YouTube ដំណើរការឡើងវិញហើយ បន្ទាប់ពីបានគាំងមិនដំណើរការទូទាំងសកលលោកនៅព្រឹកថ្ងៃពុធ ទី១៧ ខែតុលា ឆ្នាំ២០១៨ (ម៉ោងនៅកម្ពុជា) ប្រហែលជា ៤៥នាទី។
នៅព្រឹកនេះ មិនថាតែនៅកម្ពុជា ទេ នៅប្រទេសផ្សេងក៏ជួបបញ្ហាបើកមើលវីដេអូនៅលើបណ្ដាញសង្គម YouTube មិនបានដូចគ្នា ដោយអ្នកប្រើប្រាស់អាចចូលទៅកាន់វែបសាយ YouTube បាន ប៉ុន្តែមិនឃើញវីដេអូនោះទេ។
សូមចុច Like និង See First ដើម្បីទទួលបានដំណឹង និងគន្លឹះថ្មីៗអំពីបច្ចេកវិទ្យាមុនគេ
អ្នកប្រើប្រាស់បណ្ដាញសង្គមកម្សាន្ត YouTube បានឃើញសារ error នៅពេលដែលពួកគេបើកចូលទៅកាន់វែបសាយ YouTube ទាំងនៅលើកុំព្យូទ័រ និងនៅលើទូរស័ព្ទឆ្លាតវៃ ហើយ YouTube បានប្រាប់ឲ្យអ្នកប្រើប្រាស់ព្យាយាមម្ដងទៀត (please try again later)។ ចំណែកអ្នកប្រើប្រាស់ជាច្រើនផ្សេងទៀត ត្អូញត្អែរនៅលើបណ្ដាញ Twitter ថា ពួកគេទទួលបានតែសារ «500 Internal Server Error» នៅពេលពួកគេព្យាយាមចូលបើកមើលវីដេអូនៅលើបណ្ដាញ YouTube នៅព្រឹកនេះ។
អានអត្ថបទផ្សេងទៀត៖
- YouTube videos មិនដំណើរការស្ទើរទូទាំងពិភពលោក
- កុំព្យូទ័រគម្ពីរ (KOOMPI) នឹងត្រូវសម្ពោធជាផ្លូវការនៅថ្ងៃទី២០ តុលា នេះ
- របៀបលុប Quick Access History នៅក្នុង Windows 10
ក្រោយរយៈពេលប្រហែល ៤៥នាទី ក្រុមហ៊ុនបណ្ដាញសង្គម YouTube បានជូនដំណឹងនៅលើទំព័រហ្វេសប៊ុក (Facebook) និងបណ្ដាញ Twitter ថា បណ្ដាញសង្គម YouTube បានត្រឡប់មកវិញហើយ ហើយក្រុមហ៊ុនអរគុណចំពោះការអត់ធ្មត់របស់អ្នកប្រើប្រាស់ចំពោះការរអាក់រអួលនៃការគាំងវីដេអូ។ ក្រុមហ៊ុនបន្តថា បើសិនជាអ្នកជួបប្រទះបញ្ហានេះទៀត សូមឲ្យពួកខ្ញុំដឹងផង។
ទោះយ៉ាងណា YouTube ពុំទាន់បានពន្យល់អំពីអ្វីដែលបានបណ្ដាលឲ្យបណ្ដាញរបស់ខ្លួនគាំងមិនដំណើរការនៅព្រឹកនេះនៅឡើយទេ ប៉ុន្តែក្រុមហ៊ុនបានទទួលស្គាល់ថាវាពិតជាមានបញ្ហាគាំងមែននៅក្នុងសេចក្ដីប្រកាសដ៏ខ្លីរបស់ខ្លួន។ ក្រុមហ៊ុនបាននិយាយថា «អរគុណចំពោះការរាយការណ៍របស់អ្នកអំពី YouTube។ យើងកំពុងតែធ្វើការដោះស្រាយបញ្ហានេះ ហើយនឹងជូនដំណឹងដល់អ្នកវិញនៅពេលបញ្ហាត្រូវបានដោះស្រាយរួច។ យើងសូមអភ័យទោសចំពោះបញ្ហារអាក់រអួលនេះ ហើយយើងនឹងធ្វើបច្ចុប្បន្នភាពជូនលោកអ្នក»។
សូមចែករំលែកដំណឹងនេះទៅកាន់មិត្តភ័ក្ដិរបស់លោកអ្នកបានដឹងផង។ សូមអរគុណ!
កំណត់ចំណាំ៖ ហាមយកអត្ថបទពីគេហទំព័រ www.www.techkhmer.net ទៅចុះផ្សាយដោយគ្មានការអនុញ្ញាត៕
 ប្រហែលជា ៤៥នាទី។){kind=link}