BarCamp Battambang ២០១៧ (បារខែមបាត់ដំបង ២០១៧) ឬហៅថាព្រឹត្តិការណ៍សន្និបាតបច្ចេកវិទ្យា និងការចាប់ផ្ដើមជំនួញ នឹងរៀបចំក្នុងសាកលវិទ្យាល័យបាត់ដំបង ខេត្តបាត់ដំបង នៅថ្ងៃទី២៥ និងថ្ងៃទី២៦ ខែវិច្ឆិកា ឆ្នាំ២០១៧។
ព្រឹត្តិការណ៍សន្និបាតបច្ចេកវិទ្យា និងការចាប់ផ្ដើមជំនួញដែលប្រព្រឹត្តនៅខេត្តបាត់ដំបង នេះ គឺជាសន្និបាត និងការជួបជុំសហគ្រិនវ័យក្មេង អ្នកជំនាញខាងអាជីវកម្ម អ្នកជំនាញខាងបច្ចេកវិទ្យា សាស្ត្រាចារ្យ និងសិស្សនិស្សិត ចូលរួមចែករំលែកចំណេះដឹង និងបទពិសោធន៍ក្នុងវិស័យបច្ចេកវិទ្យា ជាពិសេសគឺការចាប់ផ្ដើមជំនួញ។
លើសពីនេះទៀត ព្រឹត្តិការណ៍នេះក៏មានតាំងពិព័រណ៍បង្ហាញផលិតផលអាជីវកម្ម និងសេវាកម្មផងដែរ។
ព្រឹត្តិការណ៍បារខែមបាត់ដំបងឆ្នាំ២០១៧ នេះ គឺចាប់ផ្ដើមពីម៉ោង ៧ព្រឹក រហូតដល់ម៉ោង ៥ល្ងាច ឋិតនៅក្នុងបរិវេណសាកលវិទ្យាល័យបាត់ដំបង តែម្ដង។
លោកអ្នកអាចចុះឈ្មោះចូលរួមព្រឹត្តិការណ៍ដោយមិនគិតថ្លៃតាមរយៈ៖
- តំណភ្ជាប់ចុះឈ្មោះចូលរួមព្រឹត្តិការណ៍បារខែមបាត់ដំបង
- ឬទាក់ទងតាមរយៈលេខទូរស័ព្ទ ០១០ ៣០ ៧៥ ៧៥
- ឬតាមរយៈអ៊ីមែល៖
កាលពីថ្ងៃទី២១ និងថ្ងៃទី២២ ខែតុលា ឆ្នាំ២០១៧ ព្រឹត្តិការណ៍បារខែមអាស៊ាន (BarCamp ASEAN) បានប្រព្រឹត្តនៅក្នុងបរិវេណវិទ្យាស្ថានបច្ចេកវិទ្យាកម្ពុជា (សាលាតិចណូ) ក្នុងរាជធានីភ្នំពេញ និងមានក្រុមហ៊ុនបច្ចេកវិទ្យា និង Startup ជាង ៥០ ចូលរួម ហើយទទួលបានការចាប់អារម្មណ៍ពីក្រុមយុវជនជាច្រើនផងដែរ។
កំណត់ចំណាំ៖ ហាមយកអត្ថបទពីគេហទំព័រ www.www.techkhmer.net ទៅចុះផ្សាយដោយគ្មានការអនុញ្ញាត៕
 នឹងរៀបចំក្នុងសាកលវិទ្យាល័យបាត់ដំបង ខេត្តបាត់ដំបង នៅថ្ងៃទី២៥ និងថ្ងៃទី២៦ ខែវិច្ឆិកា ឆ្នាំ២០១៧។){kind=link}