កាលពីមុន អ្នកប្រើប្រាស់ហ្វេសប៊ុក (facebook) ហើយចង់បង្ហោះរូបថត ៣៦០ degree គឺត្រូវមានកាមេរ៉ាប្រភេទ ៣៦០ ទើបអាចថតរូប ៣៦០ ឬក៏ប្រើ App ក្នុងទូរស័ព្ទស្មាតហ្វូន (Smart Phone) ដើម្បីថតរូបជាប្រភេទ panorama រួចហើយបង្ហោះចូលក្នុងហ្វេសប៊ុក។ ដោយឡែកតម្លៃកាមេរ៉ាប្រភេទ ៣៦០ ដឺក្រេ ក៏មានតម្លៃថ្លៃគួរសមដែរ។
ប៉ុន្តែឥឡូវនេះ ក្រុមហ៊ុនហ្វេសប៊ុក បានដាក់ចូលមុខងារថ្មីមួយទៀតទៅក្នុង facebook app លើស្មាតហ្វូន ដែលអនុញ្ញាតឲ្យអ្នកប្រើប្រាស់ facebook អាចថតរូបប្រភេទ ៣៦០ ដឺក្រេ ចេញពីកម្មវិធីហ្វេសប៊ុក (facebook app) ផ្ទាល់តែម្ដង រួចបង្ហោះរូបថតភ្លាមៗទៅលើ facebook cover របស់ពួកគាត់បានដោយស្រួល ដោយមិនចាំបាច់មានកាមេរ៉ាបន្ថែមនោះទេ។
ចំណាំ៖ អ្នកត្រូវ update facebook app ឲ្យទៅកំណែចុងក្រោយបំផុត (latest version of facebook app)។
តើធ្វើម៉េចទៅទើបអាចថតរូបចឹងបាន? ខាងក្រោមជាវិធីថតរូប ៣៦០ ដឺក្រេ ពីកាមេរ៉ាហ្វេសប៊ុក៖
ជំហានទី១៖ បើក Facebook app ហើយចូលទៅកាន់ profile របស់អ្នក។
ជំហានទី២៖ ចុចសញ្ញាកាមេរ៉ានៅលើរូបថត facebook cover រួចជ្រើសយកពាក្យ Take a New Cover Photo។
ជំហានទី៣៖ រួចជ្រើសរយក “360 PHOTO” នៅខាងក្រោមប៊ូតុងថតរូប (NORMAL & 360 PHOTO)។
ជំហានទី៤៖ ជ្រើសរើសប្លង់ថតដែលអ្នកចង់ចាប់ផ្ដើមថតរូបថត។
ជំហានទី៥៖ ចុចប៊ូតុងថតរូប រួចបង្វែរកាមេរ៉ាទៅតាមប្លង់ដែលអ្នកគ្រោងទុក ជាការស្រេច៕
តំណភ្ជាប់ទៅកាន់គេហទំព័រ Facebook កាមេរ៉ា
