អ្នក​គ្រប់គ្រង​ទំព័រ​ហ្វេសប៊ុក​នាយក​រដ្ឋមន្ត្រី​បដិសេធ​សារ​រូបភាព​ភ្ជាប់​សំរាម​រាយប៉ាយ

2496
សារ​រូបភាព​ក្លែងក្លាយ​ដែល​ត្រូវ​បាន​គេ​បង្ហោះ​នៅ​លើ​បណ្ដាញ​សង្គម​ហ្វេសប៊ុក (Facebook)។ (Photo Screenshot)
សារ​រូបភាព​ក្លែងក្លាយ​ដែល​ត្រូវ​បាន​គេ​បង្ហោះ​នៅ​លើ​បណ្ដាញ​សង្គម​ហ្វេសប៊ុក (Facebook)។ (Photo Screenshot)

អ្នក​គ្រប់គ្រង​ទំព័រ​ហ្វេសប៊ុក (Facebook Page) របស់​លោក​នាយក​រដ្ឋមន្ត្រី ហ៊ុន សែន ប្រកាស​បដិសេធ​សារ​មួយ​ដែល​មាន​ភ្ជាប់​រូបភាព​សំរាម​នៅ​ខេត្ត​កណ្ដាល ជាមួយ​នឹង​ទំព័រ​ហ្វេសប៊ុក​លោក​នាយក​រដ្ឋមន្ត្រី ថា​ជា​ព័ត៌មាន​ក្លែងក្លាយ។

ចូលរួម Telegram របស់ Techkhmer.net ដើម្បី​ទទួល​បាន​គន្លឹះ និង​ដំណឹង​ថ្មីៗ!

Loading...

លោក ដួង តារា ដែល​ជា​អ្នក​គ្រប់គ្រង​ទំព័រ​ហ្វេសប៊ុក​របស់​លោក​នាយក​រដ្ឋមន្ត្រី ហ៊ុន សែន និង​កំពុង​អម​ដំណើរ​លោក​នាយក​រដ្ឋមន្ត្រី​បំពេញ​ទស្សនកិច្ច​នៅ​ឯ​ប្រទេស​ឆែក (Czech) នៅ​ថ្ងៃ​ទី​១៤ ខែ​តុលា ឆ្នាំ​២០១៩ បាន​ប្រកាស​នៅ​លើ​ទំព័រ​ហ្វេសប៊ុក​របស់​លោក​ថា មាន​ក្រុម​ជន​ខិលខូច​បាន​ផូស (បង្ហោះ) ព័ត៌មាន​បោកប្រាស់​ពលរដ្ឋ។ លោក​បន្ត​ថា ក្រុម​ជន​ខិលខូច​បាន​យក​រូប​ទំព័រ​ហ្វេសប៊ុក និង​ឈ្មោះ​សម្ដេច​តេជោ​ទៅ​កាត់​ត​ធ្វើ​ជា​សារ​ផូស្ទឺរ​បង្ហោះ​ព័ត៌មាន​មិន​ពិត មាន​បំណង​ញុះញង់​បង្ក​បញ្ហា។

នៅ​ថ្ងៃ​ទី​១៤ តុលា នេះ គេ​សង្កេត​ឃើញ​មាន​រូបភាព​មួយ​សន្លឹក​ត្រូវ​បាន​គេ​បង្ហោះ​នៅ​លើ​បណ្ដាញ​សង្គម​ហ្វេសប៊ុក ដែល​មាន​ឈ្មោះ​ទំព័រ​ហ្វេសប៊ុក​លោក​នាយក​រដ្ឋមន្ត្រី ហ៊ុន សែន ជា​ភាសា​អង់គ្លេស ភ្ជាប់​ជាមួយ​រូបភាព​សំរាម​រាយប៉ាយ​បន្ទាប់​ពី​បញ្ចប់​ពិធី​បុណ្យ​អុំ​ទូក​មួយ​សន្លឹក​នៅ​ខេត្ត​កណ្ដាល និង​មាន​សរសេរ​សារ​ថា៖ «រូបភាព​នេះ ត្រូវ​ជន​គអតិ (អគតិ) ពួក​ប្រឆាំង ពួក​វា​មិន​យល់ ទើប​យក​មក​ផុស​បង្អាប់​កិត្តិយស​ពលរដ្ឋ​ខ្លួន បើ​យើង​មើល​មួយ​ផ្លូវ​ទៀត គឺ​ដោយសារ​ការ​ដឹកនាំ​របស់​ខ្ញុំ​ជាង ៣០​ឆ្នាំ​មក​នេះ ធ្វើ​ឱ្យ​កម្ពុជា រីក​ចម្រើន​សម្បូរ​សប្បាយ ពលរដ្ឋ​សម្បូរ​ហូប​ចុក ហូរ​ហៀរ បរិបូរណ៍ ទើប​ធ្វើ​ឱ្យ​សំរាម​កើន​ឡើង។»

