ក្រុមហ៊ុនហ្វេសប៊ុក (Facebook Inc.) អាចនឹងត្រូវពិន័យ ១,៦៣ពាន់លានដុល្លារពីក្រុមឃ្លាំមើលសិទ្ធិឯកជននៅសហភាពអឺរ៉ុប (European Union Privacy Watchdog) ទាក់ទងនឹងរឿងគណនីប្រមាណ ៥០លានគណនីត្រូវបាន Hacker វាយប្រហារកាលពីសប្ដាហ៍មុន។
កាលពីថ្ងៃសុក្រ ទី២៨ ខែកញ្ញា ឆ្នាំ២០១៨ ក្រុមហ៊ុនហ្វេសប៊ុក បានប្រកាសថា គណនីហ្វេសប៊ុកប្រមាណ ៥០លានគណនី រងគ្រោះដោយការវាយប្រហារតាមរយៈចន្លោះប្រហោងនៃមុខងារ View As ដែលជាមុខងារអនុញ្ញាតឲ្យអ្នកប្រើប្រាស់ពិនិត្យមើល Profile ខ្លួនឯងដែលដូចទៅនឹងអ្នកដទៃទៀតមើលឃើញអ៊ីចឹងដែរ។ ភ្លាមៗបន្ទាប់ពីរកឃើញបញ្ហានេះ ក្រុមហ៊ុនក៏បានបិទមុខងារនេះបណ្ដោះអាសន្ន ហើយក្រុមហ៊ុនបានជួសជុលបញ្ហានេះ ដោយបានកំណត់ឡើងវិញ (Reset) នូវ Access Token ដែលក្រុម hacker ប្រើប្រាស់ក្នុងការលួចចូលគណនីហ្វេសប៊ុក ដែលបណ្ដាលឲ្យគណនីប្រមាណ ៩០លានគណនីដែលសង្ស័យថារងគ្រោះដោយសារបញ្ហានេះ ត្រូវ Log out ចេញពីហ្វេសប៊ុកដោយស្វ័យប្រវត្តិ។
Access Token គឺជា Key ឬអាចហៅថាសំណុំអក្សរមួយខ្សែដែលសម្គាល់ឲ្យអ្នកប្រើប្រាស់ម្នាក់ កម្មវិធីមួយ (app) គេហទំព័រមួយ (page) ដែលត្រូវបានគេប្រើប្រាស់ដើម្បីហៅទៅ Graph API។ ក្នុងករណីនេះ Access Token អាចអនុញ្ញាតឲ្យអ្នកប្រើប្រាស់អាចចូលប្រើប្រាស់គណនីហ្វេសប៊ុកបានដោយស្វ័យប្រវត្តិដោយមិនចាំបាច់វាយបញ្ចូល Username និងពាក្យសម្ងាត់ (Password) ឡើងវិញនោះទេ។
អានអត្ថបទផ្សេងទៀត៖
- ៥០លានគណនីហ្វេសប៊ុក ត្រូវបានហេគ (hacked)
- អ្នកលក់ផលិតផលអនឡាញ អាចនឹងត្រូវបង់ពន្ធនៅពេលខាងមុខ
- របៀបឆែកមើលថាតើមានគេលួច hacked ចូលគណនីហ្វេសប៊ុកដែរឬអត់
- ចាក់សោគណនីហ្វេសប៊ុកពីរជាន់ជាមួយកម្មវិធី authy 2fa
សារព័ត៌មាន The Wall Street Journal ចុះផ្សាយនៅថ្ងៃទី៣០ ខែកញ្ញា ឆ្នាំ២០១៨ ឲ្យដឹងថា ក្រុមឃ្លាំមើលសិទ្ធិឯកជននៅសហភាពអឺរ៉ុប អាចនឹងពិន័យក្រុមហ៊ុន Facebook ចំនួន ១,៦៣ពាន់លានដុល្លារ ប្រសិនបើនិយតកររកឃើញថា ក្រុមហ៊ុននេះរំលោភច្បាប់សិទ្ធិឯកជនថ្មីដែលទើបនឹងចេញនៅពេលថ្មីៗ បន្ទាប់ពីក្រុមហ៊ុន Facebook មានរឿងអាស្រូវទាក់ទងនឹងការបែកធ្លាយទិន្នន័យឯកជនរបស់អ្នកប្រើប្រាស់ជិត ៩០លានគណនីទៅឲ្យក្រុមហ៊ុន Cambridge Analytica នោះ។
សារព័ត៌មានដដែលនេះឲ្យដឹងបន្ថែមថា គណៈកម្មការការពារទិន្នន័យ (Data Protection Commission) ដែលឃ្លាំមើល Facebook នៅអឺរ៉ុប បានសុំឲ្យក្រុមហ៊ុន Facebook ផ្ដល់ព័ត៌មានបន្ថែមទាក់ទងនឹងការវាយប្រហារទៅលើគណនីអ្នកប្រើប្រាស់ហ្វេសប៊ុកប្រមាណ ៥០លានគណនីនោះ រួមទាំងអ្នករស់នៅសហភាពអឺរ៉ុប ផងដែរ។
ទោះយ៉ាងណាក៏ដោយ ក្នុងដំណាក់កាលស៊ើបអង្កេតនេះ ក្រុមហ៊ុនហ្វេសប៊ុកមិនទាន់កំណត់បានថា តើព័ត៌មានអ្វីខ្លះរបស់អ្នកប្រើប្រាស់ ត្រូវបានគេលួចយកទៅ? ហើយហ្វេសប៊ុកក៏មិនទាន់អាចកំណត់បានថា តើពួក hacker បានបំពានទៅលើទិន្នន័យឯកជនរបស់អ្នកប្រើប្រាស់របស់ខ្លួននៅឡើយដែរ?
សូមចែករំលែកដំណឹងនេះទៅកាន់មិត្តភ័ក្ដិរបស់លោកអ្នកឲ្យបានដឹងអំពីព័ត៌មាននេះផង។ សូមអរគុណ!
កំណត់ចំណាំ៖ ហាមយកអត្ថបទពីគេហទំព័រ www.www.techkhmer.net ទៅចុះផ្សាយដោយគ្មានការអនុញ្ញាត៕ាច
 អាចនឹងត្រូវពិន័យ ១,៦៣ពាន់លានដុល្លារពីក្រុមឃ្លាំមើលសិទ្ធិឯកជននៅសហភាពអឺរ៉ុប (European Union Privacy Watchdog) ទាក់ទងនឹងរឿងគណនីប្រមាណ ៥០លានគណនីត្រូវបាន Hacker វាយប្រហារកាលពីសប្ដាហ៍មុន។){kind=link}