត្ត​ដែល​ត្រូវ​បាន​ជ្រើសរើស នឹង​ចូលរួម​ការងារ​ជាមួយ​ក្រុម​ការងារ​ព្រឹត្តិការណ៍​បារខែម​បាត់ដំបង នៅ​ឆ្នាំ​នេះ ដែល​នឹង​ប្រព្រឹត្ត​ទៅ​នៅ​ថ្ងៃ​ទី​០៣-០៤ ខែ​សីហា ឆ្នាំ​២០១៩ ខាង​មុខ​នេះ។ ពួក​គេ​ត្រូវ​ធ្វើ​ការ​ជាមួយ​ក្រុម​ការងារ​រៀបចំ​ព្រឹត្តិការណ៍​ក្នុង​រយៈពេល​ចាប់​ពី​ខែ​កក្កដា រហូត​ដល់​ខែ​សីហា ឆ្នាំ​២០១៩។ ក្នុង​អំឡុង​ពេល​នេះ ក្រុម​ការងារ​នឹង​មាន​រៀបចំ​វគ្គ​បណ្ដុះបណ្ដាល និង​កិច្ច​ប្រជុំ​ក្រុម​ជា​ប្រចាំ​នៅ​រាល់​ចុង​សប្តាហ៍​ដែល​មាន​រយៈពេល​ពី ២ ទៅ ៣​ម៉ោង។

លក្ខន្តិកៈ៖

  • អ្នក​ស្នាក់នៅ​អចិន្ត្រៃយ៍​ក្នុង​ខេត្ត​បាត់ដំបង
  • មាន​ភាព​អត់ធ្មត់​ក្នុង​ការងារ ចេះ​ជួយ​គ្នា ចេះ​ធ្វើ​ការងារ​ជា​ក្រុម
  • អ្នក​កំពុង​រៀន​វិទ្យាល័យ ឬ​មហាវិទ្យាល័យ​ដែល​មាន​អាយុ​ពី ១៥ ដល់ ២៦​ឆ្នាំ
  • មាន​ពេលវេលា​គ្រប់គ្រាន់​សម្រាប់​ការ​ត្រៀម​ខ្លួន និង​ផ្សព្វផ្សាយ​មុន​ពេល​ព្រឹត្តិការណ៍
  • ដាច់ខាត​ត្រូវ​មាន​ពេល​គ្រប់គ្រាន់​ក្នុង​អំឡុង​ព្រឹត្តិការណ៍ (ថ្ងៃ​ទី​០៣-០៤ ខែ​សីហា ឆ្នាំ​២០១៩ សូម​រក្សា​សិទ្ធិ​ក្នុង​ការ​កែប្រែ)
  • ផុត​កំណត់​ថ្ងៃ​ទី​០៧ ខែ​សីហា ឆ្នាំ​២០១៩ ម៉ោង ៥​ល្ងាច

ព្រឹត្តិការណ៍​បារខែម ជា​ព្រឹត្តិការណ៍​ចែក​រំលែក​ចំណេះដឹង​ជុំវិញ​បច្ចេកវិទ្យា និង​ការ​ចាប់ផ្ដើម​អាជីវកម្ម​ដោយ​មាន​ការ​ចូលរួម​ពី​វាគ្មិន​ជំនាញៗ និង​មាន​បទពិសោធន៍​ក្នុង​វិស័យ​បច្ចេកវិទ្យា អាជីវកម្ម និង​រចនា​ច្នៃប្រឌិត​មក​ពី​បណ្ដា​ក្រុមហ៊ុន​នានា នឹង​ធ្វើ​បទបង្ហាញ ព្រម​ទាំង​ផ្លាស់ប្ដូរ​ចំណេះដឹង ជំនាញ និង​បទពិសោធន៍​ផ្សេងៗ​ដល់​អ្នក​ចូលរួម។

តំណ​ភ្ជាប់​ដាក់​ពាក្យ៖ https://forms.gle/EVeDa6HzgT9gZXKc6

ព័ត៌មាន​បន្ថែម៖

សូម​ចែក​រំលែក​ដំណឹង​នេះ​ទៅ​កាន់​មិត្តភ័ក្ដិ​របស់​លោក​អ្នក​បាន​ដឹង​ផង។ សូម​អរគុណ!

កំណត់​ចំណាំ៖ ហាម​យក​អត្ថបទ​ពី​គេហទំព័រ www.www.techkhmer.netទៅ​ចុះ​ផ្សាយ​ដោយ​គ្មាន​ការ​អនុញ្ញាត៕

Comments

 ឫទ្ធិស័ក្តិ
លោក ឫទ្ធិ ស័ក្ដិ គឺ​ជា​អ្នក​សរសេរ​អត្ថបទ​ផ្នែក​បច្ចេកវិទ្យា និង​គន្លឹះ​ថ្មីៗ​ក្នុង​ការ​ប្រើប្រាស់​ប្រចាំ​ថ្ងៃ​នៅ​ក្នុង​បច្ចេកវិទ្យា។ ស័ក្ដិ ចូលរួម​ចែក​រំលែក​ដំណឹង​ល្អៗ​អំពី​បច្ចេកវិទ្យា​ចាប់​តាំង​ពី​វេបសាយ​មួយ​នេះ​ត្រូវ​បាន​បង្កើត​ឡើង។ គាត់​ចង់​ឱ្យ​ប្រជាជន​ខ្មែរ​កាន់​តែ​ច្រើន​យល់​ដឹង​អំពី​បច្ចេកវិទ្យា​ឱ្យ​ទូលំទូលាយ ពីព្រោះ​បច្ចេកវិទ្យា​អាច​ជួយ​ឱ្យ​ជីវភាព​រស់នៅ​របស់​យើង​កាន់​តែ​ទំនើប​ស្រប​ទៅ​នឹង​ការ​វិវឌ្ឍ​នៃ​សម័យ​កាល។