សារ​រូបភាព​ក្លែងក្លាយ​ដែល​ត្រូវ​បាន​គេ​បង្ហោះ​នៅ​លើ​បណ្ដាញ​សង្គម​ហ្វេសប៊ុក (Facebook)។ (Photo Screenshot)
សារ​រូបភាព​ក្លែងក្លាយ​ដែល​ត្រូវ​បាន​គេ​បង្ហោះ​នៅ​លើ​បណ្ដាញ​សង្គម​ហ្វេសប៊ុក (Facebook)។ (Photo Screenshot)

លោក ដួង តារា បញ្ជាក់​ថា សារ​រូបភាព​ខាង​លើ​នេះ មិន​មែន​ជា​សារ​របស់​សម្ដេច​តេជោ​នាយក​រដ្ឋមន្ត្រី​នោះ​ទេ ដោយ​សម្ដេច​មិន​បាន​ចេញ​សារ​របៀប​ហ្នឹង​នោះ​ទេ៖ «គឺ​មិន​ពិត​ទេ ជា​ព័ត៌មាន​ដែល​ជន​ខិលខូច​បាន​ប្រឌិត។»

លោក ដួង តារា បាន​ដាស់តឿន​ថា «ឈប់​ទៅ! បងប្អូន​អ្នក​ដែល​អង្គុយ​ប្រឌិត​រឿង​ចង្រៃៗ គឺ​អាច​នាំ​ខ្លួន​ឯង​ទៅ​រក​បញ្ហា (ដាក់) ខ្លួន​នៅ​ពេល​ណា​មួយ​ជា​មិន​ខាន។»

ទោះ​យ៉ាង​ណា នៅ​ក្នុង​សារ​របស់​លោក តារា ដដែល​នោះ លោក​បាន​សរសេរ​ក្នុង​ន័យ​សរសើរ​ដល់​អ្នក​ប្រើប្រាស់​បណ្ដាញ​សង្គម​ហ្វេសប៊ុក ដោយ​លោក​ថា អ្នក​ប្រើប្រាស់​ហ្វេសប៊ុក​មុន​នឹង​គេ​ជឿ​លើ​រឿង​អ្វី​មួយ គឺ​គេ​ប្រមូល​រក​ប្រភព​ព័ត៌មាន​ពី​គ្រប់​ទីកន្លែង។

សារ​របស់​លោក ដួង តារា អ្នក​គ្រប់គ្រង​ទំព័រ​ហ្វេសប៊ុក (Facebook Page) របស់​លោក​នាយក​រដ្ឋមន្ត្រី ហ៊ុន សែន អំពី​សារ​រូបភាព​ក្លែងក្លាយ​ដែល​ត្រូវ​បាន​គេ​បង្ហោះ​នៅ​លើ​បណ្ដាញ​សង្គម​ហ្វេសប៊ុក (Facebook)។ (Photo Screenshot)
សារ​របស់​លោក ដួង តារា អ្នក​គ្រប់គ្រង​ទំព័រ​ហ្វេសប៊ុក (Facebook Page) របស់​លោក​នាយក​រដ្ឋមន្ត្រី ហ៊ុន សែន អំពី​សារ​រូបភាព​ក្លែងក្លាយ​ដែល​ត្រូវ​បាន​គេ​បង្ហោះ​នៅ​លើ​បណ្ដាញ​សង្គម​ហ្វេសប៊ុក (Facebook)។ (Photo Screenshot)

សូម​ចែក​រំលែក​ដំណឹង​នេះ​ទៅ​កាន់​មិត្តភ័ក្ដិ​របស់​លោក​អ្នក​បាន​ដឹង​ផង។ សូម​អរគុណ!

កំណត់​ចំណាំ៖ ហាម​យក​អត្ថបទ​ពី​គេហទំព័រ www.www.techkhmer.netទៅ​ចុះ​ផ្សាយ​ដោយ​គ្មាន​ការ​អនុញ្ញាត៕

Comments

 ឫទ្ធិស័ក្តិ
លោក ឫទ្ធិ ស័ក្ដិ គឺ​ជា​អ្នក​សរសេរ​អត្ថបទ​ផ្នែក​បច្ចេកវិទ្យា និង​គន្លឹះ​ថ្មីៗ​ក្នុង​ការ​ប្រើប្រាស់​ប្រចាំ​ថ្ងៃ​នៅ​ក្នុង​បច្ចេកវិទ្យា។ ស័ក្ដិ ចូលរួម​ចែក​រំលែក​ដំណឹង​ល្អៗ​អំពី​បច្ចេកវិទ្យា​ចាប់​តាំង​ពី​វេបសាយ​មួយ​នេះ​ត្រូវ​បាន​បង្កើត​ឡើង។ គាត់​ចង់​ឱ្យ​ប្រជាជន​ខ្មែរ​កាន់​តែ​ច្រើន​យល់​ដឹង​អំពី​បច្ចេកវិទ្យា​ឱ្យ​ទូលំទូលាយ ពីព្រោះ​បច្ចេកវិទ្យា​អាច​ជួយ​ឱ្យ​ជីវភាព​រស់នៅ​របស់​យើង​កាន់​តែ​ទំនើប​ស្រប​ទៅ​នឹង​ការ​វិវឌ្ឍ​នៃ​សម័យ​កាល។